If you have would like a copy of this version please contact info@davaraudiobibles.org

Djimini Senoufo Old Testament

<div class="version vid1598 iso6393dyi" data-vid="1598" data-iso6393="dyi">
 <div class="book bkGEN">
 <div class="chapter ch34" data-usfm="GEN.34">
 <div class="label">34</div><div class="s1">Dina naa Sish&#603;mu ca f&#603;nn&#603; pe kala</div><div class="p"> 1Pilige ka, Leya naa Zhak&#596;bu pe sumboromby&#596; Dina#34.1: Ye Dina s&#603;nr&#603; ti wele fun wa Zhen&#603; 30.21 laga ki ni. w&#236; si yiri ma kari sa ki tara ti sumborombiile pele shari. 2A H&#603;vi c&#603;nl&#603; woolo na&#331;a Am&#596;ri wi pinamby&#596; Sish&#603;mu w&#236; si Dina wi yan. Sish&#603;mu wo w&#236;la pye ki tara ti go na. A w&#236; si ti a p&#232; saa Dina wi l&#603; wi kan, a w&#236; pan ma sinl&#603; wi ni fan&#331;ga na, maa j&#596;g&#596;. 3A w&#236; si mara Zhak&#596;bu sumboromby&#596; Dina wi na wi nawa pi ni fuun ni. Sumboro w&#236;la pye maa ndanla f&#596; j&#603;&#331;g&#603;, a wila s&#603;ntanra yuun wi ni. 4A Sish&#603;mu w&#236; suu to Am&#596;ri wi pye f&#596;: &#171;Ki sumboro &#331;a wi y&#603;nri na kan mboo p&#596;ri na j&#596;.&#187;</div><div class="p"> 5Zhak&#596;bu w&#236;la ki logo f&#596; Sish&#603;mu w&#236;la wi sumboromby&#596; Dina wi j&#596;g&#596;. &#400;&#603;n f&#596;, naa wi pinambiile p&#224;a pye wa k&#603;r&#603; naa yaayoro ti k&#596;nri, k&#236; pye ma, a w&#236; si pyeri f&#596; a p&#232; saa yiri wa ma pan.</div><div class="p"> 6A Sish&#603;mu wi to Am&#596;ri w&#236; si kari Zhak&#596;bu wi k&#596;r&#596;g&#596; mbe sa para wi ni (mbe py&#596; wi y&#603;nri). 7Naa Zhak&#596;bu wi pinambiile p&#224;a kaa yiri wa k&#603;r&#603; ma pan, a p&#232; si &#331;ga k&#236;la pye ki logo. A p&#232; sigi yan p&#232; pe t&#603;g&#603;l&#603;. A p&#232; si nawa &#331;gban f&#596; j&#603;&#331;g&#603;, katugu Sish&#603;mu w&#236;la f&#603;r&#603; kala pye wa Iziray&#603;li, ma sinl&#603; Zhak&#596;bu wi sumboromby&#596; wi ni. Ko sila daga pyewe ni. 8A Am&#596;ri w&#236; si pe pye f&#596;: &#171;Ye sumboromby&#596; w&#236;lan pinamby&#596; Sish&#603;mu wi ndanla f&#596; j&#603;&#331;g&#603;. Mi y&#603;n na ye y&#603;nri yoo kan wi yeri wi j&#596;. 9Ye mbe ya pye we ni y&#596;n finliw&#603; na, waa j&#603;&#603;l&#603; kaan we y&#603;&#603; yeri. We yaa la ye sumborombiile pe pori, yaa we woolo pe pori. 10Ye yaa c&#603;n laga we ni, tara ti yaa pye ye yanrisaga. Ye c&#603;n yaa loo yaa p&#603;r&#603;, ye yarij&#603;nd&#603; ta.