Ngochang - 2004 UBS (NT) Non Drama

<div class="version vid373 iso6393acn" data-vid="373" data-iso6393="acn">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s1">Zvbiq Jeis Bweh Nhang</div><div class="p"> 1Hauh thang lhyi somh vnyeih lyis Galile mau Kana wukhau mha nyihwank pwe bos. Yesu dah ungwes eq houmha nyeis. 2Yesu yahge nyah changlo jens lyis eq hauh nyihwank pwe mha tsain khi. 3Zvbiq thank tyamp las Yesu ungwes gas nyang lyis, Nyamoq zvbiq ma bos lo ge taiq kyoh.</div><div class="p"> 4Yesu nyang lyis taiq zis gas, Vmesbih eh, nvng ngos lyis chamus los taiq lah? Ngah shishenh ma jweh shih, ge.</div><div class="p"> 5Yesu dah ungwes eq, Nyang kuot nhang zis dvnganh yah kuot geh, ge jyeidwis jens lyis taiq toh.</div><div class="p"> 6Yuda thungh yah dvyhangteh cheihshang das xiklyis aiq somhci galan wvng dah luk yammuh khyuk lom joq. 7Yesu nyamoq lyis taiq zis gas, Haih yammuh goeu mas jeis tyink geh, ge. Nyamoq eq yammuh mas jeis dyingh shoq tsain kham kat. 8Nyang nyamoq lyis taiq zis gas, Gvshih pwe jangzoe lyis loh khoeuh dyei aq, ge zis yah dvyhangteh tsain kuot. 9Pwe jangzoe gas hauh zvbiq jeis bweh nhang dah jeis lyis chaq yoeuh las, hauh jeis khoeuh los dah jyeidwis jens gas zvbiq jeis kha mhayah yoh zis seq laus eq pwe jangzoe gas ma seq yvmvyah, loloeu saiq lyis khi lha, 10Yuk khanghmuh zvbiq jeis nghamh shih jo shoq gvm shuk thang lhyi zvbiq jeis phih dvgyangh dyei; nvng gas zvbiq jeis nghamh lyis gvshih jweh shoq tsomh toh, ge.</div><div class="p"> 11Yesu gas cangxeih vlhain dah vlho lhyi hai Galile, Kana mha Chixoeuq las, nyah phunk nyvng nhang lha, nyah changlo jens eq nyang lyis lomsjingh.</div><div class="p"> 12Hauh thang lhyi Yesu yahge nyah ungwes, nyah vnoeuh moq, nyah changlo jens yah dvgeh Kaperna-um wus pheh loh las houmha dvyoq dvnyeis.#Mat 4.13</div><div class="s1">Yesu Yhenmuh pheh</div><div class="r">(Mat 21.12-13; Mak 11.15-17; Luk 19.45-46)</div><div class="p"> 13Yuda jens dah Lhuiq Kat Pwe ni los nyeis goeus las, Yesu gas Yerusalem pheh doq loh.#Dyu 12.1-27 14Yesu gas yhenmuh mas noeu, yvng yahge khotjyauh ungh bang, ngwis thaiq zo bang tsung toh yvlyis nyvng lyis, 15twih lvxuk kuot las, houmha ungh bang, noeu, yvng, khotjyauh dvnganh zis lyis yhenmuh masyah khat thuq tyamp; kihgus lyis eq toeu phanh tyamp. 16Khotjyauh ungh bang lyis taiq zis gas, Haih zisyos lyis yoeus loh geh, ngah Uwus dah yhen lhyi soenghi yhen vtsain kuot nyeis goh, ge. 17Yhensain dah yhen mha nhaiq kank wvng dah ehnyet gas ngos lyis zo tyamp das ge lhaih toh zis lyis hauh uhlyis changlo jens nghamh soh los.#Chd 69.9</div><div class="p"> 18Yuda jens nyang lyis phuk taiq zis gas, Heisoeh teh kuot zis gas, ngamoq lyis chah vlho chixoeuq lah, ge.</div><div class="p"> 19Yesu nyamoq lyis taiq zis gas, Haih yhenmuh lyis thyoq tyamp geh; ngos somh nyeih lyis doms toeu toq das, ge.#Mat 26.61, 27.40; Mak 14.58, 15.29</div><div class="p"> 20Yuda jens nyang lyis taiq zis gas, Haih yhenmuh lyis nyeici khyuk zvn tsuk zis lyis nvng gas somh nyeih lyis yoh toeu shap das lah, ge.</div><div class="p"> 21Nyang housoeh taiq zis gas, nyah gungs ge dah yhenmuh lyis toeuq las taiq zis nghuot. 22Housoeh yvmvyah, shei yvmvyah dwis toq los thang lhyi, nyah changlo jens gas nyang taiq toh dang lyis doms soh las, lhaihtoh dang lyis eq, Yesu taiq dang lyis eq tsain lomsjingh.</div><div class="s1">Yesu Dius cho Seq</div><div class="p"> 23Lhuiq Kat Pwe yoq lyis Yesu gas Yerusalem mas nyeis uhlyis nyang chixoeuq dah vlho lhyi tsain nyvng las, nyoshoq moq nyah nyings mas lomsjingh. 24Nghuot laus eq Yesu gas nyamoq lyis ma loms: Khasoeh ge lyis nyang gas dius dvnganhmoq lyis seq toh. 25Dius dah ehnyet khau mha bos zis lyis nyang seq yvmvyah, dius cho lhyi kanghjyoeng hank eq ma kat dyei noh.</div>
 </div>
 </div>
</div>

Ngochang Common Language Bible © Bible Society of Myanmar, 2010.

