Pakimo Asuŋo Pilip olatke, “Ge horsi kare yewa wane osino ari ikop maratkanom.” Paki, Pilip eŋe biririke osino ari more detkaki, eŋe propet Isaiya wane ekap dapore metke, eŋe yale okangi, Pilipŋo rake, “Ge don yewa dapore kineine maine detkamaine me mida?” Pakimo, ŋei yewa eŋe don iwa yale mainge rake, “Na ŋei maneŋo numa mi ra wakone sikan nangi, na noŋomka eya wane kineine dalino desikale? Ge sanom narop weneŋ horsi kare kutno mette.”