If you have would like a copy of this version please contact info@davarpartners.org

The Datooga Old Testament

<div class="version vid3050 iso6393tcc" data-vid="3050" data-iso6393="tcc">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s">ASEETA gaguursa Abramu</div><div class="p"> 1Ng'ata gwayeesha NG'UTAMIIDA Abramu, &#8220;Beawana ng'eanyiidaang'u ak giriteawi ghaheang'wa ea jeeda buweadeagaagu ea hita ng'eanyiida jea daahiimneey. 2Ak gaydanung' huwa eemeeda haw, ak gaydagoonyi ghawooda, ak gaydanung' gwaheedu gheawungaagu, ak abeeda geegoonyi ghawooda. 3Gaydaadaw ghawooda fuga goonyi ghawooda, nea siida mwaashtaneey gaydamwaashta; nea aba badaydaang'u gayghoadaw ghawooda eemoojiga sean bea muunda ng'eanyiida.&#8221;</div><div class="p"> 4Iimuchu gawa Abramu, gawuurji gidarukusiinda NG'UTAMIIDA; hean goodeayi Lutu. Abeeda Abramu gaba gweanyeew laadam ea damanamuut damanda balaga Harani. 5Ng'ata ghwaat Abramu gatmoadaanyi was Sara, ea Lutuheeda was orjeeda baleanda ghaamwat, ea haleanjeeda nyaawa sean mideawa, sea fuga nyasa hoowa bea Haraniin; hean gwasimsa beata gaweay ng'eanyiida Ganaani. Hita ng'eanyiida Ganaani, 6gwasik Abramu jeeda ng'eanyiida ea ghwahita Shekemu mida sawacheanda More. Abeeda damandida gwanda ng'eanyiida eemeeda Ganaani. 7Hean gabussa NG'UTAMIIDA Abramu ak gwayeesha, &#8220;Ng'eanyiini gaydagoonyi ea jeacheangaagu.&#8221; Ng'ata gwasissa NG'UTAMIIDA heeda wagiida aba hoowa, nea dea busiinyi sea niny. 8Iimuchu goosiipta ea ghwahita heeda giijeeda mida gayeewda Beteli, ak ghamiinda maheemajeandaanyi aba dageascheeda Beteli aba heeda biyeara ea Ayi aba heeda ghayeawa; ak gwasissa NG'UTAMIIDA heeda wagiida ak ghabwat gheawunga NG'UTAMIIDA. 9Hean gwaneayeewa Abramu jeeda ng'eanyiida, nea gagal Negebu.</div><div class="s">Abrahamu aba ng'eanyiida Misri</div><div class="p"> 10Muchu ghang'eat geejeeda aba jeeda ng'eanyiida. Hean ghang'eat Abramu gwararang'eesa ng'eanyiida Misri ak ghoah rabascheanda aba ng'eanyiita gili nuwaas aba gideaba ghwaraanya geejeeda aba jeeda ng'eanyiida. 11Geeyi bwak ama riikghta ghoaghaawa moonghooda Misri, gwayeesha Sarayiheeda was gatmoadaanyi, &#8220;Ghaanali gideaba guwoosi miyaasiin lean; 12asi iidaanyi fuga Misri gaygwayi, &#8216;Nih gatmoadaanyi&#8217;; ak abeeda gaygwanuusan, ak ghwanung'waadaneey ang'iing'i. 13Eeshiina guwoosi hudiya, ak abeeda gayghwanung'waadanaan aba badaydaang'u, ak abeeda gayghaghu eaweegeasu aba badaydaang'u.&#8221; 14Iimuchu nea ghwahita Abramu ng'eanyiida Misri ghwadaah fuga Misri gideaba gatmoodida aamiy muuchi. 15Daah orjooga Farao gatmooni, ghaghwar aba madeeda Farao. Ak geayaat gatmooda gheeh Farao. 16Iidu aba badaydeaba niny geesissa Abramu ng'asheega miyaas; ak geataw gisilga, ea heewga, ea jiirgwa digeeniga, ea fuga gadiyeeda was headiga, ea haweega gadiyeeda, ea gheamadiga digeeniga ea ngamiya.</div><div class="p"> 17Hean ghwalas NG'UTAMIIDA Farao ea gheanyi aba dawneeda haw aba badayda Sarayiheeda was gatmooda Abramu. 18Ng'ata gaguursa Farao Abramu ak gwayeesha, &#8220;Ang'iing'i nihindanaaniin? Ghwasaan anda mii rukunean gideaba nih gatmoadaang'u? 19Ghwasaan anda giyeeni, &#8216;Nih huda geamadu gil&#8217;, ak geageandi ghoah gatmoodeanyu? Asi nukwa gatmoadaang'u, ak guwi.&#8221; 20Iidu ghoadayda Farao iitaanyi; eahoana jeeda ng'eanyiida sea gatmoadaanyi ea buuneadaanyi ea haleanjeeda sean mideawa.</div>
 </div>
 </div>
</div>

The Bible in Datooga © Bible Society of Tanzania, 2015.

