Yao, Tanzania 2018 TWFTW/ PBT Non-Drama(NT)

Yao, Tanzania 2018 TWFTW/ PBT Drama(NT)

<div class="version vid2793 iso6393yao" data-vid="2793" data-iso6393="yao">
 <div class="book bkJHN">
 <div class="chapter ch8" data-usfm="JHN.8">
 <div class="label">8</div><div class="s">Jwankongwe ju&#373;akamwilwe ku chikululu</div><div class="p"> 1Pakumala yeleyo Che Yesu &#373;ajawile ku chikwesya cha Miseituni. 2Mala&#373;i jakwe kunda&#373;i pe, Che Yesu &#373;ajawile sooni pa Nyuumba ja Akunnungu. &#372;andu wose &#373;ansyungwile, nombewo &#373;atemi ni kutanda kwajiganya. 3Nipele &#372;akwiganya malajisyo pamo ni Mafalisayo &#373;annyichenawo jwankongwe ju&#373;akamwilwe ali nkutenda chikululu. &#372;anjimiche jwankongwe jo paujo pa &#373;andu. 4Nipele &#373;ambusisye Che Yesu, &#8220;Jwakwiganya, jwankongwe ju akamwilwe ali nkutenda chikululu. 5Mmalajisyo getu che Musa &#373;atulajisye yele, jwankongwe mpela aju aulajikwe kwa kuputikwa ni maganga. Nambi mmwejo nkuti uli?&#8221; 6&#372;atite yeleyo kuti &#373;alinje Che Yesu akole chakumbechetela. Nambo Che Yesu &#373;akoteme ni kulemba paasi ni chala chakwe. 7Pa&#373;apundile kumbusya, Che Yesu &#373;ajinamukwiche ni kwasalila, &#8220;Naga kwana mundu jwalijose mwa &#373;anyamwe jwanganakola sambi a&#373;e jwaandanda kumponya liganga.&#8221; 8Nipele &#373;akoteme sooni ni kulemba paasi. 9Pa&#373;apilikene yeleyo &#373;atandite kutyoka jumo jumo achilongolelaga achachekulu. Che Yesu &#373;asigele jikape ni jwankongwe jula ali ajimi palapala. 10Ni Che Yesu pa&#373;ajinamukwiche &#373;ambusisye jwankongwe jula, &#8220;Amao, &#373;andu &#373;ala alinji kwapi? Uli, ngapagwa jwanlamwile mmwejo?&#8221; 11Jwankongwe jula &#373;ajanjile, &#8220;Ambuje, ngapagwa namose jumo jwanamwile!&#8221; Nombe Che Yesu &#373;ansalile, &#8220;Uneji nombe ngangunlamula. Njaule, nambo kutandila sambano nkatenda sambi sooni.&#8221;</div><div class="s">Che Yesu ali lilanguka lya chilambo</div><div class="p"> 12Che Yesu &#373;akungulwiche sooni ni &#373;andu achitiji, &#8220;Uneji ndili lilanguka lya pachilambo pano. Mundu jwalijose jwakunguya uneji ngajenda mu chipi ng'o, nambo chakole ni lilanguka lya umi.&#8221;</div><div class="p"> 13Nipele Mafalisayo &#373;ansalile, &#8220;Nkusala umboni wenu mwasyene, sambano umboni wenu uli wa unami.&#8221; 14Che Yesu &#373;aajanjile, &#8220;Atamuno nasalaga umboni wangu nansyene, umboni wangu uli usyene ligongo uneji nakumanyi kungopochele ni kungwaula. Nambo mwanya ngankukumanyilila kungopochele ni kungwaula. 15&#372;anyamwe nkulamula kwa ng'anisyo sya chiundu nambo uneji ngangunlamula mundu. 16Naatamuno nalamulaga, ulamusi wangu uli usyene ligongo uneji ngangupanganya masengo jika, Atati &#373;andumile une wo ali pamo ni une. 17Ilembekwe mmalajisyo genu, umboni wa &#373;andu &#373;a&#373;ili uli wa usyene. 18Uneji ngusala umboni wangu nansyene, ni Atati &#373;andumile nombe akusala umboni wangu.&#8221; 19Pelepo &#373;ambusisye, &#8220;Ana Atati &#373;enu ali kwapi?&#8221; Che Yesu &#373;ajanjile, &#8220;&#372;anyamwe ngankuumanyilila uneji atamuno ngankummanyilila Atati &#373;angu. Nkaamanyilile uneji nkaamanyilile Atati &#373;angu nombe.