Beliebte Verse in Yahayya 6

Teilen

Yeesu vi'i ɓe : — Miin woni nyaamdu hokkooru yonki. Garɗo to am fuu, veelataake faa abadaa. Goonɗinɗo yam boo ɗomɗataa faa abadaa.

Ruhu kam hokkata yonki, ammaa ɓanndu neɗɗo nafataa koo ɗume. Bolle ɗe mbolvanmi on, kanje ngoni ruhu e yonki.

To' on torro gam nyaamdu nyolooru. Ammaa torree gam nyaamdu neeɓeyndu, hokkooru yonki ɗum faa abadaa, nyaamdu ndu *Ɓii-Neɗɗo hokkata on, gam kanko Allah *Baabiraawo holli jaɓii ko o huwi.

Raa ko Baaba am yiɗi : Koo moye yi'i *Ɓiɗɗo, goonɗini mo, o heɓey yonki ɗum faa abadaa. Mi ummitiney mo boo *nyannde-darngal.

Yeesu toontii ɓe vi'i : — Kuugal ngal Allah yiɗi ngaal woni ngoonɗinon mo o liloyi.

Mo *Baabiraawo hokki yam fuu, no warey to am. Garɗo to am boo, mi laggataa ɗum.

Simon Biiturus toontii mo vi'i : — Moodibbo, to moye min njahata ? Aan woodi bolle kokkooje yonki ɗum faa abadaa.

Miin woni nyaamdu hokkooru yonki ivoyndu gada dow. To goɗɗo nyaami nyaamdu nduun, no foofey faa abadaa. Nyaamdu nduun woni ɓanndu am, ndu kokkeymi gam yonkiiji yimɓe duuniyaaru.

Walaa baawɗo wargo to am, to naa Baabiraawo liloyɗo yam fooɗoyi mo. Garɗo to am fuu, mi ummitiney ɗum nyannde-darngal.

Nyaamdu ndu Allah hokkata on, kayru woni jippoyiindu gada dow, hokkeyndu duuniyaaru yonki.

Miin woni nyaamdu hokkooru yonki.

Yeesu hooƴi buroodi ɗuum yetti Allah, o ye'edi jooɗiiɓe. Noon o waɗani liƴƴi boo. Koo moye fuu nyaami faa haari. Nde ɓe kaari, Yeesu vi'i almaajiri'en muuɗum : — Kawritee ko hori, gam to' koo ɗume bon.

Ɓe laanyi akali boo faa ɓe keɓi kama kiloomeetir jovi koo joveego'o. Nde ɓe kaynii Yeesu e ruugoyii dow ndiyam e ɓaditoo ɓe, ɓe kultori. Yeesu vi'i ɓe : — Ɗum miin. To' on kul !