Punu: Mbembu Nzambi o Ipunu (New Testament+)

©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES

Mbembu Nzambi o Ipunu

<div class="version vid3939 iso6393puu" data-vid="3939" data-iso6393="puu">
 <div class="book bkLUK">
 <div class="chapter ch8" data-usfm="LUK.8">
 <div class="label">8</div><div class="s1">Baghetu abamenedukaange Djesu</div><div class="p"> 1Va djulu vane, Djesu amanangaange misyengi na mimbu mu uyenesamune Musamu Wuboti wu Bukaghe bu Nzambi. Dighumi na badukitsi bandi babedji (12) bamabe nandi, 2na mwa dikabu di baghetu abe Djesu amasanze binyuni bibi nobeluse mali diwendili yiri: Mari mwise Maghedale awu amasanzu yisambwali yi binyuni bibi, 3Sane, mughatsi Kuse mukelitsi maboti ma Yirode, Sisane na bamosi abamaveghaange maboti mowu mu uwamuse Djesu na badukitsi bandi.</div><div class="s1">Nongu Mukukitsi tsangu</div><div class="r"> Mat 13.1-9; Mrk 4.1-9</div><div class="p"> 4Yinombu yimarughaange yari na yari mu misyengi mu uyibengune na Djesu. Na mughungi wighukimi, akebabwayile nongu &#233;djidji: 5&#171;Mukukitsi amapale nowende o nungi andi muy&#233;kuke tsangu. Ave amakukilaange, mwa dikabu dikebondughe mu nzile. Batu bakeditsyarile na batsoli abamarughusenaange o djulu bakidode. 6Dikabu dimosi, dikebondughe va yilale yi mamani. Tsangu tsyeni, tsinobende, tsikeneghe pesu na tsikenengene dibandu dighambu di posi mambe. 7Dikabu adine, dikebondughe va ghari matsyendi. Dikebende va mosi na matsyendi. Matsyendi meni maketsitutse. 8Tumbe dikabu adimasyale, dikebondughe va butambe buboti. Tsangu djikebende na kadi yivaru yikebure kame milunde.&#187; Na Djesu yikemani uvose nane, akebwese unangule dyufi rye: &#171;Wulwanu, wotsu avu na matudji limbe mu uwulu, awulu!&#187;</div><div class="s1">Dibandu yi, Djesu evosili na banongu?</div><div class="r"> Mat 13.10-17; Mrk 4.10-12</div><div class="p"> 9Mu dyoni badukitsi bandi, bakemuwivule divindughulu di nongu eni. 10Akebawake rye: &#171;Dumaveghu yese yudjabe bikeke bi Bukaghe bu Nzambi, tumbe ombu bane, mambu meni, me batsingulu mu banongu mumbari:</div><div class="qc">&#8220;Ne batsighengile, bagholabe;</div><div class="qc">ne batsiwulu, baghotsiyise#Isa 6.9.&#8221;&#187;</div><div class="s1">Djesu evindiyi nongu dji mukukitsi tsangu</div><div class="r"> Mat 13.18-23; Mrk 4.13-20</div><div class="p"> 11&#171;Lanu divindughulu di nongu eni: tsangu, mbembu Nzambi. 12Tsangu atsimabondughe mu nzile, djowu abewulu mbembu Nzambi. Tumbe Dyabu eyiwusule musamu eni mu mirime myowu, mumbari bakewusinge na bakeghobulu. 13Tsangu atsimabondughe mu mamani, djowu bane, payi bamawulu musamu, bakewuwake na nzangu. Tumbe mwa pesu temu, baghewughangisi nowutsanise mu mirime myowu. Ave dumangu dwiruyili, bakedunde yitu. 14Tsangu atsimabondughe va ghari matsyendi, djowu bane, abewulu mbembu Nzambi bedjighangisi na baghedjidedili dibandu munyongu, maboti na nzale tsi musoni. Na mutsanu owu wiburi milunde, tumbe migheweeli. 15Tsangu atsimabondughe mu butambe abu boti, djowu bane abewulu mbembu Nzambi na murime wusunde, b&#233;djighangisi na yikanane na mutsanu owu wiburi milunde amiweeli.