If you would like a copy of this version please contact info@davarpartners.org

Kimashami Old Testament

<div class="version vid3043 iso6393jmc" data-vid="3043" data-iso6393="jmc">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="s">Kyaasa kya Iruva Amwi na Noe</div><div class="p"> 1Iruva kavikya Noe mbora na vana vakwe, kavavia, &#8220;Fumbukeny mwishure uruka. 2Wo ifisi lyiiyo lyishemwereyaa neemureremya, na wo ndeye yeefo ngini-u, neefyo fyoose fiishwe efo si, makunga moose a efo yeeveny, mmbo fyambikwa maakony any. 3Efyo fyoose fikeenda fikee na muu nshoonga yaany, shasa shilemuninga mare a nyany ni indo-da shavemuniinga efi fyoose. 4Lyo samu, mulasheina-fo. 5Ni dede wo nndu apuswa samu ya nndu ungyi mmbo shimmbesaa. Na wo ifisi lyiwaa nndu mmbo shilyiwaa. 6Yeto ashepuswaa samu ya nndu nawe samu yakwe ishepusuwaa, mashika Iruva mmbo aleumba nndu wa fwana kyakwe. 7Neeni fwarikeny, mufumbuke, ngyeeri taany tiishure uruka!&#8221;</div><div class="p"> 8Iruva kavia Noe, ando amwi na vana vakwe. 9&#8220;Lola-te yeny shikee ivika kyaasa neeni; na ngyeeri tafo ta numa. 10Na wo kyuumbe kyikee ando amwi neeni, ndeye, findo fyevikkya mmba, na wo ifisi lya ngoroshony yaa ulaniny lyikee neeni, fyoose efyo filesomuka isandukuny, na fyoose fikee na muu ulaniny. 11Na kyaasa kyakwa shikeekyikaarisa kwany, ni indi, nta ekyo kyoose kitiri muu nkikyilyamarwaa-se na mura-fo; nta nkukyikaa-fo mura, nta mura yo numa ilyamara uruka-fo.&#8221; 12Iruva kaamba, &#8220;Elu llo wende lwa kyaasa ekyi shavika neeni, na wokindo kyuumbe kikee neeni, na ngyufyari toose fika llung'anu; 13Yeny shavika ukova lwa mmbwa mafishiny, llo lushevaa wende lwa kyaasa kyakwa nnang'ani yakwa na ulana. 14Neelyi nsheendee mafishi urukeny arandave, na ukova elo lushelollywa-u, 15Neeny mmbo nshekummbwa kyaasa kyakwa, ekyo kyikee nnang'ani yakwa neeni, na wo kiumbe kiiyo kitiri muu, nta mura mbushekifumbuka ilyamara fyoose fitiri muu-fo. 16Naasa ukova elo lushelollywaa mafishiny; neen nshelullaa, shikumbwe kyaasa kilya kya Iruva na vandu kya llung'anu na wo kyuumbe kiiyo kitiri muu kikee ulaniny.&#8221; 17Iruva kavia Noe, &#8220;Elu llo wende lushoora mma nnang'ani yakwa na findo fyoose fitiri muu kunu urukeny&#8221;.</div><div class="s">Noe na Vana Vakwe va Kyuumi</div><div class="p"> 18Vana va Noe valeuka isandukuny ni Semu, Hamu na Yafeti; na Hamu mmbwe ndeye wa Kanaani. 19Eva vararu mmbo vana va Noe, na ngyeeri yaawo nnyo ileishura ulana.</div><div class="p"> 20Noe kava nremi wa mbee, kavaaya irema lya misabibu. 21Kana mfinyu kanangwa kakaa-fo mbereto efo yeemeny lyakwe. 22Hamu, ndeye wa Kanaani, kalolya ndeye eefo mbereto, kandevia vana va maye vavii vekee poo, 23Semu na Yafeti vakaipoo soori ya nkorori vakailambara meeveny, wo ve vavii vakaenda venkapye mungo, valasheelollya usutu lwa ndeyaawo vakansikkya. 24Noe kamarukya unangweny lwakwe kamanya kilya mwana wakwe n-du alentannya. 25Kaamba,</div><div class="q">&#8220;Kanaani nave nndenge!</div><div class="q2">Nasheva ishinga lya mashinga a vana va maye.&#8221;</div><div class="q"> 26Kaamba-se,</div><div class="q2">&#8220;Semu avikywa mbora ni Nndumi Iruva, Iruva wakwa;</div><div class="q">Na Kanaani nawe ishinga lyakwe.</div><div class="q"> 27Iruva nang'anise Yafeti,</div><div class="q2">Nakae meeminy a Semu.</div><div class="q">Na Kanaani nave ishinga lyakwe.&#8221;</div><div class="m"> 28Na Noe numa ya mura ulya kakaany myaaka mayana araaru na makumi araanu. 29Myaaka myoose ya Noe ni mayana kyeenda na makumi araanu, kafwaany.</div>
 </div>
 </div>
</div>

The Holy Bible in Kimashami © Bible Society of Tanzania, 2016.

