If you have would like a copy of this version please contact info@davarpartners.com

Nsenga New Testament 1923 © Bible Society of Zambia (Text), Nsenga New Testament 1923 ℗ 2018, Davar Partners International (Audio)

Mapangano Alomba 1923

<div class="version vid3614 iso6393nse" data-vid="3614" data-iso6393="nse">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="p"> 1LOMBA muntu chite enzelwele, Lazaro wa ku Betaniya, wa mmunzi wa Mariya na Malita mkwa&#373;o. 2Mariya ni wamene ula emzoleka Asikuru mafuta &#373;onunkila, nompukuta mmendo na sisi lake, mlongosi wake Lazaro ni enzolwala. 3Tetyo alongosi etuma kwake echiti, Asikuru, &#373;onani, umutemwa olwala. 4Sembe Yesu akamvwe echiti, Ulwele uyu si wofwililila, sembe ku mchinzi wa Mlungu, kuti Mwana wa Mlungu achinzikiwileko. 5Lomba Yesu e&#373;atemwa Malita na mkwa&#373;o na Lazaro. 6Naye pechimvwa kuti olwala enkala nsita ila nsiku zi&#373;iri pa malo pamene peenze. 7Nipo pavuli pake e&#373;auzya asambili, Natiye soti ku Yudaya. 8Asambili enena naye, Rabbi, Ayuda na lomba enzosakompozerani myala; kansi mkuya kwamene soti? 9Yesu eyasuka, Kansi sizilipo nsita kumi na zi&#373;iri pa zu&#373;a limo? Kati muntu oyenda mzu&#373;a ntokumbulwa, paku&#373;ona ku&#373;ala kwa mcharo chino. 10Sembe kati muntu oyenda usiku okumbulwa, pakusa&#373;a pali yeve ku&#373;ala. 11Ela&#373;ira teti: pavuli pake e&#373;auzya, Chiuza chasu Lazaro wayona; lomba neo nikuyomuusya mtulo. 12Tetyo asambili enena naye, Asikuru, kati ali mtulo azapole. 13Lomba Yesu enzonena zya imfwa yake; sembe &#373;eve elinga kuti enzonena zyopumula mtulo. 14Pamene apo Yesu e&#373;auzisya, Lazaro echifwa. 15Nane nutemwa chikomo cha mweo pekwenzeve neo lona kuti mzomere; lomba tiyeni kwake. 16Tetyo Tomaso, woitiwa Wa mapasa, e&#373;auzya asambili ayake, Nase kumo natikuya tikafwile naye pamo.</div><div class="p"> 17Lomba pechifwika Yesu efwanga kuti waswamo mu msitu masiku &#373;ane. 18Lomba pa Betaniya penze pafupi na Yerusalemi, nga ni msenga wa mastadiya kumi na asano; 19na Ayuda anyinji e&#373;azila Malita na Mariya kwapuzisya zya mlongosi wa&#373;o. 20Tetyo Malita pechimvwa kuti Yesu akuza echiyomchinguzya: sembe Mariya enzenkezi mng'anda. 21Teti Malita emnenera Yesu, Asikuru, mngati mwenzepo mlongosi wangu sembe aliyeufwe. 22Inde, na lomba nuzi&#373;a kuti chiri chonse chimti msenge kwa Mlungu, Mlungu ampeni. 23Yesu emuuzya, Mlongosi wako azyuke soti. 24Malita enena naye, Nuzi&#373;a kuti azazyuke soti mmazyukilo siku losililila. 25Yesu emuuzya, Ne nine mazyukilo na moyo: uyo onimvwila neo, chukanga akafwa, lomba aza&#373;e moyo: 26ali wonse ali moyo nonichetekera neo saafwa ma&#373;ero. Kansi uzomera ichi? 27Yeve echiti kwake, Inde, Asikuru: nuzomera kuti nimwe Kristo Mwana wa Mlungu, ni uyo akuza mcharo. 