&#187;</div><div class="p"> 11A Sish&#603;mu wo jate w&#236; si pan ma Dina wi to naa wi nd&#603;&#603;l&#603; pe pye f&#596;: &#171;Ye ti na kala li ye ndanla. Yaga yaraga &#331;ga fuun naga mbe yo mbe kan, mi yaa ki kan ye yeri. 12Jap&#596;r&#596;g&#596; yariw&#596;nd&#596; to naa yarikanra tiga l&#603;g&#603; y&#603;g&#603; o y&#603;g&#603;, yege yo na kan, pa mi yaa ti kan ye yeri, ja&#331;go ye sumboro wo kan na yeri mboo p&#596;ri na j&#596;.&#187;</div><div class="p"> 13A Zhak&#596;bu wi pinambiile p&#232; si Sish&#603;mu naa wi to Am&#596;ri pe y&#596;n sogo tijinliw&#603; pee ni, katugu Sish&#603;mu w&#236;la pe j&#596;nl&#596; sumboro Dina wi j&#596;g&#596;.</div><div class="p"> 14A p&#232; si pe pye f&#596;: &#171;We se ya mbe we j&#596;nl&#596; sumboro wi kan na&#331;a &#331;a wii k&#603;nr&#603;k&#603;nr&#603; wa yeri j&#603;l&#603;. Pa ki yaa pye f&#603;r&#603; kala we yeri. 15We yaa yere ki na kala nu&#331;gba na: &#8249;Nambala mbele fuun pe y&#603;n laga ye yeri, pe daga mbe k&#603;nr&#603;k&#603;nr&#603; paa we y&#603;n.&#8250; 16Pa kona we yaa la we sumbon&#596; pe kaan ye yeri yaa pe pori, woro fun we yaa la ye woolo pe pori. We yaa c&#603;n laga ye ni, mbe pye c&#603;nl&#603; nu&#331;gba ye ni. 17&#400;&#603;n f&#596;, na yee y&#603;nl&#603; ki na mbe logo we yeri, mbe ye y&#603;&#603; kan pe ye k&#603;nr&#603;k&#603;nr&#603;, pa we yaa we j&#596;nl&#596; sumboro wi sh&#596; ye yeri mbaa kee.&#187; 18A pe s&#603;nr&#603; t&#236; si Am&#596;ri naa wi pinamby&#596; Sish&#603;mu pe ndanla. 19Lef&#596;n&#331;&#596; wi sila m&#596; ki kala li pyewe ni, a w&#236; si ti, a p&#242;o k&#603;nr&#603;k&#603;nr&#603;, katugu Zhak&#596;bu wi sumboromby&#596; w&#236;la wi ndanla f&#596; j&#603;&#331;g&#603;. Ma si yala, wa lef&#596;n&#331;&#596; wi to go, p&#224;a pye naa jate ma w&#603; leele sanmbala pe ni fuun pe na.</div><div class="p"> 20A Am&#596;ri wo naa wi pinamby&#596; Sish&#603;mu wi ni, p&#232; si kari wa ca ki mbogo yey&#596;ng&#596; ki na, wa laga &#331;ga leele pe maa pile, m&#603;&#603; para pe ca woolo pe ni ma yo f&#596;: 21&#171;Ki leele mbele pe y&#603;n y&#603;yin&#331;ge na we ni. Ye ti pe c&#603;n laga we tara ti ni, paa loo paa p&#603;r&#603;. Tara ti y&#603;n ma gb&#596;g&#596; pe kan. We yaa la pe sumbon&#596; pe pori, mbaa we woolo pe kaan pe yeri paa pe pori. 22&#400;&#603;n f&#596;, ki nambala mbele, pe yaa y&#603;nl&#603; mbe c&#603;n laga we ni, mbe pye c&#603;nl&#603; nu&#331;gba we ni, ki kala nu&#331;gba na lo na: &#8249;Nambala mbele fuun pe y&#603;n laga we ni, pe daga mbe k&#603;nr&#603;k&#603;nr&#603; mbe pye paa pe y&#603;n.