&#187;</div><div class="s1">Yinonongu yi dy&#233;nini di lambi</div><div class="r"> Mrk 4.21-25</div><div class="p"> 16&#171;Vagha mutu ebanzi lambi na edjisunzi otsi ponzi vo otsi tangi, tumbe mb&#233; odjisunze va djulu dingase mumbari djikemonitse botsu abekoti o ghari ndaghu. 17Yime yotsu ayivu yikeke yudjabunu yilumbu; ayimusweghe, yubawulu va yimwani &#8220;velee&#8221;. 18Kebenanu mu kulusu enu, mumbari, wotsu avu na yime, bomubwese. Tumbe, djandi wune awu aghaane yisalu, opatulu ne mwa pesu adjivu nandi.&#187;</div><div class="s1">Ngudji na baane ba ngudji ba Djesu</div><div class="r"> Mat 12.46-50; Mrk 3.31-35</div><div class="p"> 19Ngudji na baane ba ngudji ba Djesu, bamaronde umulabe. Banotole ave amabe, basamarunguse ubambene nandi dibandu yinombu yeni. 20Baketsingule Djesu rye: &#171;Ngudji na baane ba ngudji aghu djowu bane bavu o dulombili na b&#233;rondi uwulabe.&#187; 21Tumbe Djesu akebatsingule djobotsu rye: &#171;Ngudji na baane ba ngudji ami, djowu abewulu na b&#233;dedili mbembu Nzambi.&#187;</div><div class="s1">Djesu esiyiyi mungudi</div><div class="r"> Mat 8.23-27; Mrk 4.35-41</div><div class="p"> 22Mwa yilumbu, Djesu anonangeme mu bwatu na badukitsi bandi, akebatsingule rye: &#171;Twendyanu o disimu dine di yilibe.&#187; Na bakewende. 23Ave bamawendilaange, Djesu akewende yilu. Sundile mupunge wuneni wukeghumbe mu yilibe, bwatu bukebande wubase na mambe, na bakabe mu purulu. 24Dinobe nane, badukitsi bakebambene va mughule Djesu, bakemusimbule noghamughe rye: &#171;Fumu, Fumu, yike ufu, tukefu!&#187; Djesu anosimbughe, akenyangile mupunge na mibidji, bikesigheme. Na musighe wuneni wukabe &#171;swii&#187;. 25Djesu aketsingule badukitsi bandi rye: &#171;Yitu yenu yika?&#187; Mu ghome adjimabe nowu, bakesutu na bakevosaange va ghari owu rye: &#171;Mutu awuwu nyi wirumi ne mupunge na mambe na vane bimudedili!&#187;</div><div class="s1">Djesu esanzi binyuni bibi mu dibaale o musyengi Seraseni</div><div class="r"> Mat 8.28-34; Mrk 5.1-20</div><div class="p"> 26Djesu na badukitsi bandi bamatsyekeme o bulongu bu baSeraseni o disimu dine di yilibe adisungesene na Ngalile. 27Ave Djesu amasunduyile vatsi, dibaale di musyengi eni, adimabe na binyuni bibi dikey&#233;mubengusene. Vane kale asamamw&#233;dwaraange bikutu, amasileminaange mu dulombili, mu mambine. 28Anolabe Djesu, amaghamughe, amakebwaghe va makulu mandi na akevose o djulu rye: &#171;Dyambu yi witombi, Djesu, Mwane Nzambi adjitinde djulu? Kokolu, nyighulendi, wuyanzoyise!&#187; 29Mbana Djesu akerume binyuni bibive abimamukambisaange yi lenganu nopale. BaSeraseni, bamamutungaange myowu na makulu na bapange na mu bivangu bi madilu mu umukelise. Tumbe, akebitabulaange. Binyuni byeni bibi bimenemubeghaange mu mbure atsi amabilaange pinze o ghari dukange. 30Djesu akemuwivule: &#171;Dine dyaghu yi?&#187; Akemuwaghule: &#171;Yinombu&#187;. Amawaghule nane, mumbari bamabe binyuni bipwele. 31Na bikelende Djesu, ak&#233;bitinde o Mbengi.</div><div class="p"> 32Vane, vamabe mughambe wuneni wu bangulu awumadjangaange o djulu mukongu. Binyuni byeni bikelende Djesu yiri bikekote mu bangulu. Na Djesu akebaveghe musughe. 33Binyuni bibi bikepale mu mutu eni, bikekote mu bangulu. Mughambe eni wukevindeme mukongu mbangu, wukeputume mu yilibe &#171;mfughuu&#187;, wukevevughe. 