Beliebte Verse in Доладалар 27

Teilen

Везачу Эло кхачам боллуш догӀанаш дохкуьйтийла хьан латта токхе хилийта, хьуна алссам ялта а, керла чагӀар а хилийта. Хьуна гӀуллакх деш къаьмнаш хуьлийла, хьуна муьтӀахь халкъаш хуьлийла! Хьо хьайн вежаршна тӀехь олалла деш хир ву, уьш хьуна хьалха охьатаьӀна хир бу. Хьуна неӀалт кхайкхош верг неӀалт хилла хир ву, хьо декъалвеш верг декъала хир ву».

«Лаа ма ца олу цунах Якъуб (и ду „левеш верг“ бохучух тера)! – элира Ӏесава. – Цо шозза леви со: цкъа соьгара дуьххьара дуьнен чу ваьллачун бакъо дӀаийци, ткъа хӀинца декъалвар а дӀадаьккхи». Юха дега хаьттира Ӏесава: «Суна цхьа а тайпа декъалвар дитиний ахь?»

ТӀаккха элира цуьнга Исхьакха: «Токхе лаьтта тӀехь вехар вац хьо, тоъал догӀанаш а хир дац хьуна, хьайн дахарехьа тур а буйнахь къийса дезар ду хьан. Хьайн вешин ялхо хир ву хьо, амма цунна дуьхьал а гӀаьттина, цуьнан олаллин кӀелхьара вер ву хьо».

Амма, велха а воьлхуш, дега дехарш дора Ӏесава: «Дада, цхьаъ бен дац хьан декъалвар? Со а вехьа декъал, дада!»