Beliebte Verse in GENESIS 39

Teilen

LALPA chuan a awmpui avângin Josefa chu a hmuingîl hle zêl a; a pu, Aigupta mi chuan, in chhûng lam hna a thawhtîr a.

A neih zawng zawng chu Josefa kutah a dah vek a, ani a awm phawt chuan eng mah a ngaihtuah lo, a ei tûr bîk tih chauh lo chu. Josefa chu tlangvâl tlâwntlai ṭha deuh, hmêlṭha tak a ni a.

Tân in vêngtu chuan lung in tâng zawng zawng enkawltuah a hmang a; tih tûr awm apiang a titu a ni ṭhîn.

Tichuan, Josefa chu a hruai a, lal lung in tâng dahna lung inah a tântîr ta a. Tân ina a awm pawh chu LALPA chuan a awmpui a, a khawngaih a, tân in vêngtu chu a duhsaktîr a.

Nakin deuhvah chuan a pu nupui chuan Josefa chu a ngaizâwng a, mutpuiah a thlêm ta a. Ani chu a ṭang a, a pu nupui hnênah chuan, “Kei ka awm phawt chuan ka pu hian in chhûng lam thil eng mah a ngaihtuah lo; a neih zawng zawng min kawltîr vek a ni. He in chhûngah hian kei aiin thu a nei chuang lo; nang, a nupui tih chauh lo hi chu ka tân ui pawh eng mah a nei lo. Chuvângin, Pathian lakah hetiang thil sual hi engtin nge ka tih theih ang?” a ti a.

Ni khat chu in chhûngah hna thawk tûrin a lût a, chhiahhlawh tu mah in chhûnga an awm loh lai a ni. A puanah chuan a lo man a, “Ti rawh, i mu dûn ang,” a ti a; mahse, a tlân chhuahsan ta a, a puan erawh chu a kutah chuan a tlânsan a.