Chin, Eastern Khumi: Caekäcai Kangthae (Lemi) New Testament

Caekäcai Kangthae (Lemi)

<div class="version vid1853 iso6393cek" data-vid="1853" data-iso6393="cek">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s">Baptismae Johan d&#252; te ph&#252;ng</div><div class="r"> Mar 6:14-29; Luk 3:19-20; 9:7-9</div><div class="p"> 1Honi k&#228;t&#252;-a Kalile kh&#246; pyng saite sanphrang Herodae l&#228; Isu &#252;ng sa saite ph&#252;ng khimi ce ma thui te thai vi dy. 2Sanphrang Herodae l&#228; &#228;ma &#252;ng mawsawng na tea &#8220;Honi khimi l&#228; Baptismae Johan he kae. &#196;ni l&#228; k&#228;d&#252; thung &#252;ng aetha haile tyng te vi dy. Tuk&#228;teph&#252;ng-a &#228;ni l&#228; cangxei saite na sa haw te vi&#8221; n&#228;kha n&#228;pa.</div><div class="p"> 3Hini k&#228; y k&#228;lang-a sanphrang Herodae l&#228; Baptismae Johan bung reisae na tea ne hai kha m&#228;khing ea thawng thung-a b&#228;la pa pyng te vi dy. &#196;teph&#252;ng-a mei n&#228;dyl&#228; Herodae l&#228; &#228;kangby Philip &#252;ng nawngpui Herodia hai aepawng pa te vi. 4Hini ph&#252;ng-a Baptismae Johan ma &#228;ni tea &#8220;Nang l&#228; nang kangby &#252;ng nawngpui bung la te l&#228; Mosi &#252;ng Ub&#228;di hai aeb&#228;la te y vi&#8221; n&#228;kha pring pa te vi. 5Herodae l&#228; Johan bung b&#228;d&#252; hethang ngai vi dy. Tungaila &#228;ni l&#228; Judae khimipui na tea ri vi. &#196;teph&#252;ng-a mei n&#228;dyl&#228; &#228;ni ce l&#228; Johan tea S&#228;thaw &#252;ng buisaw lawngt&#228; vi n&#228;kha yng &#246; te ph&#252;ng-a vi.</div><div class="p"> 6Herodae &#252;ng aepeng saite k&#228;ni-a &#228;ni l&#228; pawi sa vi. Honi pawi-a Herodia &#252;ng c&#228;nung l&#228; &#228;ni hai &#228;ma &#252;ng angv&#252;ng na maw-a lang pa dy. &#196;ni &#252;ng lang saite tea Herodae l&#228; tengxyng y b&#228;lung anghawtho hai pa vi dy. 7Tukha Herodae ma anglaw tea &#8220;Nang &#252;ng m&#228;kai saite am&#228;jy kai py ai mang&#8221; n&#228;kha &#228;lo t&#228;king ea &#228;lo aedo pa vi dy.</div><div class="p"> 8Anglaw l&#228; &#228;n&#228;-awi ma thui te k&#228;tyng sanphrang Herodae tea &#8220;Baptismae Johan &#252;ng &#228;l&#246; pangkae haet&#228; qawng-a khai kha hi-a kai tea py&#8221; n&#228;kha n&#228;pa.</div><div class="p"> 9Tukha sanphrang Herodae l&#228; b&#228;lungsi pa dy. Tungaila &#228;ni l&#228; &#228;ma &#252;ng pawi-a angv&#252;ng angvaw na maw-a &#228;lo aedo pyng vi dy te ph&#252;ng-a anglaw ma m&#228;kai saite k&#228;tyng sa hai hethang &#228;ma &#252;ng reisae na bung m&#228;taw pa vi dy. 10Tukha reisae na l&#228; thawng thung-a ly kha Baptismae Johan &#252;ng &#228;l&#246; byng pa &#246; dy. 11&#196;ni ce l&#228; Johan &#252;ng &#228;l&#246; pangkae qawng-a thyng ea n&#228;hai kha anglaw tea py pa &#246; dy. Tupyng-a anglaw l&#228; &#228;n&#228;-awi tea n&#228;hai pa dy. 12Johan &#252;ng &#228;k&#228;hui na l&#228; ly kha Johan &#252;ng &#228;ro bung la ea pa &#246; vi dy. Tupyng-a &#228;ni ce l&#228; Isu tea ly kha Johan &#252;ng &#228;ph&#252;ng thui pa &#246; dy.