34Abamakelisaange bangulu beni, banolabe nane, bamarine na bamenenyavise tsangu mu musyengi na mu masaku. 35Batu bamawende muy&#233;labe adimavyoghe. Banotole ombu Djesu, bakerasune dibaale adimapalusu binyuni atsane va wusu andi, adware, asigheme na akepolu. Na batu beni bakeghangu na ghome. 36Abobamalabe yimaghe yeni, bakeyetsingule nane Djesu amabelusile dibaale dyeni.</div><div class="p"> 37Bise Seraseni botsu, bakelende Djesu yiri arambuyi ombu wowu, mumbari bamaghangu na ghome adji neni. Djesu akenangeme mu bwatu noghabusile. 38Djandi awu amapalusu binyuni bibi, akelende Djesu akenewendaange nandi. Tumbe Djesu akemughabuse o ndaghu andi nomurume: 39&#171;Yenetsingule batu baghu botsu ame Nzambi amawuvayile.&#187; Mu dyoni, amayenewende noyenevaghaange bumbedji mu motsu ame Djesu amamuvayile.</div><div class="s1">Djesu erambusi mwane Sayirise nobeluse mughetu</div><div class="r"> Mat 9.18-26; Mrk 5.21-43</div><div class="p"> 40Ave Djesu amaghabuyile o disimu dine di yilibe, yinombu yimamukelisaange mu umusangile. 41Na vakerughe dibaale, dine dyandi Sayirise amabe yivunde yi ndaghu dusambu dji baSwife. Yivunde yeni akekebwaghe va makulu ma Djesu na akemulende yiri: &#171;Rughe o ndaghu ami.&#187; 42Payi amavaghe nane, mumbari amabe na mwane divingu di mughetu wu dighumi na bilime bibedji (12) amamongaange.</div><div class="p">Ave Djesu amawendilaange, amabe va ghari yinombu na bakeyenemubandesenaange yari na yari. 43Va ghari owu, vamabe mughetu awumabe na muvuve malungu mu dighumi na bilime bibedji (12). Mughetu eni, akemane maboti mandi motsu na babuyitsi, tumbe ne wumosi asarunguse umubeluse. 44Anobambene va nzime Djesu, akebembe difubu di yikutu yandi. Vane-vane, muvuve malungu ukekamughe. 45Djesu akewivule rye: &#171;Anyi atsimbembe?&#187; Botsu bakeghale. Pyere akemuwake rye: &#171;Fumu, yinombu yiwutsyenge, na yiwubandesene yari na yari.&#187; 46Tumbe Djesu aketsiyise rye: &#171;Mutu atsimbembe mumbari nyitsiwulu mangolu matsimapale mu menu.&#187; 47Mughetu eni, anolabe yiri bamamubaghule, akerughe noregheme na akekebwaghe va makulu ma Djesu, aketubule dibandu adi amamubembile va wusu mughungi, na nane amasunde ubeluyile. 48Djesu akemutsingule rye: &#171;Mwane ami, yitu yaghu yimaghughobule, wendangaange na duvotsu.&#187;</div><div class="p"> 49Djesu uvose mb&#233; akivose na mughetu eni, vakerughe yilumbi o dimbu di yivunde yi baSwife novose rye: &#171;Wuyabw&#233;kungise wa Mulonzi, mwane amafu.&#187; 50Tumbe Djesu anowulu nane, aketsingule yivunde yeni: &#171;Wuyalabe ghome, vaghe yike yitu, na mwane aghu oghobulu.&#187; 51Anotole o ndaghu Sayirise, asamagharusu mutu ususu ukote nandi, yike vane Pyere, San, Sake, tadji na ngudji mwane. 52Botsu bamatataange nolilaange mwane eni. Djesu akebatsingule rye: &#171;Duyabwelile, mwane agha afu, tumbe adji yilu.&#187; 53Na batu beni bakemupedjingi, mumbari bamadjabaange yiri mwane afu kale. 54Tumbe Djesu akemughaange mu dikake novose na mangolu rye: &#171;Mwane, releme!&#187; 55Vane-vane, akeghabughe monyu, akereleme. Djesu akebarume umuveghe bighudji. 56Biburu bi mwane eni mughetu bakesutu, na Djesu akebaghandise yiri duyabile utsingule mutu adibanovyoghe.</div>
 </div>
 </div>
</div>