28Naye akanene teti efumapo emuita Mariya mkwa&#373;o kunsei echiti, Msambizi alipo, omuitani. 29Naye akamvwe epuvyoima nomuila. 30(Lomba Yesu aliyofwika mmunzi, enze pamene pala Malita pechikumana naye.) 31Nipo Ayuda amene enze naye mng'anda nompuzisya pechi&#373;ona Mariya kuti epuvyoima nofuma emkonka, elinga kuti akuya ku msitu kuyolilila kwamene. 32Teti Mariya pechifwika penze Yesu nomu&#373;ona evunama mnkonde mwake nomuuzya, Asikuru, angati mwenze kuno mlongosi wangu sembe aliyeufwe. 33Lomba Yesu pechimu&#373;ona olila na Ayuda soti ampelekezya enzolila etonga mu mzimu nomwazika mtima 34echiti, Mwimu&#373;ika kuni? Emnenera, Asikuru, izani mka&#373;one. 35Yesu elila. 36Teti Ayuda ni pechiti, &#372;onani mwenzomtemwera! 37Sembe &#373;ambi &#373;ala echiti, Nga uyu muntu etwanusya menso a ula enze mpofu ntekumochita kuti uyu soti asafwa? 38Teti Yesu potonga soti yeka efwika ku msitu. Lomba penze pa chikwe, na chimwala chenzoyeyeke pamene. 39Yesu echiti, Fumvaponi chimwala icho. Malita mlongosi wa uyo echifwa enena naye, Asikuru, lomba onunka, paswamo nsiku zine. 40Yesu enena naye, Kansi sinati kuli weo kuti ukazomera uzo&#373;one mchinzi wa Mlungu? 41Na&#373;o echifumyapo chimwala. Nipo Yesu e&#373;inula menso echiti, &#372;ata, numu&#373;ongani pamwanimvwila. 42Nuzi&#373;a kuti munimvwila nsiku zyonse: sembe chikomo cha liumba ili lapanama nozinga ni pananena, kuti azomere kuti mwinituma. 43Naye akanene teti ekuwa na malizu akuru, Lazaro, fumira kunja. 44Uyo enze wakufwa efumira kunja, woze&#373;ezyewa manja na mendo na nyula zya msitu, na chinso chopombezyewa na kamcheka. Yesu e&#373;auzya, Mpombololeni mumleke aye.</div><div class="p"> 45Tetyo Ayuda anyinji amene emzila Mariya no&#373;ona vyechichita emzomera. 46Sembe &#373;ambi &#373;ala efumapo echiya kwa Afarisayo no&#373;auzya vyechichita Yesu.</div><div class="p"> 47Pamene apo akuru a ansembe na Afarisayo elonganika ansaka echiti, Tuchitanji? pakuti uyu muntu ochita vizi&#373;ikwilo vinyinji. 48Tikamleka tyala teti &#373;onse ammvwile: na Aroma azafumyepo ulo wasu na mtundu wasu. 49Lomba chite umo wa &#373;ala, Kayafa, paku&#373;a mkuru wa ansembe chirimika chamene chila, enena na&#373;o, Mweo simuzi&#373;a kantu konse, 50kano kulinga kuti chumuwamilani kuti muntu umo afwile &#373;antu, mtundu wonse usachenekeka. 51Ntela&#373;ira teti yeka, lomba paku&#373;a mkuru wa ansembe chirimika chila elosya kuti Yesu afwile mtundu ula; 52nte mtundu ula weka sembe soti kuti alonganike pamo &#373;ana a Mlungu &#373;omwazikamwazika. 53Nipo chitatikile siku lila &#373;epangana nzeru zyakuti ampaye.</div><div class="p"> 54Chikomo choteti Yesu ni paliyonyungula soti pasweta mwa Ayuda, lomba efumako kulakwa echiya ku chitwa chenze pafupi na malambo, ku munzi zina lake Efraimu, noswako kwamene pamo na asambili. 