&#8250; 23Na waga yere ki na, pa pe yaa pan mbe c&#603;n laga we ni. Pa kona pe yaayoro ti ni fuun naa pe yarij&#603;nd&#603; ti yaa ka pye we woro.&#187; 24Leele mbele fuun p&#224;a pan le ca ki mbogo yey&#596;ng&#596; ki na, a p&#232; si y&#603;nl&#603; Am&#596;ri naa wi pinamby&#596; Sish&#603;mu pe s&#603;nyoro ti na. Nambala mbele fuun p&#224;a pan wa ca ki mbogo yey&#596;ng&#596; ki na, p&#232; si pe y&#603;&#603; kan a p&#232; pe k&#603;nr&#603;k&#603;nr&#603;. 25Ki pilige taanri wogo ki na, ma pe ta sagbanra ti y&#603;n na pe yaa, a Zhak&#596;bu wi pinambiile shy&#603;n, Simey&#596;n naa Levi, Dina wi nd&#603;&#603;l&#603; wele, p&#232; si yiri ma pe tokobiye pe l&#603; ma ye wa ca ki ni, ma nambala pe ni fuun pe gbo. Poro la pye naga yaan nd&#603;&#603; ka&#331;gbanga se ya gb&#596;n pe na. 26A p&#232; si Am&#596;ri naa Sish&#603;mu pe gbo tokobiye pe ni fun, m&#603;&#603; pe j&#596;nl&#596; sumboro Dina wi l&#603; wa Sish&#603;mu wi go ma yiri wi ni.</div><div class="p"> 27A Zhak&#596;bu wi pinambiile sanmbala p&#232; si gboolo pe san, ma ca ki san maga yarij&#603;nd&#603; ti l&#603;, katugu p&#224;a pe j&#596;nl&#596; sumboro wi j&#596;g&#596;. 28A p&#232; sigi leele pe simbaala, naa sikaala, naa pe n&#603;r&#603; to naa pe sofilele pe koli, nda fuun t&#236;la pye wa ca, konaa nda fuun t&#236;la pye wa yan. 29P&#224;a yarij&#603;nd&#603; ti ni fuun ti koli, ma piile naa j&#603;&#603;l&#603; pe ni fuun pe yigi ma kari pe ni, ma yinr&#603; ti san pew mari yarij&#603;nd&#603; ti l&#603;.</div><div class="p"> 30Kona, a Zhak&#596;bu w&#236; si Simey&#596;n naa Levi pe pye f&#596;: &#171;Y&#224;nla jatere wi piri na na mala m&#603;g&#603; ki p&#603;n tara woolo pe yeri, Kana tara woolo naa Per&#603;zi c&#603;nl&#603; woolo pe yeri. Nambala mbele pe y&#603;n na yeri, pe woro ma l&#603;g&#603;. Ki leele mbele pe yaa gbogolo mbe yiri we k&#596;r&#596;g&#596;, mbe malaga gb&#596;n we ni, mbe mi naa na woolo pe ni we t&#596;ng&#596;.&#187;</div><div class="p"> 31A Simey&#596;n naa Levi p&#232; sho f&#596;: &#171;Wii ja daga mbe we j&#596;nl&#596; wi pye paa nanjaa y&#603;n.&#187;</div>
 </div>
 </div>
</div>

Pilige ka, Leya naa Zhakɔbu pe sumborombyɔ Dina wì si yiri ma kari sa ki tara ti sumborombiile pele shari. A Hɛvi cɛnlɛ woolo naŋa Amɔri wi pinambyɔ Sishɛmu wì si Dina wi yan. Sishɛmu wo wìla pye ki tara ti go na. A wì si ti a pè saa Dina wi lɛ wi kan, a wì pan ma sinlɛ wi ni fanŋga na, maa jɔgɔ. A wì si mara Zhakɔbu sumborombyɔ Dina wi na wi nawa pi ni fuun ni. Sumboro wìla pye maa ndanla fɔ jɛŋgɛ, a wila sɛntanra yuun wi ni. A Sishɛmu wì suu to Amɔri wi pye fɔ: «Ki sumboro ŋa wi yɛnri na kan mboo pɔri na jɔ.»