&#8221;</div><div class="p"> 20Che Yesu &#373;a&#373;echete malo&#373;e go mu chuumba cha mbiko, pa&#373;aliji nkwiganya pa Nyuumba ja Akunnungu. Ni nganapagwa mundu ju&#373;ankamwile paku&#373;a katema kakwe kaliji kakana&#373;e kwika.</div><div class="s">Kungwaula &#373;anyamwe ngankombolanga kwika</div><div class="p"> 21Che Yesu &#373;aasalile sooni, &#8220;Uneji ngwaula ni &#373;anyamwe chimuusose, nambo chimmwe mu sambi syenu. Kungwaula uneji, &#373;anyamwe ngankombola kwika.&#8221; 22Nipele, achakulu &#373;a &#372;ayahudi &#373;atite, &#8220;Ana chaliulaje? Ana kwa ligongo chi akuti, &#8216;Kungwaula &#373;anyamwe ngankombola kwika?&#8217; &#8221; 23Che Yesu &#373;aasalile, &#8220;&#372;anyamwe nkopochele papapa pachilambo cha paasi, nambo uneji ngopochele kwinani. &#372;anyamwe nlinji &#373;a pachilambo pano, nambo uneji nguni&#373;a jwa pachilambo pano. 24Kwaligongo lyo nansalile kuti chimmwe mu sambi syenu. Paku&#373;a ngankukulupilila kuti, &#8216;Uneji ndili jwelejo&#8217; chimmwe mu sambi syenu.&#8221; 25Nombe &#373;anyawo &#373;ambusisye, &#8220;Ana mmwejo ni &#373;aani?&#8221; Che Yesu &#373;ajanjile, &#8220;Uneji ndili jwelejo, mpela inansalile chitandile kundanda! 26Ngwete yejinji yaku&#373;echeta ni kulamula nkati &#373;anyamwe. Nambo &#373;andumile une ali &#373;ausyene, none ngwasalila &#373;andu wose &#373;a pachilambo yeila pe imbilikene kutyochela kwa &#373;elewo.&#8221;</div><div class="p"> 27&#372;anyawo nganaimanyilila kuti Che Yesu &#373;a&#373;echetaga nawo yankati ngani sya Akunnungu, Atati &#373;ao. 28Nipele Che Yesu &#373;aasalile, &#8220;Pachimunnyakule Mwana jwa Mundu, pelepo ni pachimmanyilile kuti, &#8216;Uneji ndili jwelejo,&#8217; ni chimmanyilile kuti ngangupanganya chachili chose nansyene, nambo ngu&#373;echeta yeila pe inyiganyikwe ni Atati. 29&#372;andumile &#373;ala ali pamo ni uneji, nganaaneka jika, paku&#373;a mo&#373;a gose nguitendekanya aila yaikwanonyela.&#8221;</div><div class="p"> 30&#372;andu &#373;ajinji &#373;a&#373;ampilikanile Che Yesu achi&#373;echetaga malo&#373;e ga &#373;ankulupilile.</div><div class="s">Usyenesyene chiuntende &#373;alecheleswe</div><div class="p"> 31Nipele Che Yesu &#373;aasalile &#372;ayahudi &#373;a&#373;akulupilile &#373;ala kuti, &#8220;Mwaikamulichisyaga inanjigenye, chimme &#373;akulijiganya &#373;angu &#373;a usyenesyene. 32Chimuumanyilile usyene, ni usyene wo chiuntende &#373;alecheleswe.&#8221; 33Nombe &#373;anyawo &#373;anjanjile, &#8220;Tuli u&#373;elesi u che Iblahimu ni nganitu&#373;a achikapolo &#373;a mundu jwalijose. Ana malumbo gakwe chichi pankuti, &#8216;Chinchilecheleswa?&#8217; &#8221;</div><div class="p"> 34Che Yesu &#373;aajanjile, &#8220;Ngunsalila isyene, mundu jwalijose jwakutendekanya sambi ali kapolo jwa sambi. 35Kapolo ngakutama pamusi mo&#373;a gose, nambo mwanache akutama pamusi mo&#373;a gose. 36Nipele Mwana annechelesyaga &#373;anyamwe nombe chimbe &#373;alecheleswe kusyenesyene. 37Naimanyi kuti &#373;anyamwe nlinji u&#373;elesi u che Iblahimu. Nambo nkusaka kumulaga ligongo nkugakana majiganyo gangu. 