</div><div class="s">Isu ma Khimi nawngm&#228;caw lawng sang bangawt&#228; na tea m&#228;caw pa</div><div class="r"> Mar 6:30-44; Luk 9:10-17; Joh 6:1-14</div><div class="p"> 13Isu l&#228; Johan d&#252; te angthang thai ea l&#228;, b&#228;lawng qawng-a aedang kha &#228;k&#228;hui na hai khimi ce awng y saite mityng-a thoja pa &#246; vi dy. Isu hai &#228;k&#228;hui na mityng k&#228;lang-a ly te angthang thai saite khimi na l&#228; &#228;ma ce awng saite m&#228;r&#252; &#252;ng tho kha Isu leithung mepui mang hui pa &#246; vi dy. 14Isu l&#228; b&#228;lawng &#252;ng aerung ea &#228;ni leithung hui saite khimipui na bung nung pa vi. Isu l&#228; &#228;ni ce tea b&#228;heng kha &#228;ni ce thung &#252;ng k&#228;naw k&#228;saw awng saite khimi na tea l&#228; hawi sa pa vi dy.</div><div class="p"> 15Kh&#246;ving aetawng te k&#228;t&#252;-a l&#228;, &#228;k&#228;hui na ma Isu tea &#8220;Kh&#246;ving ai dy. Hini l&#228; m&#228;r&#252;, vang na hai hanglaw saite mityng kae vi. Khimipui na tea &#228;ma ce k&#228;cak&#228;nei dang hethang vang na mang-a ly hethang thui pa&#8221; n&#228;kha n&#228;pa.</div><div class="p"> 16Tukha Isu ma &#228;ni ce tea &#8220;&#196;ni ce bung m&#228;taw hethang ngai y lyng. Nang ce l&#228; &#228;ni ce tea k&#228;cak&#228;nei na m&#228;caw pa &#246;&#8221; n&#228;pa.</div><div class="p"> 17&#196;k&#228;hui na ma Isu tea &#8220;Kai ce tea l&#228; t&#228;kaw phe bangawt&#228; hai mawi k&#228;cei me net&#228; xyng awng te kae vi&#8221; n&#228;kha m&#228;thang pa.</div><div class="p"> 18Tupyng-a Isu ma &#228;ni ce tea &#8220;T&#228;kaw hai mawi na kai tea n&#228;hai &#246;&#8221; n&#228;kha n&#228;pa. 19Isu ma khimi ce bung aeca qawng-a aety hethang thui pa dy. Tupyng-a &#228;ni l&#228; t&#228;kaw phe bangt&#228; hai mawi me net&#228; la kha k&#228;ni kh&#246;sang mang-a kheng t&#228;hang ea S&#228;thaw tea kawng te lo thui pa dy. Tupyng-a Isu ma t&#228;kaw t&#228;pe kha khimi ce tea b&#228;ri hethang &#228;k&#228;hui na tea py pa dy. Tukha &#228;k&#228;hui na ma t&#228;kaw bung khimi ce tea py pa dy. 20Khimi angxynlyng na l&#228; &#228;jo kawi te khyt&#228; ca &#246; dy. &#196;k&#228;hui na l&#228; t&#228;kaw hai mawi ca te kaebang m&#228;k&#252;ng ea l&#228; tawng hawlai net&#228; kawi tynglyng pa be vi rawng. 21T&#228;kaw ca saite khimi nawngm&#228;caw na l&#228; lawng sang bangt&#228; awng vi. Nawngm&#228;di hai nade na l&#228; ca &#246; te by vi.</div><div class="s">Isu l&#228; tui qawng-a aeke pa</div><div class="r"> Mar 6:45-52; Joh 6:15-21</div><div class="p"> 22Qengt&#228;ma Isu l&#228; &#228;k&#228;hui na bung b&#228;lawng qawng-a paw ea Kalile tuilipui &#252;ng rei mang-a aekae hai &#246; dy. &#196;ni ma khimipui na bung ing-a m&#228;taw pa vi dy. 23Khimipui na tho pyng-a Isu l&#228; S&#228;thaw tea aetang hethang &#228;ma qait&#228; me anghung-a paw vi dy. Kh&#246;ving thung-a Isu l&#228; &#228;ma qait&#228; me anghung-a awng vi. 24&#196;k&#228;hui na &#252;ng b&#228;lawng l&#228; tuilipui s&#228;la ung-a tyng pa vi dy. Aelipui tho kha b&#228;lawng tea tuileng ma bungba pa dy.