55Lomba pasaka la Ayuda lenze pafupi: anyinji na&#373;o ekwera kuya ku Yerusalemi kufuma mmipunda pantanzi pa pasaka kuti aliwamye. 56Na&#373;o emsakasaka Yesu nonena &#373;eka na &#373;eka penzepeneme mchipupilo, Mulinganji? Kuti saaza ku masiku akuru? 57Lomba akuru a ansembe na Afarisayo etetula kale kuti kati muntu ozi&#373;a kwaali a&#373;auzye, kuti akamkate.</div>
 </div>
 </div>
</div>

LOMBA muntu chite enzelwele, Lazaro wa ku Betaniya, wa mmunzi wa Mariya na Malita mkwaŵo. Mariya ni wamene ula emzoleka Asikuru mafuta ŵonunkila, nompukuta mmendo na sisi lake, mlongosi wake Lazaro ni enzolwala. Tetyo alongosi etuma kwake echiti, Asikuru, ŵonani, umutemwa olwala. Sembe Yesu akamvwe echiti, Ulwele uyu si wofwililila, sembe ku mchinzi wa Mlungu, kuti Mwana wa Mlungu achinzikiwileko. Lomba Yesu eŵatemwa Malita na mkwaŵo na Lazaro. Naye pechimvwa kuti olwala enkala nsita ila nsiku ziŵiri pa malo pamene peenze. Nipo pavuli pake eŵauzya asambili, Natiye soti ku Yudaya. Asambili enena naye, Rabbi, Ayuda na lomba enzosakompozerani myala; kansi mkuya kwamene soti? Yesu eyasuka, Kansi sizilipo nsita kumi na ziŵiri pa zuŵa limo? Kati muntu oyenda mzuŵa ntokumbulwa, pakuŵona kuŵala kwa mcharo chino. Sembe kati muntu oyenda usiku okumbulwa, pakusaŵa pali yeve kuŵala. Elaŵira teti: pavuli pake eŵauzya, Chiuza chasu Lazaro wayona; lomba neo nikuyomuusya mtulo. Tetyo asambili enena naye, Asikuru, kati ali mtulo azapole. Lomba Yesu enzonena zya imfwa yake; sembe ŵeve elinga kuti enzonena zyopumula mtulo. Pamene apo Yesu eŵauzisya, Lazaro echifwa. Nane nutemwa chikomo cha mweo pekwenzeve neo lona kuti mzomere; lomba tiyeni kwake. Tetyo Tomaso, woitiwa Wa mapasa, eŵauzya asambili ayake, Nase kumo natikuya tikafwile naye pamo.
Lomba pechifwika Yesu efwanga kuti waswamo mu msitu masiku ŵane. Lomba pa Betaniya penze pafupi na Yerusalemi, nga ni msenga wa mastadiya kumi na asano; na Ayuda anyinji eŵazila Malita na Mariya kwapuzisya zya mlongosi waŵo. Tetyo Malita pechimvwa kuti Yesu akuza echiyomchinguzya: sembe Mariya enzenkezi mng'anda. Teti Malita emnenera Yesu, Asikuru, mngati mwenzepo mlongosi wangu sembe aliyeufwe. Inde, na lomba nuziŵa kuti chiri chonse chimti msenge kwa Mlungu, Mlungu ampeni. Yesu emuuzya, Mlongosi wako azyuke soti. Malita enena naye, Nuziŵa kuti azazyuke soti mmazyukilo siku losililila. Yesu emuuzya, Ne nine mazyukilo na moyo: uyo onimvwila neo, chukanga akafwa, lomba azaŵe moyo: ali wonse ali moyo nonichetekera neo saafwa maŵero. Kansi uzomera ichi? Yeve echiti kwake, Inde, Asikuru: nuzomera kuti nimwe Kristo Mwana wa Mlungu, ni uyo akuza mcharo. Naye akanene teti efumapo emuita Mariya mkwaŵo kunsei echiti, Msambizi alipo, omuitani. Naye akamvwe epuvyoima