38Uneji ngu&#373;echeta aila pe yanosisye Atati &#373;angu, nambo &#373;anyamwe nkupanganya aila yansalile atati &#373;enu.&#8221;</div><div class="p"> 39&#372;anyawo &#373;anjanjile, &#8220;Uweji Atati &#373;etu ali che Iblahimu!&#8221; Che Yesu &#373;aasalile, &#8220;&#372;anyamwe nka&#373;e &#373;anache &#373;a che Iblahimu nkaitendekenye aila i&#373;aitendekenye che Iblahimu. 40Uneji nansalile usyene unaupilikene kutyochela kwa Akunnungu, atamuno yeleyo &#373;anyamwe nkusaka kumulaga. Che Iblahimu nganapanganya yeleyo! 41&#372;anyamwe nkutendekanya ilaila yaitesile atati &#373;enu.&#8221; &#372;anyawo &#373;ansalile, &#8220;Uweji nganitupagwe kwa chikululu! Tukwete atati &#373;amope, &#373;elewo ali Akunnungu.&#8221;</div><div class="p"> 42Che Yesu &#373;aasalile, &#8220;Ika&#373;e Akunnungu ali Atati &#373;enu, nkaanonyele uneji paku&#373;a uneji natyosile kwa Akunnungu ni sambano ndili papapa pepa. Nguniika kwa malamulo gangu nansyene nambo kwa malamulo ga &#373;andumile une wo. 43Ana kwachichi ngankugapilikanichisya gingu&#373;echeta ga? Ligongo ngankusaka kugapilikana malo&#373;e gangu. 44&#372;anyamwe atati &#373;enu Jwakulinga ni &#373;anyamwe nkusaka kutendekanya yaikwanonyelesya atati &#373;enu. Chitandile kundanda jwelejo &#373;aliji jwakuulaga, ni nganawai kwima ku upande wa usyene, mwa jwelejo nganiupagwa usyene. Paaku&#373;echeta ya unami, aku&#373;echeta yatite kusyo&#373;elela, paku&#373;a jwelejo ali jwa unami ni atati jwa unami wose. 45Paku&#373;a uneji ngunsalila usyene, &#373;anyamwe ngankungulupilila. 46Mwa &#373;anyamwe nduni juchakombole ku&#373;alanga umboni kuti uneji ngwete sambi? Ana i&#373;aga ngu&#373;echeta usyene, kwachichi ngankungulupilila? 47&#372;andu &#373;a Akunnungu akugapilikana malo&#373;e gaku&#373;echeta Akunnungu, &#373;anyamwe ngankupilikana paku&#373;a &#373;anyamwe nganimma &#373;andu &#373;a Akunnungu.&#8221;</div><div class="s">Che Yesu &#373;apali akana&#373;e kupagwa che Iblahimu</div><div class="p"> 48&#372;ayahudi &#373;anjanjile Che Yesu, &#8220;Ana nganitusala uchenene kuti mmwejo ndi Msamalia ni sooni nkwete lisoka?&#8221; 49Che Yesu &#373;ajanjile, &#8220;Uneji nganingola lisoka. Uneji ngwachimbichisya Atati &#373;angu, nambo &#373;anyamwe ngankunjimbichisya une. 50Uneji ngangulisosela ukulu wangu nansyene. Apali jumo jwakuusosela ukulu wo, nombejo ali jwakulamula. 51Ngunsalila isyene, mundu jwalijose jwakugakamulichisya majiganyo gangu ngaawa nambo chatame mo&#373;a gose pangali mbesi.&#8221; 52&#372;ayahudi &#373;ansalile Che Yesu, &#8220;Sambano twimanyi uchenene kuti mmwejo nkwete lisoka! Che Iblahimu &#373;awile, ni &#373;akulondola &#373;a Akunnungu &#373;awile iyoyo peyo, nomwe nkuti, &#8216;Mundu jwalijose agakamulichisyaga majiganyo gangu ngaawa!&#8217; 53Ana mmwejo nkulitenda &#373;akulungwa kwapunda atati &#373;etu che Iblahimu ju&#373;awile jula? Natamuno &#373;akulondola &#373;a Akunnungu &#373;awile nombewo. Sambano mmwejo nkulitenda &#373;aani?