Va djulu vane, Djesu amanangaange misyengi na mimbu mu uyenesamune Musamu Wuboti wu Bukaghe bu Nzambi. Dighumi na badukitsi bandi babedji (12) bamabe nandi, na mwa dikabu di baghetu abe Djesu amasanze binyuni bibi nobeluse mali diwendili yiri: Mari mwise Maghedale awu amasanzu yisambwali yi binyuni bibi, Sane, mughatsi Kuse mukelitsi maboti ma Yirode, Sisane na bamosi abamaveghaange maboti mowu mu uwamuse Djesu na badukitsi bandi.


Yinombu yimarughaange yari na yari mu misyengi mu uyibengune na Djesu. Na mughungi wighukimi, akebabwayile nongu édjidji: «Mukukitsi amapale nowende o nungi andi muyékuke tsangu. Ave amakukilaange, mwa dikabu dikebondughe mu nzile. Batu bakeditsyarile na batsoli abamarughusenaange o djulu bakidode. Dikabu dimosi, dikebondughe va yilale yi mamani. Tsangu tsyeni, tsinobende, tsikeneghe pesu na tsikenengene dibandu dighambu di posi mambe. Dikabu adine, dikebondughe va ghari matsyendi. Dikebende va mosi na matsyendi. Matsyendi meni maketsitutse. Tumbe dikabu adimasyale, dikebondughe va butambe buboti. Tsangu djikebende na kadi yivaru yikebure kame milunde.» Na Djesu yikemani uvose nane, akebwese unangule dyufi rye: «Wulwanu, wotsu avu na matudji limbe mu uwulu, awulu!»


Mu dyoni badukitsi bandi, bakemuwivule divindughulu di nongu eni. Akebawake rye: «Dumaveghu yese yudjabe bikeke bi Bukaghe bu Nzambi, tumbe ombu bane, mambu meni, me batsingulu mu banongu mumbari:
“Ne batsighengile, bagholabe;
ne batsiwulu, baghotsiyise.”»


«Lanu divindughulu di nongu eni: tsangu, mbembu Nzambi. Tsangu atsimabondughe mu nzile, djowu abewulu mbembu Nzambi. Tumbe Dyabu eyiwusule musamu eni mu mirime myowu, mumbari bakewusinge na bakeghobulu. Tsangu atsimabondughe mu mamani, djowu bane, payi bamawulu musamu, bakewuwake na nzangu. Tumbe mwa pesu temu, baghewughangisi nowutsanise mu mirime myowu. Ave dumangu dwiruyili, bakedunde yitu. Tsangu atsimabondughe va ghari matsyendi, djowu bane, abewulu mbembu Nzambi bedjighangisi na baghedjidedili dibandu munyongu, maboti na nzale tsi musoni. Na mutsanu owu wiburi milunde, tumbe migheweeli. Tsangu atsimabondughe mu butambe abu boti, djowu bane abewulu mbembu Nzambi na murime wusunde, bédjighangisi na yikanane na mutsanu owu wiburi milunde amiweeli.»