</div><div class="p"> 25Kh&#246; aevang y k&#228;lang-a Isu l&#228; tui qawng-a aeke kha &#228;k&#228;hui na tea ly pa. 26&#196;k&#228;hui na l&#228; Isu tui qawng-a aeke te nung ea ri &#246; phi vi dy. Tukha &#228;k&#228;hui na ma &#8220;Hini l&#228; seisi vi&#8221; n&#228;kha ri te hai hang pa &#246; vi dy.</div><div class="p"> 27Qengt&#228;ma Isu l&#228; &#228;ni ce tea &#8220;Aethaw aela &#246;. Kai kae ecy. Ri &#246; hang&#8221; n&#228;kha n&#228;pa.</div><div class="p"> 28Peterae ma Isu tea &#8220;Areng, nang t&#228;tang vi n&#228;dyl&#228; kai tui qawng-a aeke kha nang tea ly hethang s&#228;rilo hai thui jo&#8221; n&#228;pa.</div><div class="p"> 29Isu ma Peterae tea &#8220;Ly lawi&#8221; n&#228;kha n&#228;pa. Tupyng-a Peterae l&#228; b&#228;lawng &#252;ng c&#228;qa ea tui qawng-a aeke kha Isu tea ly pa dy. 30Tungaila Peterae l&#228; aeli tho te nung kha ri pa vi dy. Tukha tui aes&#228;nung hethang sa te hai &#8220;Areng &#228;, kai tea s&#228;bawng k&#252;&#8221; n&#228;kha n&#228;pa.</div><div class="p"> 31Qengt&#228;ma Isu l&#228; Peterae &#252;ng &#228;k&#246;-a s&#252;ng pa. &#196;ni ma Peterae tea &#8220;Nang l&#228; kai tea yng te di vi. &#196;teph&#252;ng-a kai tea ae-y y te mei&#8221; n&#228;kha n&#228;pa.</div><div class="p"> 32Isu ni Peterae b&#228;lawng qawng-a paw ea aeli l&#228; ding praw pa vi dy. 33Tupyng-a b&#228;lawng qawng-a awng saite &#228;k&#228;hui na l&#228; Isu tea c&#228;phaw &#246; dy. &#196;ni ce ma Isu tea &#8220;Nang l&#228; S&#228;thaw &#252;ng C&#228;paw t&#228;tang vi&#8221; n&#228;kha n&#228;pa.</div><div class="s">Kenesare kh&#246;-a khimi k&#228;naw bung Isu ma hawi sa pa</div><div class="r"> Mar 6:53-56</div><div class="p"> 34Tupyng-a Isu hai &#228;k&#228;hui na l&#228; tuilipui rei mang-a aekae kha Kenesare kh&#246;-a tyng &#246; dy. 35Honi kh&#246; &#252;ng khimi na l&#228; Isu bung m&#228;ny &#246; pyng pa vi dy. &#196;ni ce ma kh&#246;ri dawngpa na tea aethai haid&#252; pa &#246; vi dy. Tukha khimi ce l&#228; k&#228;naw k&#228;saw angxynlyng na bung Isu tea n&#228;hai pa &#246; vi dy. 36&#196;ni ce l&#228; Isu &#252;ng k&#228;-o tawng-a k&#228;naw na bung aela hai hethang m&#228;kai pa &#246; dy. &#196;ni &#252;ng k&#228;-o tawng-a aela saite khimi angxynlyng na l&#228; naw te hawi &#246; bawi pa vi dy.</div>
 </div>
 </div>
</div>

Honi kätü-a Kalile khö pyng saite sanphrang Herodae lä Isu üng sa saite phüng khimi ce ma thui te thai vi dy. Sanphrang Herodae lä äma üng mawsawng na tea “Honi khimi lä Baptismae Johan he kae. Äni lä kädü thung üng aetha haile tyng te vi dy. Tukätephüng-a äni lä cangxei saite na sa haw te vi” näkha näpa.
