Quechua, Huallaga - WBT Version (NT) Drama

<div class="version vid1088 iso6393qub" data-vid="1088" data-iso6393="qub">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s1">Juchaman pitapis mana tunichinanch&#239;paj yachachishan</div><div class="r">(Mat. 18.6-7, 21-22; Mar. 9.42)</div><div class="p"> 1Chaypita dis&#239;puluncunata Jes&#250;s niran: &#171;Imallapis cangami runa juchaman chayananp&#228;ga. &#161;Ay iman&#246;raj canga jucha rurayman waquinta chayachejcuna! 2Cay gatir&#228;majcunata juchata rurachinanpitaga chay runapaj mas allimi canman mulinupa ruminta cuncanman watarcur lamarman garpuriptin. 3&#161;Gamcunaga cuydacuy-llapa! Riguej-masiqui imatapis contrayqui ruraptin willapashpayqui pi&#241;acuy. Jucha rurashanta tantiyacur arpinticuptenga perdunanqui. 4Juc junajllacho ganchis cuti contrayqui rurarcushpan ganchis cuti &#8249;Perdunaycamay. Tantiyacushc&#228;mi. Yapayga mananami rurash&#228;nachu&#8250; nishuptiquega perdunanqui.&#187;</div><div class="p"> 5Chayno niptin apostulnincuna Jesusta niran: &#171;Yanapaycamay ari Tayta Diosninch&#239;man mas y&#228;racun&#228;paj.&#187;</div><div class="p"> 6Chaura Jes&#250;s niran: &#171;Nust&#228;sa muruno tacshallapis y&#228;racuyniqui captenga cay jatuncaray sic&#243;moro y&#246;rata: &#8249;Sapipita achucarcur lamarman jawic&#228;muy&#8250; niptiquipis jawic&#228;mongami.</div><div class="s1">Uywayn&#246;lla Tayta Diosta wiyacunanch&#239;paj cashan</div><div class="p"> 7&#171;Uywayniqui yapyashanpita u michicushanpita tardi chayamuptin &#191;maygallayquega ninquichu &#8249;Jamaycur micucurcuyraj&#8250; nir? 8Chaypa ruquenga &#191;manachu ninqui: &#8249;Garam&#228;nayquipaj yanucamuyraj. Noga micucurcupt&#235;raj gamga micunquipaj&#8250; nir? 9Llapan nishayquita ruraycaptinpis uywayniquitaga &#191;agrad&#235;sicunquichu? 10Uywaycuna rurashanno ari gamcunapis Tayta Dios nishushayquicunata rurarcushpayquega ama shuyaraychu agrad&#235;sicushunayquita. Chaypa ruquenga gamcuna ninqui: &#8249;Nogacunapis uywayllami cayc&#228;. Ruran&#228;paj nimashallayquitami rurashc&#228;cuna&#8250; nir.&#187;</div><div class="s1">Leprawan gueshyaycaj chunca runacunata Jes&#250;s allchac&#228;chishan</div><div class="p"> 11Jerusalenman aywashpan Jesusga p&#228;saran Samariawan Galilea probinsyapa. 12Chayno aywarcaycashancho chayaran tacsha marca-mallwaman. Chay marcaman yaycuycaptin leprawan gueshyaycaj chuncaj runacuna tariparan. Manaraj &#241;aupanman chayar carullapita 13gayacuran: &#171;&#161;Maestru Jes&#250;s, nogacunata cuyapaycall&#228;may!&#187; nir.</div><div class="p"> 14Chaura Jesusga ric&#228;rir niran: &#171;C&#252;racunaman ayway ricashunayquipaj&#187; nir.</div><div class="p">Chayno niptin c&#252;racunaman aywarcaycashallanch&#246;na allchacaran. 15Chaura allchacashana caycashanta mayar jucga Tayta Diosta alabaraycar cutiran Jes&#250;s cajman. 16Chayaycorga Jesuspa &#241;aupanman gongurpacuycur umpuran &#171;&#161;Grasyas tayta!&#187; nishpan. Chay runaga caran Samaria runami.</div><div class="p"> 17Chaura Jes&#250;s niran: &#171;Lepra gueshyapita allchac&#228;ga &#191;manachu carayqui chuncaj? &#191;Maytaj waquenga? 18Israel cajcunaga &#191;manachu cutimusha Tayta Diosta alabaj? &#191;Cay j&#228;pa runallachu cutimusha?&#187;</div><div class="p"> 19Chay runatana niran: &#171;Cananga jatarcur aywacuy. Rasunpa y&#228;racushayquipitami allchacashcanqui&#187; nir.</div><div class="s1">Tayta Diospa maquincho goy&#228;nanpaj imano yaycunapaj cashanpis</div><div class="r">(Mat. 24.23-28, 36-41)</div><div class="p"> 20Fariseucunami Jesusta tapuran &#171;&#191;Imaytaj ricashaj Tayta Dios cachamushan Cristo mandaycajta?&#187; nir.</div><div class="p">Tapuptin Jes&#250;s niran: &#171;Chay junaj chayamunanpaj cajtaga manami pipis musyangap&#228;chu. 21Manami pipis nengap&#228;chu: &#8249;Caych&#246;mi caycan&#8250; nir, &#8249;Chaych&#246;mi caycan&#8250; nir. Tayta Dios cachamushan Cristoga gamcunawannami caycan&#187; nir.</div><div class="p"> 22Nircur dis&#239;puluncunata niran: &#171;Juc jun&#228;ga gamcuna fiyupami munanquipaj noga Destin&#228;du Runa cutiyc&#228;mojta ricamayta. Ichanga manami ricamanquip&#228;chu. 23Pipis &#8249;Chaych&#246;mi caycan&#8250; nishuptiqui &#8249;Caych&#246;mi caycan&#8250; nishuptiquipis ama riguinquichu. Ni ricajpis ama aywanquichu. 24Sy&#235;lupa juc cuchunpita juc cuchuncama illgushpan achicyashann&#246;mi noga Destin&#228;du Runa cutimun&#228; jun&#228;ga canga. 25Manaraj chayno captin rim&#235;ruga runacuna fiyupa chiquishpanmi amatar &#241;acachenga.</div><div class="p"> 26&#171;Noga Destin&#228;du Runa cutimun&#228; wichanpis caycangapaj No&#233; cayc&#228;nan wichan cashann&#246;mi.#G&#233;n. 6.5-8 27Chay wichan runacunaga cushisha micurcaycaran, upyarcaycaran, majachacarcaycaran No&#233; b&#252;quiman yaycunan junajcama. Mana yaycojcunataga l&#246;cu tamya tamyaptin yacu &#241;itir illg&#228;chiran. 28Chayn&#246;llami Lot #G&#233;n. 19.1-29 cayc&#228;nan wichanpis runacuna cushisha micurcaycaran, upyarcaycaran, rantishpan ranticurcaycaran, murupacurcaycaran, wasitapis arurcaycaran. 29Chayno carcaycaptinmi Sodoma marcapita Lot aywacuptin sy&#235;lupita tamyamuran rataycaj asufri. Chaymi chaycho tiyaj runacunaga llapan wa&#241;uran. 30Chaycuna cashann&#246;mi noga Destin&#228;du Runa cutimun&#228; wichanpis caycanga.</div><div class="p"> 31&#171;Chay jun&#228;ga wasi jan'gancho caycajcuna amana wasimanga yaycuchunnachu ni imanta jorgunanp&#228;pis. Chacrancho caycajpis amana wasinman cutichunnachu. 32Lotpa warminta ima p&#228;sashantapis yarpay-llapa. 33Pipis b&#239;danta salbayta munaj c&#228;ga wa&#241;uytami tarenga. Pipis wiyacamayninpa b&#239;danta ograj cajmi ichanga mana ushacaj cawayta tarenga.</div><div class="p"> 34&#171;Cayn&#246;mi noga n&#235;: chay chacay juc c&#228;mallacho ishcaj pu&#241;uycajtaga jucajta pushaconga; jucajtami cachayconga. 35Ishcay warmi maraycho iwal agaycaptin jucajtami pushaconga; jucajta cachayconga. [ 36Ishcaj runa chacracho aruycaptin jucajtami pushaconga; jucajta cachayconga.&#187;]</div><div class="p"> 37Chayno niptin dis&#239;puluncuna tapuran: &#171;Chay niycashayquega &#191;maych&#246;taj canga Tayta?&#187; nir.</div><div class="p">Chaura Jes&#250;s niran: &#171;Rimaypis canmi. Imapis wa&#241;ushata mayarga maymanpis allgaycuna shuntacanmi&#187; nir.</div>
 </div>
 </div>
</div>