«Vagha mutu ebanzi lambi na edjisunzi otsi ponzi vo otsi tangi, tumbe mbé odjisunze va djulu dingase mumbari djikemonitse botsu abekoti o ghari ndaghu. Yime yotsu ayivu yikeke yudjabunu yilumbu; ayimusweghe, yubawulu va yimwani “velee”. Kebenanu mu kulusu enu, mumbari, wotsu avu na yime, bomubwese. Tumbe, djandi wune awu aghaane yisalu, opatulu ne mwa pesu adjivu nandi.»


Ngudji na baane ba ngudji ba Djesu, bamaronde umulabe. Banotole ave amabe, basamarunguse ubambene nandi dibandu yinombu yeni. Baketsingule Djesu rye: «Ngudji na baane ba ngudji aghu djowu bane bavu o dulombili na bérondi uwulabe.» Tumbe Djesu akebatsingule djobotsu rye: «Ngudji na baane ba ngudji ami, djowu abewulu na bédedili mbembu Nzambi.»


Mwa yilumbu, Djesu anonangeme mu bwatu na badukitsi bandi, akebatsingule rye: «Twendyanu o disimu dine di yilibe.» Na bakewende. Ave bamawendilaange, Djesu akewende yilu. Sundile mupunge wuneni wukeghumbe mu yilibe, bwatu bukebande wubase na mambe, na bakabe mu purulu. Dinobe nane, badukitsi bakebambene va mughule Djesu, bakemusimbule noghamughe rye: «Fumu, Fumu, yike ufu, tukefu!» Djesu anosimbughe, akenyangile mupunge na mibidji, bikesigheme. Na musighe wuneni wukabe «swii». Djesu aketsingule badukitsi bandi rye: «Yitu yenu yika?» Mu ghome adjimabe nowu, bakesutu na bakevosaange va ghari owu rye: «Mutu awuwu nyi wirumi ne mupunge na mambe na vane bimudedili!»


Djesu na badukitsi bandi bamatsyekeme o bulongu bu baSeraseni o disimu dine di yilibe adisungesene na Ngalile. Ave Djesu amasunduyile vatsi, dibaale di musyengi eni, adimabe na binyuni bibi dikeyémubengusene. Vane kale asamamwédwaraange bikutu, amasileminaange mu dulombili, mu mambine. Anolabe Djesu, amaghamughe, amakebwaghe va makulu mandi na akevose o djulu rye: «Dyambu yi witombi, Djesu, Mwane Nzambi adjitinde djulu? Kokolu, nyighulendi, wuyanzoyise!» Mbana Djesu akerume binyuni bibive abimamukambisaange yi lenganu nopale. BaSeraseni, bamamutungaange myowu na makulu na bapange na mu bivangu bi madilu mu umukelise. Tumbe, akebitabulaange. Binyuni byeni bibi bimenemubeghaange mu mbure atsi amabilaange pinze o ghari dukange. Djesu akemuwivule: «Dine dyaghu yi?» Akemuwaghule: «Yinombu». Amawaghule nane, mumbari bamabe binyuni bipwele. Na bikelende Djesu, akébitinde o Mbengi.
Vane, vamabe mughambe wuneni wu bangulu awumadjangaange o djulu mukongu. Binyuni byeni bikelende Djesu yiri bikekote mu bangulu. Na Djesu akebaveghe musughe. Binyuni bibi bikepale mu mutu eni, bikekote mu bangulu. Mughambe eni wukevindeme mukongu mbangu, wukeputume mu yilibe «mfughuu», wukevevughe. Abamakelisaange bangulu beni, banolabe nane, bamarine na bamenenyavise tsangu mu musyengi na mu masaku. Batu bamawende muyélabe adimavyoghe. Banotole ombu Djesu, bakerasune dibaale adimapalusu binyuni atsane va wusu andi, adware, asigheme na akepolu. Na batu beni bakeghangu na ghome. Abobamalabe yimaghe yeni, bakeyetsingule nane Djesu amabelusile dibaale dyeni.
Bise Seraseni botsu, bakelende Djesu yiri arambuyi ombu wowu, mumbari bamaghangu na ghome adji neni. Djesu akenangeme mu bwatu noghabusile. Djandi awu amapalusu binyuni bibi, akelende Djesu akenewendaange nandi. Tumbe Djesu akemughabuse o ndaghu andi nomurume: «Yenetsingule batu baghu botsu ame Nzambi amawuvayile.» Mu dyoni, amayenewende noyenevaghaange bumbedji mu motsu ame Djesu amamuvayile.