Ng'ata gwayeesha NG'UTAMIIDA Abramu, “Beawana ng'eanyiidaang'u ak giriteawi ghaheang'wa ea jeeda buweadeagaagu ea hita ng'eanyiida jea daahiimneey. Ak gaydanung' huwa eemeeda haw, ak gaydagoonyi ghawooda, ak gaydanung' gwaheedu gheawungaagu, ak abeeda geegoonyi ghawooda. Gaydaadaw ghawooda fuga goonyi ghawooda, nea siida mwaashtaneey gaydamwaashta; nea aba badaydaang'u gayghoadaw ghawooda eemoojiga sean bea muunda ng'eanyiida.”
Iimuchu gawa Abramu, gawuurji gidarukusiinda NG'UTAMIIDA; hean goodeayi Lutu. Abeeda Abramu gaba gweanyeew laadam ea damanamuut damanda balaga Harani. Ng'ata ghwaat Abramu gatmoadaanyi was Sara, ea Lutuheeda was orjeeda baleanda ghaamwat, ea haleanjeeda nyaawa sean mideawa, sea fuga nyasa hoowa bea Haraniin; hean gwasimsa beata gaweay ng'eanyiida Ganaani. Hita ng'eanyiida Ganaani, gwasik Abramu jeeda ng'eanyiida ea ghwahita Shekemu mida sawacheanda More. Abeeda damandida gwanda ng'eanyiida eemeeda Ganaani. Hean gabussa NG'UTAMIIDA Abramu ak gwayeesha, “Ng'eanyiini gaydagoonyi ea jeacheangaagu.” Ng'ata gwasissa NG'UTAMIIDA heeda wagiida aba hoowa, nea dea busiinyi sea niny. Iimuchu goosiipta ea ghwahita heeda giijeeda mida gayeewda Beteli, ak ghamiinda maheemajeandaanyi aba dageascheeda Beteli aba heeda biyeara ea Ayi aba heeda ghayeawa; ak gwasissa NG'UTAMIIDA heeda wagiida ak ghabwat gheawunga NG'UTAMIIDA. Hean gwaneayeewa Abramu jeeda ng'eanyiida, nea gagal Negebu.

Muchu ghang'eat geejeeda aba jeeda ng'eanyiida. Hean ghang'eat Abramu gwararang'eesa ng'eanyiida Misri ak ghoah rabascheanda aba ng'eanyiita gili nuwaas aba gideaba ghwaraanya geejeeda aba jeeda ng'eanyiida. Geeyi bwak ama riikghta ghoaghaawa moonghooda Misri, gwayeesha Sarayiheeda was gatmoadaanyi, “Ghaanali gideaba guwoosi miyaasiin lean; asi iidaanyi fuga Misri gaygwayi, ‘Nih gatmoadaanyi’; ak abeeda gaygwanuusan, ak ghwanung'waadaneey ang'iing'i. Eeshiina guwoosi hudiya, ak abeeda gayghwanung'waadanaan aba badaydaang'u, ak abeeda gayghaghu eaweegeasu aba badaydaang'u.” Iimuchu nea ghwahita Abramu ng'eanyiida Misri ghwadaah fuga Misri gideaba gatmoodida aamiy muuchi. Daah orjooga Farao gatmooni, ghaghwar aba madeeda Farao. Ak geayaat gatmooda gheeh Farao. Iidu aba badaydeaba niny geesissa Abramu ng'asheega miyaas; ak geataw gisilga, ea heewga, ea jiirgwa digeeniga, ea fuga gadiyeeda was headiga, ea haweega gadiyeeda, ea gheamadiga digeeniga ea ngamiya.
Hean ghwalas NG'UTAMIIDA Farao ea gheanyi aba dawneeda haw aba badayda Sarayiheeda was gatmooda Abramu. Ng'ata gaguursa Farao Abramu ak gwayeesha, “Ang'iing'i nihindanaaniin? Ghwasaan anda mii rukunean gideaba nih gatmoadaang'u? Ghwasaan anda giyeeni, ‘Nih huda geamadu gil’, ak geageandi ghoah gatmoodeanyu? Asi nukwa gatmoadaang'u, ak guwi.” Iidu ghoadayda Farao iitaanyi; eahoana jeeda ng'eanyiida sea gatmoadaanyi ea buuneadaanyi ea haleanjeeda sean mideawa.

Höre GIING'EETA 12