&#8221; 54Che Yesu &#373;ajanjile, &#8220;Nalikusyaga une nansyene, ukulu wangu nga&#373;a chindu. Atati &#373;angu &#373;ankwa&#373;ilanga Akunnungu &#373;enu, &#373;elewo ni &#373;akungusya une. 55&#372;anyamwe nganna&#373;e kwamanyilila, nambo uneji naamanyi. Nombe nasalaga kuti ngangwamanyilila, chime jwaunami mpela &#373;anyamwe. Uneji ngwamanyilila ni ngulikamulichisya lilo&#373;e lyao. 56Atati &#373;enu che Iblahimu &#373;asangalele aliwone lyu&#373;a lya kwika kwangu, nombewo &#373;aliweni ni &#373;asengwile.&#8221; 57Nipele &#372;ayahudi &#373;aasalile, &#8220;Mmwejo nkuti uli kuti mwaweni che Iblahimu nomwe nganinnyiche yaka makumi nsano?&#8221; 58Che Yesu &#373;aasalile, &#8220;Ngunsalila isyene, akana&#373;e kupagwa che Iblahimu uneji napali.&#8221; 59Pelepo &#373;alokwete maganga achisakaga kwaponya, nambo Che Yesu &#373;aalesile ni kutyoka pa Nyuumba ja Akunnungu.</div>
 </div>
 </div>
</div>

Yao New Testament © The Word for the World Southern Africa and Pioneer Bible Translators, 2018.

Pakumala yeleyo Che Yesu ŵajawile ku chikwesya cha Miseituni. Malaŵi jakwe kundaŵi pe, Che Yesu ŵajawile sooni pa Nyuumba ja Akunnungu. Ŵandu wose ŵansyungwile, nombewo ŵatemi ni kutanda kwajiganya. Nipele Ŵakwiganya malajisyo pamo ni Mafalisayo ŵannyichenawo jwankongwe juŵakamwilwe ali nkutenda chikululu. Ŵanjimiche jwankongwe jo paujo pa ŵandu. Nipele ŵambusisye Che Yesu, “Jwakwiganya, jwankongwe ju akamwilwe ali nkutenda chikululu. Mmalajisyo getu che Musa ŵatulajisye yele, jwankongwe mpela aju aulajikwe kwa kuputikwa ni maganga. Nambi mmwejo nkuti uli?” Ŵatite yeleyo kuti ŵalinje Che Yesu akole chakumbechetela. Nambo Che Yesu ŵakoteme ni kulemba paasi ni chala chakwe. Paŵapundile kumbusya, Che Yesu ŵajinamukwiche ni kwasalila, “Naga kwana mundu jwalijose mwa ŵanyamwe jwanganakola sambi aŵe jwaandanda kumponya liganga.” Nipele ŵakoteme sooni ni kulemba paasi. Paŵapilikene yeleyo ŵatandite kutyoka jumo jumo achilongolelaga achachekulu. Che Yesu ŵasigele jikape ni jwankongwe jula ali ajimi palapala. Ni Che Yesu paŵajinamukwiche ŵambusisye jwankongwe jula, “Amao, ŵandu ŵala alinji kwapi? Uli, ngapagwa jwanlamwile mmwejo?” Jwankongwe jula ŵajanjile, “Ambuje, ngapagwa namose jumo jwanamwile!” Nombe Che Yesu ŵansalile, “Uneji nombe ngangunlamula. Njaule, nambo kutandila sambano nkatenda sambi sooni.”

Che Yesu ŵakungulwiche sooni ni ŵandu achitiji, “Uneji ndili lilanguka lya pachilambo pano. Mundu jwalijose jwakunguya uneji ngajenda mu chipi ng'o, nambo chakole ni lilanguka lya umi.”
Nipele Mafalisayo ŵansalile, “Nkusala umboni wenu mwasyene, sambano umboni wenu uli wa unami.” Che Yesu ŵaajanjile, “Atamuno nasalaga umboni wangu nansyene, umboni wangu uli usyene ligongo uneji nakumanyi kungopochele ni kungwaula. Nambo mwanya ngankukumanyilila kungopochele ni kungwaula. Ŵanyamwe nkulamula kwa ng'anisyo sya chiundu nambo uneji ngangunlamula mundu. Naatamuno nalamulaga, ulamusi wangu uli usyene ligongo uneji ngangupanganya masengo jika, Atati ŵandumile une wo ali pamo ni une. Ilembekwe mmalajisyo genu, umboni wa ŵandu ŵaŵili uli wa usyene. Uneji ngusala umboni wangu nansyene, ni Atati ŵandumile nombe akusala umboni wangu.” Pelepo ŵambusisye, “Ana Atati ŵenu ali kwapi?” Che Yesu ŵajanjile, “Ŵanyamwe ngankuumanyilila uneji atamuno ngankummanyilila Atati ŵangu. Nkaamanyilile uneji nkaamanyilile Atati ŵangu nombe.”