Iruva kavikya Noe mbora na vana vakwe, kavavia, “Fumbukeny mwishure uruka. Wo ifisi lyiiyo lyishemwereyaa neemureremya, na wo ndeye yeefo ngini-u, neefyo fyoose fiishwe efo si, makunga moose a efo yeeveny, mmbo fyambikwa maakony any. Efyo fyoose fikeenda fikee na muu nshoonga yaany, shasa shilemuninga mare a nyany ni indo-da shavemuniinga efi fyoose. Lyo samu, mulasheina-fo. Ni dede wo nndu apuswa samu ya nndu ungyi mmbo shimmbesaa. Na wo ifisi lyiwaa nndu mmbo shilyiwaa. Yeto ashepuswaa samu ya nndu nawe samu yakwe ishepusuwaa, mashika Iruva mmbo aleumba nndu wa fwana kyakwe. Neeni fwarikeny, mufumbuke, ngyeeri taany tiishure uruka!”
Iruva kavia Noe, ando amwi na vana vakwe. “Lola-te yeny shikee ivika kyaasa neeni; na ngyeeri tafo ta numa. Na wo kyuumbe kyikee ando amwi neeni, ndeye, findo fyevikkya mmba, na wo ifisi lya ngoroshony yaa ulaniny lyikee neeni, fyoose efyo filesomuka isandukuny, na fyoose fikee na muu ulaniny. Na kyaasa kyakwa shikeekyikaarisa kwany, ni indi, nta ekyo kyoose kitiri muu nkikyilyamarwaa-se na mura-fo; nta nkukyikaa-fo mura, nta mura yo numa ilyamara uruka-fo.” Iruva kaamba, “Elu llo wende lwa kyaasa ekyi shavika neeni, na wokindo kyuumbe kikee neeni, na ngyufyari toose fika llung'anu; Yeny shavika ukova lwa mmbwa mafishiny, llo lushevaa wende lwa kyaasa kyakwa nnang'ani yakwa na ulana. Neelyi nsheendee mafishi urukeny arandave, na ukova elo lushelollywa-u, Neeny mmbo nshekummbwa kyaasa kyakwa, ekyo kyikee nnang'ani yakwa neeni, na wo kiumbe kiiyo kitiri muu, nta mura mbushekifumbuka ilyamara fyoose fitiri muu-fo. Naasa ukova elo lushelollywaa mafishiny; neen nshelullaa, shikumbwe kyaasa kilya kya Iruva na vandu kya llung'anu na wo kyuumbe kiiyo kitiri muu kikee ulaniny.” Iruva kavia Noe, “Elu llo wende lushoora mma nnang'ani yakwa na findo fyoose fitiri muu kunu urukeny”.

Vana va Noe valeuka isandukuny ni Semu, Hamu na Yafeti; na Hamu mmbwe ndeye wa Kanaani. Eva vararu mmbo vana va Noe, na ngyeeri yaawo nnyo ileishura ulana.
Noe kava nremi wa mbee, kavaaya irema lya misabibu. Kana mfinyu kanangwa kakaa-fo mbereto efo yeemeny lyakwe. Hamu, ndeye wa Kanaani, kalolya ndeye eefo mbereto, kandevia vana va maye vavii vekee poo, Semu na Yafeti vakaipoo soori ya nkorori vakailambara meeveny, wo ve vavii vakaenda venkapye mungo, valasheelollya usutu lwa ndeyaawo vakansikkya. Noe kamarukya unangweny lwakwe kamanya kilya mwana wakwe n-du alentannya. Kaamba,
“Kanaani nave nndenge!
Nasheva ishinga lya mashinga a vana va maye.”
Kaamba-se,
“Semu avikywa mbora ni Nndumi Iruva, Iruva wakwa;
Na Kanaani nawe ishinga lyakwe.
Iruva nang'anise Yafeti,
Nakae meeminy a Semu.
Na Kanaani nave ishinga lyakwe.”
Na Noe numa ya mura ulya kakaany myaaka mayana araaru na makumi araanu. Myaaka myoose ya Noe ni mayana kyeenda na makumi araanu, kafwaany.

Höre Mapookyony 9