Hini kä y kälang-a sanphrang Herodae lä Baptismae Johan bung reisae na tea ne hai kha mäkhing ea thawng thung-a bäla pa pyng te vi dy. Ätephüng-a mei nädylä Herodae lä äkangby Philip üng nawngpui Herodia hai aepawng pa te vi. Hini phüng-a Baptismae Johan ma äni tea “Nang lä nang kangby üng nawngpui bung la te lä Mosi üng Ubädi hai aebäla te y vi” näkha pring pa te vi. Herodae lä Johan bung bädü hethang ngai vi dy. Tungaila äni lä Judae khimipui na tea ri vi. Ätephüng-a mei nädylä äni ce lä Johan tea Säthaw üng buisaw lawngtä vi näkha yng ö te phüng-a vi.
Herodae üng aepeng saite käni-a äni lä pawi sa vi. Honi pawi-a Herodia üng cänung lä äni hai äma üng angvüng na maw-a lang pa dy. Äni üng lang saite tea Herodae lä tengxyng y bälung anghawtho hai pa vi dy. Tukha Herodae ma anglaw tea “Nang üng mäkai saite amäjy kai py ai mang” näkha älo täking ea älo aedo pa vi dy.
Anglaw lä änä-awi ma thui te kätyng sanphrang Herodae tea “Baptismae Johan üng älö pangkae haetä qawng-a khai kha hi-a kai tea py” näkha näpa.
Tukha sanphrang Herodae lä bälungsi pa dy. Tungaila äni lä äma üng pawi-a angvüng angvaw na maw-a älo aedo pyng vi dy te phüng-a anglaw ma mäkai saite kätyng sa hai hethang äma üng reisae na bung mätaw pa vi dy. Tukha reisae na lä thawng thung-a ly kha Baptismae Johan üng älö byng pa ö dy. Äni ce lä Johan üng älö pangkae qawng-a thyng ea nähai kha anglaw tea py pa ö dy. Tupyng-a anglaw lä änä-awi tea nähai pa dy. Johan üng äkähui na lä ly kha Johan üng äro bung la ea pa ö vi dy. Tupyng-a äni ce lä Isu tea ly kha Johan üng äphüng thui pa ö dy.


Isu lä Johan dü te angthang thai ea lä, bälawng qawng-a aedang kha äkähui na hai khimi ce awng y saite mityng-a thoja pa ö vi dy. Isu hai äkähui na mityng kälang-a ly te angthang thai saite khimi na lä äma ce awng saite märü üng tho kha Isu leithung mepui mang hui pa ö vi dy. Isu lä bälawng üng aerung ea äni leithung hui saite khimipui na bung nung pa vi. Isu lä äni ce tea bäheng kha äni ce thung üng känaw käsaw awng saite khimi na tea lä hawi sa pa vi dy.
Khöving aetawng te kätü-a lä, äkähui na ma Isu tea “Khöving ai dy. Hini lä märü, vang na hai hanglaw saite mityng kae vi. Khimipui na tea äma ce käcakänei dang hethang vang na mang-a ly hethang thui pa” näkha näpa.
