Beliebte Verse in Zaŋ 6

Teilen

Zezu apsit na: Əntə dupeŋ na zeŋgille. Ko naway dəde azawa, may adana ɗaah ɓa. Ko naway dətafwa meme adanəna ɗaah ɓa.

Əmpəs na Maŋgəlva wapsən zeŋgille, gəɓa zə ɗəffa aɓap na ko mi diɓa. Wəpel məs nəpel sukuməŋka, ndəni Əmpəs də zeŋgille.

Kədawgayaŋ vi way məs naŋgənaŋ ɓa, amma məgay vi way nawsan ha faɗə, napsukum wəkoh ha faɗə. Way məs Wətən Ɗəf* adapsukum, va an məs də sembe məs arah səza Maŋgəlva Affəni.

Apprəm an məs Affu aŋgələ: Ko naway dula Wətən Ɗəffa* dətafa, warah zeŋgille ha faɗə, wanəsil gən səkəti əmta pay wəgrak dəlva.

Zezu azlansitike: Məpprəm wəza an Maŋgəlva aŋgəl avokum: Mətaf ɗəf məs aslənə.

An məs Affu avay pakə, wade azawa. Ko naway dəde zaw bo nəɓoŋsəna kpak ɓa.

Simoŋ Piyer azlan sənəka: Ɗəfdaya aŋga mədadam di? Wəpel məs napsən zeŋgille ha faɗə sə moki adaw gilyeni.

Əntə dupeŋ madarani, məs dəprik sə disiŋ. An ɗəf azəməka, wasan madaran ha faɗə. Dupeŋ məs nədapsukuməŋka gəɓa zuwi. Wanəpsən vi duniya dəsan gən madaran.

Ɗəf tay naɓap wəzzan azaw ɓa, say an Affu məs də slənu dəkiya. Ko naway dəde azawa, wanəsil gən səkəti əmta pay wəgrak dəlva.

Way məs Maŋgəlva adapsukuməŋka, məs dəprik sə disiŋgi, ndəni napsən zeŋgille sən dunuya.

Əntə dupeŋ napsən zeŋgille ha faɗə.

Zezu agimik dupeŋɗe neki, asokonək Maŋgəlva, yaŋ awɗakan sit ɗii veti. Vaski agəɗ dit kilfi bo. Ko naway pak arahək va aŋgələ. Yaŋ ndəɗaŋ pak abaŋka, Zezu apsit gewleɗ nan na: Məkelet dambirgiti vi adawrayaŋ ɗar ɓa.

Yaŋ aɓlanən bəlay gap kilometər sle walla slire, awlanənək Zezu tay zar aza bəlay, tay daw aket iŋkile də təlni, geslne armeke. Amma Zezu apsit na: Kədaw geslne'eŋ ɓa, əntə.