Beliebte Verse in Luk 11

Teilen

Ñɨŋ nöbö mö wä yöi akuyöbö jɨ halöu ha ñɨŋ bla ap wä bla akwör nöiöña. Acö adöx yöd röul adö kau sö mɨd aku Nöbö wä ödöriö. Nuŋ ap gwogwo i nölen. Inöm Leia anɨŋ nölö, rɨmɨjöñ aku, Acö ñɨgö nöiönɨŋö,” röŋa.

Makwam, ñɨgö yadmɨdla, ap agapɨm mɨden aku, God nugwo yad nugwɨŋ, ñɨgö nöiöna. Ap agapɨm hölu nugwöñ aku, pöña. Anɨŋ uba rödö, rön, pal gigu rɨŋ, röjöna.

Aku agapɨm: nöbö mö God yad nugwöñ akuyöbö pöña. Nöbö mö ap hölu nugwöñ akuyöbö pöña. Nöbö mö anɨŋ uba rödaŋ, me rön, pal gigu rɨŋ, ñɨgö uba röjöna.

Aliö rɨmɨn, Jisas ñɨgö yadöŋa, “God höjöpainöb, al aliö yajöña, ‘Acö, nöbö mö ib nagö yadɨŋ bɨl sö duaŋ. Nagö nöbö mö pön nugwidɨx mɨjɨnö wop aku rɨmgör haŋ.

Nöbö mö bli an rɨ gwogwam rɨmɨn, an ñɨgö paiŋö rɨ gwogwam rölöl mag akuyöbö, an ap kib mag gwogwo röl mag an aku nugwön röböxö. Anɨŋ nugwidɨx mɨdaŋ, rɨb i yöxön, rɨ gwogwam röinɨŋö,’ cɨne,” röŋa.

Ap mag anɨŋ wop paŋ paŋ öim öim nöilö akuyöbö nölö.

Makwam mämäg aku hötɨkö mila röxg mɨda. Mämäga mɨd ri abön aku, mɨxɨña yuö kwo mil abɨm mɨd ri aba. Makwam mämäga mɨd ri aben aku, mɨxɨña yuö kwo pɨxmag röxg gur gɨ mɨjöna.

“Nöbö mö akuyöbö hötɨkö urön möl i mönö wi yöj mo möl böisö öim umad nɨgmɨdölöi; bɨl yöraku pisö cɨx nɨg gɨŋ mil abmɨn, nöbö mö akuyöbö ram möl yuadö hön wöxnö nugwöña.