Che Yesu ŵaŵechete maloŵe go mu chuumba cha mbiko, paŵaliji nkwiganya pa Nyuumba ja Akunnungu. Ni nganapagwa mundu juŵankamwile pakuŵa katema kakwe kaliji kakanaŵe kwika.

Che Yesu ŵaasalile sooni, “Uneji ngwaula ni ŵanyamwe chimuusose, nambo chimmwe mu sambi syenu. Kungwaula uneji, ŵanyamwe ngankombola kwika.” Nipele, achakulu ŵa Ŵayahudi ŵatite, “Ana chaliulaje? Ana kwa ligongo chi akuti, ‘Kungwaula ŵanyamwe ngankombola kwika?’ ” Che Yesu ŵaasalile, “Ŵanyamwe nkopochele papapa pachilambo cha paasi, nambo uneji ngopochele kwinani. Ŵanyamwe nlinji ŵa pachilambo pano, nambo uneji nguniŵa jwa pachilambo pano. Kwaligongo lyo nansalile kuti chimmwe mu sambi syenu. Pakuŵa ngankukulupilila kuti, ‘Uneji ndili jwelejo’ chimmwe mu sambi syenu.” Nombe ŵanyawo ŵambusisye, “Ana mmwejo ni ŵaani?” Che Yesu ŵajanjile, “Uneji ndili jwelejo, mpela inansalile chitandile kundanda! Ngwete yejinji yakuŵecheta ni kulamula nkati ŵanyamwe. Nambo ŵandumile une ali ŵausyene, none ngwasalila ŵandu wose ŵa pachilambo yeila pe imbilikene kutyochela kwa ŵelewo.”
Ŵanyawo nganaimanyilila kuti Che Yesu ŵaŵechetaga nawo yankati ngani sya Akunnungu, Atati ŵao. Nipele Che Yesu ŵaasalile, “Pachimunnyakule Mwana jwa Mundu, pelepo ni pachimmanyilile kuti, ‘Uneji ndili jwelejo,’ ni chimmanyilile kuti ngangupanganya chachili chose nansyene, nambo nguŵecheta yeila pe inyiganyikwe ni Atati. Ŵandumile ŵala ali pamo ni uneji, nganaaneka jika, pakuŵa moŵa gose nguitendekanya aila yaikwanonyela.”
Ŵandu ŵajinji ŵaŵampilikanile Che Yesu achiŵechetaga maloŵe ga ŵankulupilile.

Nipele Che Yesu ŵaasalile Ŵayahudi ŵaŵakulupilile ŵala kuti, “Mwaikamulichisyaga inanjigenye, chimme ŵakulijiganya ŵangu ŵa usyenesyene. Chimuumanyilile usyene, ni usyene wo chiuntende ŵalecheleswe.” Nombe ŵanyawo ŵanjanjile, “Tuli uŵelesi u che Iblahimu ni nganituŵa achikapolo ŵa mundu jwalijose. Ana malumbo gakwe chichi pankuti, ‘Chinchilecheleswa?’ ”
Che Yesu ŵaajanjile, “Ngunsalila isyene, mundu jwalijose jwakutendekanya sambi ali kapolo jwa sambi. Kapolo ngakutama pamusi moŵa gose, nambo mwanache akutama pamusi moŵa gose. Nipele Mwana annechelesyaga ŵanyamwe nombe chimbe ŵalecheleswe kusyenesyene. Naimanyi kuti ŵanyamwe nlinji uŵelesi u che Iblahimu. Nambo nkusaka kumulaga ligongo nkugakana majiganyo gangu. Uneji nguŵecheta aila pe yanosisye Atati ŵangu, nambo ŵanyamwe nkupanganya aila yansalile atati ŵenu.”
