<div class="version vid2706 iso6393gri" data-vid="2706" data-iso6393="gri">
    <div class="book bkGEN">
        <div class="chapter chINTRO1" data-usfm="GEN.INTRO1">
            <div class="imt"><span class="content">Na Vuresi Makaliana Na Omea Ara Marea Tana Papi Iani</span></div><div class="ip"><span class="content">Tana papi iani ara soaginia </span><span class="bd"><span class="content">Na Tuturigana</span></span><span class="content"> e totu na turupatuna na vusana na barangengo, ma na tuturigana na tinoni, ma na tuturigana goto na sasi ma na rota i laona na barangengo, me tsarivulagigotoa nina omeomea God kolugira na tinoni. Na papi </span><span class="bd"><span class="content">Na Tuturigana</span></span><span class="content"> tangomana ke tavota ruka i laona ke ruka butona loki:</span></div><div class="ili1"><span class="content">1) </span><span class="bd"><span class="content">Lova 1-11</span></span><span class="content"> Na vusaana na barangengo ma na turupatu tana rongoqira igira na tinoni idaida: tana ka taguqira kaira a Adam ma ko Eva, ma kaira a Kain ma Abel, ma Noa ma na obo loki, ma na Kusudato ni Babilon.</span></div><div class="ili1"><span class="content">2) </span><span class="bd"><span class="content">Lova 12-50</span></span><span class="content"> Na turupatu tana rongoqira na mumuaqira idaida igira na Israel. Aia nogo a Abraham na kesanina, aia e tangiloki gana rongo rongona nina tutuni kakai ma nina rongomangana God. Mi muri, mara tsari b&#226; na turupatu tana rongoqira a Isaak na dalena a Abraham, ma Jakob na kukuana, aia ara soaginigotoa a Israel, mi tugira goto sangavulu ruka na dalena a Jakob, tugira nogo ara botsangia na sangavulu ruka na puku tana Israel. Me putsikae b&#226; na turupatu tana rongona kesa tu vidaqira na dalena a Jakob, aia nogo a Josep, ma na omea ara laba te e gini vano a Jakob migira na dalena tavosi kolugira niqira tamadale na ba totu i Ejipt.</span></div><div class="ip"><span class="content">Tana papi iani e totu rago na turupatu tana rongoqira visana tinoni, me putsikae b&#226; na turupatu tana rongona na omea loki aia God e naugira. E tuturiga ginia na tsarimakaliana laka God nogo e vusagira na omea sui i gotu mi lao. Me suilavagini ginia nina veke God e naua laka aia sauba ke galuvegira me ke boeginigira sailagi nina tinoni nogo aia. Nina aqoaqo God e laba maka i laona na papi popono iani, aia e pedegira me kedegira igira ara sasi, me idagana sautu vanigira nina tinoni, me sangagira, me tagaovia na omea sui e laba tana mauriqira. I sau nogo ara marea na papi iani gana kara maretsun&#226; na turupatuna niqira tutuni kesa na mamatana tinoni, me ke sangagira na vatavata sui kara mai i muri kara gini totukakai tana niqira tutuni.</span></div><div class="iot"><span class="content">Na Omea Ara Totu Tana Papi Iani</span></div><div class="io1"><span class="content">Na vusana na omea sui ma na tinoni </span><span class="ior"><span class="content">1:1&#8211;2:25</span><span class="content">  </span></span></div><div class="io1"><span class="content">Na tuturigana na sasi ma na rota </span><span class="ior"><span class="content">3:1-24</span></span></div><div class="io1"><span class="content">T&#251; konina a Adam me tsau b&#226; konina a Noa </span><span class="ior"><span class="content">4:1&#8211;5:32</span></span></div><div class="io1"><span class="content">A Noa ma na obo loki </span><span class="ior"><span