Beliebte Verse in Mr 6

Teilen

Rĩkimarãja torã ᵽoꞌimaja etairã, aꞌyurã imaekarã. Iꞌsuᵽaka simamaka nõꞌõjite mabaꞌawãrũberijĩka simaeka Jesúroꞌsi, kika wãrũrimajaroꞌsioka. Suᵽa imarĩ kika wãrũrimajare ikuᵽaka kẽrĩka: —Dajoa, ᵽoꞌimajamatorã kũᵽajĩ majẽrĩtari,== nare kẽrĩka.

Suᵽa imarĩ, ikuᵽaka nare kẽrĩka: —Tuᵽarãroꞌsi bojaĩjirimaji, “Jiitaka mare kibojayu”, ritaja ᵽoꞌimajare kireka ãñuka kime. Iꞌsuᵽaka simakoꞌomakaja kiᵽoꞌijirika wejeareka imarã, kitãꞌomajatarã ᵽuri kire jiyiᵽuᵽayeebeyurã,== kẽrĩka.

Keꞌrikarõꞌõrã eyatirã marĩwaꞌribaakõrĩ rĩkimarãja ᵽoꞌimajare imamaka Jesúre ĩaeka. Ovejawẽkoa ĩarĩrĩrimajire imabeyu uᵽaka ᵽoꞌimajare imamaka kĩaeka. Iꞌsuᵽaka nimaeka Tuᵽarãrika nare wãrõrimajire imabeᵽakãꞌã. “Jia õrĩwãrũbeyurã nime. Suᵽa imarĩ marãkãꞌã nabaawãrũbeyu”, ãrĩwaꞌri wayuĩaiki imarĩ, ritajakaka nare kiwãrõũꞌmueka mae.

Jia kire nayiꞌribeᵽakãꞌã, maikoribeyua nare kibeawãrũberika. Imakoꞌomakaja ĩꞌrãrimarãre takaja kiᵽitaka jaꞌaᵽeatirã wãmarĩa imaekarãre kitããeka. Kitãꞌomajare kire ãꞌmitiriᵽẽabeᵽakãꞌã marãkãꞌã ãrĩwãrũberijĩka Jesúre jarika. Imakoꞌomakaja aᵽea wejearã ᵽoꞌimajare wãrõtaᵽarĩ keꞌrika mae.

Suᵽa imarĩ ᵽan ĩꞌrãᵽitarakato imaeka, waꞌia ĩꞌᵽarã imaeka Jesúre eꞌerikaeka. Wejeᵽemarã yuꞌayoitirã, “Jia mibaayu aꞌbi”, ãrĩweatirã, ᵽan kiñaꞌkataꞌruika mae. Suᵽabaatirã, “Ᵽoꞌimajare samija ᵽibabe”, ãrĩwaꞌri kika wãrũrimajare sakĩjika mae. Iꞌsuᵽakajaoka kibaaeka ĩꞌᵽarã waꞌia imaeka ritaja ᵽoꞌimajaka sanaᵽibabaꞌaerã. Ritaja ᵽoꞌimajare baꞌaeka, jia ñaꞌᵽirika najarikarõꞌõjĩrã. Nabaꞌaeka ᵽiyia, ĩꞌᵽoũꞌᵽuarãeꞌearirakaᵽiꞌi ᵽururika kika wãrũrimajare rẽaeka.