Zhakɔbu wìla ki logo fɔ Sishɛmu wìla wi sumborombyɔ Dina wi jɔgɔ. Ɛɛn fɔ, naa wi pinambiile pàa pye wa kɛrɛ naa yaayoro ti kɔnri, kì pye ma, a wì si pyeri fɔ a pè saa yiri wa ma pan.
A Sishɛmu wi to Amɔri wì si kari Zhakɔbu wi kɔrɔgɔ mbe sa para wi ni (mbe pyɔ wi yɛnri). Naa Zhakɔbu wi pinambiile pàa kaa yiri wa kɛrɛ ma pan, a pè si ŋga kìla pye ki logo. A pè sigi yan pè pe tɛgɛlɛ. A pè si nawa ŋgban fɔ jɛŋgɛ, katugu Sishɛmu wìla fɛrɛ kala pye wa Izirayɛli, ma sinlɛ Zhakɔbu wi sumborombyɔ wi ni. Ko sila daga pyewe ni. A Amɔri wì si pe pye fɔ: «Ye sumborombyɔ wìlan pinambyɔ Sishɛmu wi ndanla fɔ jɛŋgɛ. Mi yɛn na ye yɛnri yoo kan wi yeri wi jɔ. Ye mbe ya pye we ni yɔn finliwɛ na, waa jɛɛlɛ kaan we yɛɛ yeri. We yaa la ye sumborombiile pe pori, yaa we woolo pe pori. Ye yaa cɛn laga we ni, tara ti yaa pye ye yanrisaga. Ye cɛn yaa loo yaa pɛrɛ, ye yarijɛndɛ ta.»
A Sishɛmu wo jate wì si pan ma Dina wi to naa wi ndɛɛlɛ pe pye fɔ: «Ye ti na kala li ye ndanla. Yaga yaraga ŋga fuun naga mbe yo mbe kan, mi yaa ki kan ye yeri. Japɔrɔgɔ yariwɔndɔ to naa yarikanra tiga lɛgɛ yɛgɛ o yɛgɛ, yege yo na kan, pa mi yaa ti kan ye yeri, jaŋgo ye sumboro wo kan na yeri mboo pɔri na jɔ.»
A Zhakɔbu wi pinambiile pè si Sishɛmu naa wi to Amɔri pe yɔn sogo tijinliwɛ pee ni, katugu Sishɛmu wìla pe jɔnlɔ sumboro Dina wi jɔgɔ.
A pè si pe pye fɔ: «We se ya mbe we jɔnlɔ sumboro wi kan naŋa ŋa wii kɛnrɛkɛnrɛ wa yeri jɛlɛ. Pa ki yaa pye fɛrɛ kala we yeri. We yaa yere ki na kala nuŋgba na: ‹Nambala mbele fuun pe yɛn laga ye yeri, pe daga mbe kɛnrɛkɛnrɛ paa we yɛn.› Pa kona we yaa la we sumbonɔ pe kaan ye yeri yaa pe pori, woro fun we yaa la ye woolo pe pori. We yaa cɛn laga ye ni, mbe pye cɛnlɛ nuŋgba ye ni. Ɛɛn fɔ, na yee yɛnlɛ ki na mbe logo we yeri, mbe ye yɛɛ kan pe ye kɛnrɛkɛnrɛ, pa we yaa we jɔnlɔ sumboro wi shɔ ye yeri mbaa kee.» A pe sɛnrɛ tì si Amɔri naa wi pinambyɔ Sishɛmu pe ndanla. Lefɔnŋɔ wi sila mɔ ki kala li pyewe ni, a wì si ti, a pòo kɛnrɛkɛnrɛ, katugu Zhakɔbu wi sumborombyɔ wìla wi ndanla fɔ jɛŋgɛ. Ma si yala, wa lefɔnŋɔ wi to go, pàa pye naa jate ma wɛ leele sanmbala pe ni fuun pe na.