class="content">6:1&#8211;10:32</span></span></div><div class="io1"><span class="content">Na Kusudato ni Babilon </span><span class="ior"><span class="content">11:1-9</span></span></div><div class="io1"><span class="content">T&#251; konina a Sem me tsau b&#226; konina a Abram </span><span class="ior"><span class="content">11:10-32</span></span></div><div class="io1"><span class="content">Na patriarko: a Abraham, ma Isaak ma Jakob </span><span class="ior"><span class="content">12:1&#8211;35:29</span></span></div><div class="io1"><span class="content">Igira na kukuana a Esau </span><span class="ior"><span class="content">36:1-43</span></span></div><div class="io1"><span class="content">A Josep migira na kulana </span><span class="ior"><span class="content">37:1&#8211;45:28</span></span></div><div class="io1"><span class="content">Igira na Israel tana Ejipt </span><span class="ior"><span class="content">46:1&#8211;50:26</span></span></div>
        </div>
    </div>
</div>

Na Vuresi Makaliana Na Omea Ara Marea Tana Papi Iani
Tana papi iani ara soaginia Na Tuturigana e totu na turupatuna na vusana na barangengo, ma na tuturigana na tinoni, ma na tuturigana goto na sasi ma na rota i laona na barangengo, me tsarivulagigotoa nina omeomea God kolugira na tinoni. Na papi Na Tuturigana tangomana ke tavota ruka i laona ke ruka butona loki:
1) Lova 1-11 Na vusaana na barangengo ma na turupatu tana rongoqira igira na tinoni idaida: tana ka taguqira kaira a Adam ma ko Eva, ma kaira a Kain ma Abel, ma Noa ma na obo loki, ma na Kusudato ni Babilon.
2) Lova 12-50 Na turupatu tana rongoqira na mumuaqira idaida igira na Israel. Aia nogo a Abraham na kesanina, aia e tangiloki gana rongo rongona nina tutuni kakai ma nina rongomangana God. Mi muri, mara tsari bâ na turupatu tana rongoqira a Isaak na dalena a Abraham, ma Jakob na kukuana, aia ara soaginigotoa a Israel, mi tugira goto sangavulu ruka na dalena a Jakob, tugira nogo ara botsangia na sangavulu ruka na puku tana Israel. Me putsikae bâ na turupatu tana rongona kesa tu vidaqira na dalena a Jakob, aia nogo a Josep, ma na omea ara laba te e gini vano a Jakob migira na dalena tavosi kolugira niqira tamadale na ba totu i Ejipt.
Tana papi iani e totu rago na turupatu tana rongoqira visana tinoni, me putsikae bâ na turupatu tana rongona na omea loki aia God e naugira. E tuturiga ginia na tsarimakaliana laka God nogo e vusagira na omea sui i gotu mi lao. Me suilavagini ginia nina veke God e naua laka aia sauba ke galuvegira me ke boeginigira sailagi nina tinoni nogo aia. Nina aqoaqo God e laba maka i laona na papi popono iani, aia e pedegira me kedegira igira ara sasi, me idagana sautu vanigira nina tinoni, me sangagira, me tagaovia na omea sui e laba tana mauriqira. I sau nogo ara marea na papi iani gana kara maretsunâ na turupatuna niqira tutuni kesa na mamatana tinoni, me ke sangagira na vatavata sui kara mai i muri kara gini totukakai tana niqira tutuni.
Na Omea Ara Totu Tana Papi Iani
Na vusana na omea sui ma na tinoni 1:1–2:25
Na tuturigana na sasi ma na rota 3:1-24
Tû konina a Adam me tsau bâ konina a Noa 4:1–5:32
A Noa ma na obo loki 6:1–10:32
Na Kusudato ni Babilon 11:1-9
Tû konina a Sem me tsau bâ konina a Abram 11:10-32
Na patriarko: a Abraham, ma Isaak ma Jakob 12:1–35:29
Igira na kukuana a Esau 36:1-43
A Josep migira na kulana 37:1–45:28
Igira na Israel tana Ejipt 46:1–50:26

Höre Tuturigana Na Vuresi Makaliana Na Omea Ara Marea Tana Papi Iani