Tukha Isu ma äni ce tea “Äni ce bung mätaw hethang ngai y lyng. Nang ce lä äni ce tea käcakänei na mäcaw pa ö” näpa.
Äkähui na ma Isu tea “Kai ce tea lä täkaw phe bangawtä hai mawi käcei me netä xyng awng te kae vi” näkha mäthang pa.
Tupyng-a Isu ma äni ce tea “Täkaw hai mawi na kai tea nähai ö” näkha näpa. Isu ma khimi ce bung aeca qawng-a aety hethang thui pa dy. Tupyng-a äni lä täkaw phe bangtä hai mawi me netä la kha käni khösang mang-a kheng tähang ea Säthaw tea kawng te lo thui pa dy. Tupyng-a Isu ma täkaw täpe kha khimi ce tea bäri hethang äkähui na tea py pa dy. Tukha äkähui na ma täkaw bung khimi ce tea py pa dy. Khimi angxynlyng na lä äjo kawi te khytä ca ö dy. Äkähui na lä täkaw hai mawi ca te kaebang mäküng ea lä tawng hawlai netä kawi tynglyng pa be vi rawng. Täkaw ca saite khimi nawngmäcaw na lä lawng sang bangtä awng vi. Nawngmädi hai nade na lä ca ö te by vi.


Qengtäma Isu lä äkähui na bung bälawng qawng-a paw ea Kalile tuilipui üng rei mang-a aekae hai ö dy. Äni ma khimipui na bung ing-a mätaw pa vi dy. Khimipui na tho pyng-a Isu lä Säthaw tea aetang hethang äma qaitä me anghung-a paw vi dy. Khöving thung-a Isu lä äma qaitä me anghung-a awng vi. Äkähui na üng bälawng lä tuilipui säla ung-a tyng pa vi dy. Aelipui tho kha bälawng tea tuileng ma bungba pa dy.
Khö aevang y kälang-a Isu lä tui qawng-a aeke kha äkähui na tea ly pa. Äkähui na lä Isu tui qawng-a aeke te nung ea ri ö phi vi dy. Tukha äkähui na ma “Hini lä seisi vi” näkha ri te hai hang pa ö vi dy.
Qengtäma Isu lä äni ce tea “Aethaw aela ö. Kai kae ecy. Ri ö hang” näkha näpa.
Peterae ma Isu tea “Areng, nang tätang vi nädylä kai tui qawng-a aeke kha nang tea ly hethang särilo hai thui jo” näpa.
Isu ma Peterae tea “Ly lawi” näkha näpa. Tupyng-a Peterae lä bälawng üng cäqa ea tui qawng-a aeke kha Isu tea ly pa dy. Tungaila Peterae lä aeli tho te nung kha ri pa vi dy. Tukha tui aesänung hethang sa te hai “Areng ä, kai tea säbawng kü” näkha näpa.
Qengtäma Isu lä Peterae üng äkö-a süng pa. Äni ma Peterae tea “Nang lä kai tea yng te di vi. Ätephüng-a kai tea ae-y y te mei” näkha näpa.
Isu ni Peterae bälawng qawng-a paw ea aeli lä ding praw pa vi dy. Tupyng-a bälawng qawng-a awng saite äkähui na lä Isu tea cäphaw ö dy. Äni ce ma Isu tea “Nang lä Säthaw üng Cäpaw tätang vi” näkha näpa.


Tupyng-a Isu hai äkähui na lä tuilipui rei mang-a aekae kha Kenesare khö-a tyng ö dy. Honi khö üng khimi na lä Isu bung mäny ö pyng pa vi dy. Äni ce ma khöri dawngpa na tea aethai haidü pa ö vi dy. Tukha khimi ce lä känaw käsaw angxynlyng na bung Isu tea nähai pa ö vi dy. Äni ce lä Isu üng kä-o tawng-a känaw na bung aela hai hethang mäkai pa ö dy. Äni üng kä-o tawng-a aela saite khimi angxynlyng na lä naw te hawi ö bawi pa vi dy.

Höre Mathai 14