nomuila. (Lomba Yesu aliyofwika mmunzi, enze pamene pala Malita pechikumana naye.) Nipo Ayuda amene enze naye mng'anda nompuzisya pechiŵona Mariya kuti epuvyoima nofuma emkonka, elinga kuti akuya ku msitu kuyolilila kwamene. Teti Mariya pechifwika penze Yesu nomuŵona evunama mnkonde mwake nomuuzya, Asikuru, angati mwenze kuno mlongosi wangu sembe aliyeufwe. Lomba Yesu pechimuŵona olila na Ayuda soti ampelekezya enzolila etonga mu mzimu nomwazika mtima echiti, Mwimuŵika kuni? Emnenera, Asikuru, izani mkaŵone. Yesu elila. Teti Ayuda ni pechiti, Ŵonani mwenzomtemwera! Sembe ŵambi ŵala echiti, Nga uyu muntu etwanusya menso a ula enze mpofu ntekumochita kuti uyu soti asafwa? Teti Yesu potonga soti yeka efwika ku msitu. Lomba penze pa chikwe, na chimwala chenzoyeyeke pamene. Yesu echiti, Fumvaponi chimwala icho. Malita mlongosi wa uyo echifwa enena naye, Asikuru, lomba onunka, paswamo nsiku zine. Yesu enena naye, Kansi sinati kuli weo kuti ukazomera uzoŵone mchinzi wa Mlungu? Naŵo echifumyapo chimwala. Nipo Yesu eŵinula menso echiti, Ŵata, numuŵongani pamwanimvwila. Nuziŵa kuti munimvwila nsiku zyonse: sembe chikomo cha liumba ili lapanama nozinga ni pananena, kuti azomere kuti mwinituma. Naye akanene teti ekuwa na malizu akuru, Lazaro, fumira kunja. Uyo enze wakufwa efumira kunja, wozeŵezyewa manja na mendo na nyula zya msitu, na chinso chopombezyewa na kamcheka. Yesu eŵauzya, Mpombololeni mumleke aye.
Tetyo Ayuda anyinji amene emzila Mariya noŵona vyechichita emzomera. Sembe ŵambi ŵala efumapo echiya kwa Afarisayo noŵauzya vyechichita Yesu.
Pamene apo akuru a ansembe na Afarisayo elonganika ansaka echiti, Tuchitanji? pakuti uyu muntu ochita viziŵikwilo vinyinji. Tikamleka tyala teti ŵonse ammvwile: na Aroma azafumyepo ulo wasu na mtundu wasu. Lomba chite umo wa ŵala, Kayafa, pakuŵa mkuru wa ansembe chirimika chamene chila, enena naŵo, Mweo simuziŵa kantu konse, kano kulinga kuti chumuwamilani kuti muntu umo afwile ŵantu, mtundu wonse usachenekeka. Ntelaŵira teti yeka, lomba pakuŵa mkuru wa ansembe chirimika chila elosya kuti Yesu afwile mtundu ula; nte mtundu ula weka sembe soti kuti alonganike pamo ŵana a Mlungu ŵomwazikamwazika. Nipo chitatikile siku lila ŵepangana nzeru zyakuti ampaye.
Chikomo choteti Yesu ni paliyonyungula soti pasweta mwa Ayuda, lomba efumako kulakwa echiya ku chitwa chenze pafupi na malambo, ku munzi zina lake Efraimu, noswako kwamene pamo na asambili. Lomba pasaka la Ayuda lenze pafupi: anyinji naŵo ekwera kuya ku Yerusalemi kufuma mmipunda pantanzi pa pasaka kuti aliwamye. Naŵo emsakasaka Yesu nonena ŵeka na ŵeka penzepeneme mchipupilo, Mulinganji? Kuti saaza ku masiku akuru? Lomba akuru a ansembe na Afarisayo etetula kale kuti kati muntu oziŵa kwaali aŵauzye, kuti akamkate.

Höre M. Yohana 11