Beliebte Verse in GENESIS 28

Teilen

Ngai rawh, ka awmpui a che, i kalna apiangah ka vêng ang che a, he ramah hian ka hruai kîr leh ang che, ka thutiam ka tihhlawhtlin hma chu ka thlahthlam lo vang che,” a ti a.

LALPA chuan a lo dinchilh reng a, “Kei LALPA hi, i pa Abrahama Pathian, Isaka Pathian ka ni. I mutna lei hi nang leh i thlahte ka pe dâwn a ni.

Jakoba chu a lo ṭhangharh a, “Hetah hian LALPA a lo awm a nih hi, ka lo hre si lo va,” a ti a.

Jakoba chuan thu a tiam a, “Pathianin min awmpui a, ka khualzinna lama min vên zêla, ei tûr leh sin tûr min pêk zêla, ka pa ina him taka ka lo kîr leh chuan LALPA hi ka Pathian a ni ang a. He ka lungphun pawh hi Pathian in a ni ang, i thil min pêk zawng zawng aṭangin sâwma pakhat ka pe ngei ngei ang,” a ti a.

I thlahte chu leia vaivut zât an ni ang a, chhak leh thlang, chhim leh hmârah an inzâr darh ang, leia hnam tinrêngin nang leh i thlahte chu induhsakna ṭawngkam takah an hmang ang che.

Chu hmun hmingah chuan Bethel a vuah a, tûn hma chuan chu hmuna khaw awm hming chu Luz a ni.