If you have would like a copy of this version please contact info@davaraudiobibles.org

Inner Seraji New Testament, CC-BY-SA-4.0, The Love Fellowship (Text). Inner Seraji New Testament Audio Bible, CC-BY-SA-4.0, Davar Partners International, The Love Fellowship, 2022 (Audio).

Inner Seraji New Testament

Inner Seraji 2017 BI (NT) NonDrama

Inner Seraji 2017 BI (NT) Drama

Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.

जेबा यीशु आपणे बारह चेले बे आज्ञा देई छेकी, तेबा सह त्याहरे नगरा में उपदेशा होर प्रचारा करदअ तखा का नाठअ। यूहन्ना जेला में मसीहा रे कामा रा समाचार शुणु होर आपणे चेले तेऊका यह पूछते भेजी, कैह इहंणे आल़अ तूह ही साहा, केह हामा कासु होरी दूजे निहालदे रहे? यीशु उतर दिंना, जोह कुछ तमे शुणा होर हेरा, सह सब कुछ यूहन्ना बे नाहीं करे खोज़ा, कि काणे हेरा होर लेगड़े हांडा फिरा, कोढ़ी ठीक करा होर टऊणे शुणा, मुएदे जिऊंदे करा, होर कंगाला बे सुसमाचार शुणाउंदा। होर धन्य साहा सह, जोह मेरी बजा का ठोकर ना खाए।
जेबा यूहन्ना रे चेले तखा का नाठे, तेबा यीशु यूहन्ना रे बारे में बोलदअ लागअ तमे बूणे कैह हेरू, की बागरी संघे हीलदे सरकण्डे? तेबा तमे कीजी हेरदे नाठे? कैह मेहगे नरम झिकड़े बान्हीं दे मणशा बे? हेरदे, जोह नरम झिकड़े बान्हां, त्याह राज महला मे रहंदा। तेबा किबे नाठे दे? कैह कासु भविष्यद्वक्ता हेरदे? हाऊं तमाबे सच बोला की भविष्यद्वक्ता का भी बड़े बै। यहुना सह मणश साहा जासके वारे मे लिखुदा साहा :
हेर, हाऊं आपणे दूता ताह जेंह भेजा,
जासू ताह जेह तेरी बात त्यार करणी।
हाऊं तमाबे सच बोला कि जोह बेटड़ी का होऊ दे, त्याह मेज़ा का यूहन्ना बपतिस्मा दिहण आले का कोई भी वडअ नांई होऊ, पर जोह स्वर्गा रे राज्य मे होछे का होछअ साहा सह तेऊका भी वडअ साहा। यूहन्ना बपतिस्मा दिहंण आले रे बक्ता का एबरे तणी सरगा रे राज्य में बलपूर्वक इहंद हूँदअ रहू, होर बलबान तेऊ छड़ीयाउंदा। यूहन्ना तणी सारे भविष्यद्वक्ता होर व्यवस्था भविष्यवाणी करदे रही। होर चाहणा मना कि एलिय्याह जोह इहंण आल़अ, सह यह साहा। जासके कणेट हो त्याह शुणा।
हाऊं एउ वक्ता रे लोका री तुलना कासु का करू? त्याह तेऊ बालका बराबर साहा, जोह बजारे बेठे दे एकु दूजे का पुकारी करे बोला हामे थारी तणी बशुरी बाजी, होर तमे नांई नाची; हामें दुखा री गिया गाई, होर तमे हीक नांई टोकी। किबेकि यूहन्ना ना खांदअ आउअ होर ना झूटतअ, होर त्याह बोला, तेऊमें दुष्टात्मा साहा। पर हाऊ मणशा रअ शोहरू खांदअ झूटतअ आउअ, होर त्याह बोला हेरा, पेटू होर पियक्कड़ मणश, चुंगी मांगण आले, होर पापी रअ दोस्त बणउ! पर ज्ञान आपणे कामा का सच्चा डाहंदा।


तेबा सह त्याह नगरा बे फिटकार दींदअ लागअ, जासू में तेऊ बहू सामर्थ्य रे काम करी थी, किबेकि त्याह आपणा मन नांई फेरु थी, हाय, खुराजीन शहर! हाए, बैतसैदा शहर! जोह सामर्थ्य रै काम तमामे करी दे अगर सूर होर सैदा रे शहरा मे करदे, तेबा टाट ढयाही करे, होर छारा में बेशी करे त्याह कंधा ओरी मना फेरदे। पर हाऊं तमाबे बोला कि न्याय री धयाडी थारी दशा का सूर होर सैदा शहरा री दशा का भी सहणे लायक हूँणी हे कफरनहूम शहरा रै लोको, कैह तुह सरगा तणी उछटअ करनअं? तुह अधोलोक तणी उन्धे नाहंण! जोह सामर्थ्य रै काम ताहबे करी, अगर सदोमा शहरा में करदे, तेबा सह आज तणी बणी रहंदअ। पर हाऊं तमाबे बोला कि न्याय रे ध्याडे तेरी दशा का सदोमा री दशा का बहू सहणे लायक हूँणी।


तेऊ वक्ते यीशु बोलू, हे बापू, सरगा होर धरती रे परमेश्वर, हाऊं तेरा धन्यबाद करा तांई याह गला ज्ञानी होर समझकरा का घझयाई डाही, होर बालका बै प्रगट करी। हा, हे बापू, किबेकि ताह यह ठीक लागा।
मेरे बापू महा बै सब कुछ दिना; होर कासु शोहरू नांई ज़ाणदअ, सीधी बापू; होर कोई बापू नांई ज़ाणदअ, सीधी शोहरू; होर सह जासू पैंदे शोहरू प्रगट करना चाहे। हे सब मेहन्त करने आले होर बोझा में दबी दे लोको, महा सेटा बे इच्छा; महा तमाबे अराम दीणा। मेरअ जूअ आपु पैंदे चुआका, होर महा का सिखा; किबेकि हाऊं नम्र होर मना में दीन साहा: होर तमा आपणी आत्मा में शान्ति पाउणाी। किबेकि मेरा जूआं आसान आसा होर मेरा बोझ हलका साहा।

Höre मत्ती 11