A Amɔri wo naa wi pinambyɔ Sishɛmu wi ni, pè si kari wa ca ki mbogo yeyɔngɔ ki na, wa laga ŋga leele pe maa pile, mɛɛ para pe ca woolo pe ni ma yo fɔ: «Ki leele mbele pe yɛn yɛyinŋge na we ni. Ye ti pe cɛn laga we tara ti ni, paa loo paa pɛrɛ. Tara ti yɛn ma gbɔgɔ pe kan. We yaa la pe sumbonɔ pe pori, mbaa we woolo pe kaan pe yeri paa pe pori. Ɛɛn fɔ, ki nambala mbele, pe yaa yɛnlɛ mbe cɛn laga we ni, mbe pye cɛnlɛ nuŋgba we ni, ki kala nuŋgba na lo na: ‹Nambala mbele fuun pe yɛn laga we ni, pe daga mbe kɛnrɛkɛnrɛ mbe pye paa pe yɛn.› Na waga yere ki na, pa pe yaa pan mbe cɛn laga we ni. Pa kona pe yaayoro ti ni fuun naa pe yarijɛndɛ ti yaa ka pye we woro.» Leele mbele fuun pàa pan le ca ki mbogo yeyɔngɔ ki na, a pè si yɛnlɛ Amɔri naa wi pinambyɔ Sishɛmu pe sɛnyoro ti na. Nambala mbele fuun pàa pan wa ca ki mbogo yeyɔngɔ ki na, pè si pe yɛɛ kan a pè pe kɛnrɛkɛnrɛ. Ki pilige taanri wogo ki na, ma pe ta sagbanra ti yɛn na pe yaa, a Zhakɔbu wi pinambiile shyɛn, Simeyɔn naa Levi, Dina wi ndɛɛlɛ wele, pè si yiri ma pe tokobiye pe lɛ ma ye wa ca ki ni, ma nambala pe ni fuun pe gbo. Poro la pye naga yaan ndɛɛ kaŋgbanga se ya gbɔn pe na. A pè si Amɔri naa Sishɛmu pe gbo tokobiye pe ni fun, mɛɛ pe jɔnlɔ sumboro Dina wi lɛ wa Sishɛmu wi go ma yiri wi ni.
A Zhakɔbu wi pinambiile sanmbala pè si gboolo pe san, ma ca ki san maga yarijɛndɛ ti lɛ, katugu pàa pe jɔnlɔ sumboro wi jɔgɔ. A pè sigi leele pe simbaala, naa sikaala, naa pe nɛrɛ to naa pe sofilele pe koli, nda fuun tìla pye wa ca, konaa nda fuun tìla pye wa yan. Pàa yarijɛndɛ ti ni fuun ti koli, ma piile naa jɛɛlɛ pe ni fuun pe yigi ma kari pe ni, ma yinrɛ ti san pew mari yarijɛndɛ ti lɛ.
Kona, a Zhakɔbu wì si Simeyɔn naa Levi pe pye fɔ: «Yànla jatere wi piri na na mala mɛgɛ ki pɛn tara woolo pe yeri, Kana tara woolo naa Perɛzi cɛnlɛ woolo pe yeri. Nambala mbele pe yɛn na yeri, pe woro ma lɛgɛ. Ki leele mbele pe yaa gbogolo mbe yiri we kɔrɔgɔ, mbe malaga gbɔn we ni, mbe mi naa na woolo pe ni we tɔngɔ.»
A Simeyɔn naa Levi pè sho fɔ: «Wii ja daga mbe we jɔnlɔ wi pye paa nanjaa yɛn.»

Höre Zhenɛsi 34