Ŵanyawo ŵanjanjile, “Uweji Atati ŵetu ali che Iblahimu!” Che Yesu ŵaasalile, “Ŵanyamwe nkaŵe ŵanache ŵa che Iblahimu nkaitendekenye aila iŵaitendekenye che Iblahimu. Uneji nansalile usyene unaupilikene kutyochela kwa Akunnungu, atamuno yeleyo ŵanyamwe nkusaka kumulaga. Che Iblahimu nganapanganya yeleyo! Ŵanyamwe nkutendekanya ilaila yaitesile atati ŵenu.” Ŵanyawo ŵansalile, “Uweji nganitupagwe kwa chikululu! Tukwete atati ŵamope, ŵelewo ali Akunnungu.”
Che Yesu ŵaasalile, “Ikaŵe Akunnungu ali Atati ŵenu, nkaanonyele uneji pakuŵa uneji natyosile kwa Akunnungu ni sambano ndili papapa pepa. Nguniika kwa malamulo gangu nansyene nambo kwa malamulo ga ŵandumile une wo. Ana kwachichi ngankugapilikanichisya ginguŵecheta ga? Ligongo ngankusaka kugapilikana maloŵe gangu. Ŵanyamwe atati ŵenu Jwakulinga ni ŵanyamwe nkusaka kutendekanya yaikwanonyelesya atati ŵenu. Chitandile kundanda jwelejo ŵaliji jwakuulaga, ni nganawai kwima ku upande wa usyene, mwa jwelejo nganiupagwa usyene. Paakuŵecheta ya unami, akuŵecheta yatite kusyoŵelela, pakuŵa jwelejo ali jwa unami ni atati jwa unami wose. Pakuŵa uneji ngunsalila usyene, ŵanyamwe ngankungulupilila. Mwa ŵanyamwe nduni juchakombole kuŵalanga umboni kuti uneji ngwete sambi? Ana iŵaga nguŵecheta usyene, kwachichi ngankungulupilila? Ŵandu ŵa Akunnungu akugapilikana maloŵe gakuŵecheta Akunnungu, ŵanyamwe ngankupilikana pakuŵa ŵanyamwe nganimma ŵandu ŵa Akunnungu.”

Ŵayahudi ŵanjanjile Che Yesu, “Ana nganitusala uchenene kuti mmwejo ndi Msamalia ni sooni nkwete lisoka?” Che Yesu ŵajanjile, “Uneji nganingola lisoka. Uneji ngwachimbichisya Atati ŵangu, nambo ŵanyamwe ngankunjimbichisya une. Uneji ngangulisosela ukulu wangu nansyene. Apali jumo jwakuusosela ukulu wo, nombejo ali jwakulamula. Ngunsalila isyene, mundu jwalijose jwakugakamulichisya majiganyo gangu ngaawa nambo chatame moŵa gose pangali mbesi.” Ŵayahudi ŵansalile Che Yesu, “Sambano twimanyi uchenene kuti mmwejo nkwete lisoka! Che Iblahimu ŵawile, ni ŵakulondola ŵa Akunnungu ŵawile iyoyo peyo, nomwe nkuti, ‘Mundu jwalijose agakamulichisyaga majiganyo gangu ngaawa!’ Ana mmwejo nkulitenda ŵakulungwa kwapunda atati ŵetu che Iblahimu juŵawile jula? Natamuno ŵakulondola ŵa Akunnungu ŵawile nombewo. Sambano mmwejo nkulitenda ŵaani?” Che Yesu ŵajanjile, “Nalikusyaga une nansyene, ukulu wangu ngaŵa chindu. Atati ŵangu ŵankwaŵilanga Akunnungu ŵenu, ŵelewo ni ŵakungusya une. Ŵanyamwe ngannaŵe kwamanyilila, nambo uneji naamanyi. Nombe nasalaga kuti ngangwamanyilila, chime jwaunami mpela ŵanyamwe. Uneji ngwamanyilila ni ngulikamulichisya liloŵe lyao. Atati ŵenu che Iblahimu ŵasangalele aliwone lyuŵa lya kwika kwangu, nombewo ŵaliweni ni ŵasengwile.” Nipele Ŵayahudi ŵaasalile, “Mmwejo nkuti uli kuti mwaweni che Iblahimu nomwe nganinnyiche yaka makumi nsano?” Che Yesu ŵaasalile, “Ngunsalila isyene, akanaŵe kupagwa che Iblahimu uneji napali.” Pelepo ŵalokwete maganga achisakaga kwaponya, nambo Che Yesu ŵaalesile ni kutyoka pa Nyuumba ja Akunnungu.

Höre Yohana 8