Beliebte Verse in Yohane 5

Teilen

“Na ŋidanbe detpi, ŋei mane eŋe naŋane don desiyake, mo talenangi ketkole, eŋe weneŋ malip kayake, eŋe gege togon mo eyaka marat kamaike, so eŋe sot turuŋ wane don urata mi mayake, midakaka. Eŋe seuseu mo ŋadekkake, wane ukude yemo gegeo waketke gemaike, so naso baŋem ge wayake.

Yesu eŋe kaki ŋei yewa eŋe papa set pake, eso Yesu eŋe detke ŋei yewa eŋe zoma kaki naso kiroroine geke, eya wane Yesu eŋe ŋei yewa qesonka rake, “Ge menaŋ ganiyakane simin ganmaike me?”

Ŋine Kaisale wane ekapko pamaike yewa dapot okanmami, onoka wane, ŋine iwa yale det okanmami, yewa wane kotino ŋinŋine baŋ gege togon maratkaikei, so ekap yewaŋoka naŋane kinene ra wakone okanmaike! Ŋo onoka wane ŋine eweke more gege togon maratkaikei wane naŋano mi sari okanmami?

Raki so Yesuŋo olatke, “Wiye okora, uwamŋone so supanagu papaŋone manom, paki ma arinom.” Ŋei yewa eŋe esatkamde menaŋkaki, uwam lameke papaine puk maso arike. Masi iwa yemo zonom ma taboŋ met met wane kaiwe naso yewao wakonge.

Paki so Yesuŋo edane rake, “Na ŋidanbe detpi, Magak mane wane Gipole eŋe oŋomka kine kine mane eŋine wetno mi okaniyake. Midaka. Eŋe kaki Magaineŋo kine kine okaniyake, eŋe yewaka mogare okaniyake.