Ave Djesu amaghabuyile o disimu dine di yilibe, yinombu yimamukelisaange mu umusangile. Na vakerughe dibaale, dine dyandi Sayirise amabe yivunde yi ndaghu dusambu dji baSwife. Yivunde yeni akekebwaghe va makulu ma Djesu na akemulende yiri: «Rughe o ndaghu ami.» Payi amavaghe nane, mumbari amabe na mwane divingu di mughetu wu dighumi na bilime bibedji (12) amamongaange.
Ave Djesu amawendilaange, amabe va ghari yinombu na bakeyenemubandesenaange yari na yari. Va ghari owu, vamabe mughetu awumabe na muvuve malungu mu dighumi na bilime bibedji (12). Mughetu eni, akemane maboti mandi motsu na babuyitsi, tumbe ne wumosi asarunguse umubeluse. Anobambene va nzime Djesu, akebembe difubu di yikutu yandi. Vane-vane, muvuve malungu ukekamughe. Djesu akewivule rye: «Anyi atsimbembe?» Botsu bakeghale. Pyere akemuwake rye: «Fumu, yinombu yiwutsyenge, na yiwubandesene yari na yari.» Tumbe Djesu aketsiyise rye: «Mutu atsimbembe mumbari nyitsiwulu mangolu matsimapale mu menu.» Mughetu eni, anolabe yiri bamamubaghule, akerughe noregheme na akekebwaghe va makulu ma Djesu, aketubule dibandu adi amamubembile va wusu mughungi, na nane amasunde ubeluyile. Djesu akemutsingule rye: «Mwane ami, yitu yaghu yimaghughobule, wendangaange na duvotsu.»
Djesu uvose mbé akivose na mughetu eni, vakerughe yilumbi o dimbu di yivunde yi baSwife novose rye: «Wuyabwékungise wa Mulonzi, mwane amafu.» Tumbe Djesu anowulu nane, aketsingule yivunde yeni: «Wuyalabe ghome, vaghe yike yitu, na mwane aghu oghobulu.» Anotole o ndaghu Sayirise, asamagharusu mutu ususu ukote nandi, yike vane Pyere, San, Sake, tadji na ngudji mwane. Botsu bamatataange nolilaange mwane eni. Djesu akebatsingule rye: «Duyabwelile, mwane agha afu, tumbe adji yilu.» Na batu beni bakemupedjingi, mumbari bamadjabaange yiri mwane afu kale. Tumbe Djesu akemughaange mu dikake novose na mangolu rye: «Mwane, releme!» Vane-vane, akeghabughe monyu, akereleme. Djesu akebarume umuveghe bighudji. Biburu bi mwane eni mughetu bakesutu, na Djesu akebaghandise yiri duyabile utsingule mutu adibanovyoghe.

Höre Luke 8