Beliebte Verse in Zhenɛsi 25

Teilen

A Yawe Yɛnŋɛlɛ lì suu pye fɔ: Cɛngɛlɛ shyɛn ke yɛn wa ma lara; Ma yaa ka cɛngɛlɛ shyɛn se, ke yaa ka laga ke yɛɛ na. Cɛnlɛ nuŋgba yaa ka fanŋga ta sanna li na; ndɔfɔ wi yaa ka pye jɔnlɔfɔ wi kulo.

A wì si Zhakɔbu wi yɛnri maa pye fɔ: «Ki yaga mbege yara yɛnrɛ nda ta ka, ki yara yɛnrɛ nda re, katugu mi yɛn ma te, fuŋgo ki yɛn na na.» Ko kala na pège mɛgɛ ŋga ki taga Ezawu wi na naa yinri Edɔmu.

Erebeka wi sila pye na siin. Kì kaa pye ma, a Izaki wì si Yawe Yɛnŋɛlɛ li yɛnri wi jɔ wi kan. A we Fɔ wì suu yɛnrɛwɛ pi logo, a wi jɔ Erebeka wì si kugbɔ lɛ (nɛɛ waanla singi mbe se).

A Ezawu wì suu yɔn sogo ma yo fɔ: «Wele, mi yɛn na jaa mbe ku fuŋgo ki kɛɛ. Yiŋgi ki lelɛwɛ tɔnli wi yaa yɔn na kan?» Kona, a Zhakɔbu wì suu pye fɔ: «Wugu mala kan ki wogo ki na gbɛn.» A Ezawu wì si wugu maa kan, mɛɛ wi lelɛwɛ tɔnli wi kan wi yeri.

Ko puŋgo na, a wi jɔnlɔ wì si yiri. Wi kɛɛ kìla pye ma Ezawu wi yeŋgbele li yigi. A pè suu mɛgɛ taga naa yinri Zhakɔbu. Izaki wìla ta yɛlɛ nafa taanri pe sesanga wi ni.

Ezawu wìla pye ma Izaki wi ndanla, katugu wìla pye na kara kuun, a wila kaa. Ma si yala Zhakɔbu wìla pye ma Erebeka ndanla.