Hauh thang lhyi somh vnyeih lyis Galile mau Kana wukhau mha nyihwank pwe bos. Yesu dah ungwes eq houmha nyeis. Yesu yahge nyah changlo jens lyis eq hauh nyihwank pwe mha tsain khi. Zvbiq thank tyamp las Yesu ungwes gas nyang lyis, Nyamoq zvbiq ma bos lo ge taiq kyoh.
Yesu nyang lyis taiq zis gas, Vmesbih eh, nvng ngos lyis chamus los taiq lah? Ngah shishenh ma jweh shih, ge.
Yesu dah ungwes eq, Nyang kuot nhang zis dvnganh yah kuot geh, ge jyeidwis jens lyis taiq toh.
Yuda thungh yah dvyhangteh cheihshang das xiklyis aiq somhci galan wvng dah luk yammuh khyuk lom joq. Yesu nyamoq lyis taiq zis gas, Haih yammuh goeu mas jeis tyink geh, ge. Nyamoq eq yammuh mas jeis dyingh shoq tsain kham kat. Nyang nyamoq lyis taiq zis gas, Gvshih pwe jangzoe lyis loh khoeuh dyei aq, ge zis yah dvyhangteh tsain kuot. Pwe jangzoe gas hauh zvbiq jeis bweh nhang dah jeis lyis chaq yoeuh las, hauh jeis khoeuh los dah jyeidwis jens gas zvbiq jeis kha mhayah yoh zis seq laus eq pwe jangzoe gas ma seq yvmvyah, loloeu saiq lyis khi lha, Yuk khanghmuh zvbiq jeis nghamh shih jo shoq gvm shuk thang lhyi zvbiq jeis phih dvgyangh dyei; nvng gas zvbiq jeis nghamh lyis gvshih jweh shoq tsomh toh, ge.
Yesu gas cangxeih vlhain dah vlho lhyi hai Galile, Kana mha Chixoeuq las, nyah phunk nyvng nhang lha, nyah changlo jens eq nyang lyis lomsjingh.
Hauh thang lhyi Yesu yahge nyah ungwes, nyah vnoeuh moq, nyah changlo jens yah dvgeh Kaperna-um wus pheh loh las houmha dvyoq dvnyeis.


Yuda jens dah Lhuiq Kat Pwe ni los nyeis goeus las, Yesu gas Yerusalem pheh doq loh. Yesu gas yhenmuh mas noeu, yvng yahge khotjyauh ungh bang, ngwis thaiq zo bang tsung toh yvlyis nyvng lyis, twih lvxuk kuot las, houmha ungh bang, noeu, yvng, khotjyauh dvnganh zis lyis yhenmuh masyah khat thuq tyamp; kihgus lyis eq toeu phanh tyamp. Khotjyauh ungh bang lyis taiq zis gas, Haih zisyos lyis yoeus loh geh, ngah Uwus dah yhen lhyi soenghi yhen vtsain kuot nyeis goh, ge. Yhensain dah yhen mha nhaiq kank wvng dah ehnyet gas ngos lyis zo tyamp das ge lhaih toh zis lyis hauh uhlyis changlo jens nghamh soh los.
Yuda jens nyang lyis phuk taiq zis gas, Heisoeh teh kuot zis gas, ngamoq lyis chah vlho chixoeuq lah, ge.
Yesu nyamoq lyis taiq zis gas, Haih yhenmuh lyis thyoq tyamp geh; ngos somh nyeih lyis doms toeu toq das, ge.
Yuda jens nyang lyis taiq zis gas, Haih yhenmuh lyis nyeici khyuk zvn tsuk zis lyis nvng gas somh nyeih lyis yoh toeu shap das lah, ge.
Nyang housoeh taiq zis gas, nyah gungs ge dah yhenmuh lyis toeuq las taiq zis nghuot. Housoeh yvmvyah, shei yvmvyah dwis toq los thang lhyi, nyah changlo jens gas nyang taiq toh dang lyis doms soh las, lhaihtoh dang lyis eq, Yesu taiq dang lyis eq tsain lomsjingh.

Lhuiq Kat Pwe yoq lyis Yesu gas Yerusalem mas nyeis uhlyis nyang chixoeuq dah vlho lhyi tsain nyvng las, nyoshoq moq nyah nyings mas lomsjingh. Nghuot laus eq Yesu gas nyamoq lyis ma loms: Khasoeh ge lyis nyang gas dius dvnganhmoq lyis seq toh. Dius dah ehnyet khau mha bos zis lyis nyang seq yvmvyah, dius cho lhyi kanghjyoeng hank eq ma kat dyei noh.

Höre YOHAN 2