Chaypita disïpuluncunata Jesús niran: «Imallapis cangami runa juchaman chayananpäga. ¡Ay imanöraj canga jucha rurayman waquinta chayachejcuna! Cay gatirämajcunata juchata rurachinanpitaga chay runapaj mas allimi canman mulinupa ruminta cuncanman watarcur lamarman garpuriptin. ¡Gamcunaga cuydacuy-llapa! Riguej-masiqui imatapis contrayqui ruraptin willapashpayqui piñacuy. Jucha rurashanta tantiyacur arpinticuptenga perdunanqui. Juc junajllacho ganchis cuti contrayqui rurarcushpan ganchis cuti ‹Perdunaycamay. Tantiyacushcämi. Yapayga mananami rurashänachu› nishuptiquega perdunanqui.»
Chayno niptin apostulnincuna Jesusta niran: «Yanapaycamay ari Tayta Diosninchïman mas yäracunäpaj.»
Chaura Jesús niran: «Nustäsa muruno tacshallapis yäracuyniqui captenga cay jatuncaray sicómoro yörata: ‹Sapipita achucarcur lamarman jawicämuy› niptiquipis jawicämongami.

«Uywayniqui yapyashanpita u michicushanpita tardi chayamuptin ¿maygallayquega ninquichu ‹Jamaycur micucurcuyraj› nir? Chaypa ruquenga ¿manachu ninqui: ‹Garamänayquipaj yanucamuyraj. Noga micucurcuptëraj gamga micunquipaj› nir? Llapan nishayquita ruraycaptinpis uywayniquitaga ¿agradësicunquichu? Uywaycuna rurashanno ari gamcunapis Tayta Dios nishushayquicunata rurarcushpayquega ama shuyaraychu agradësicushunayquita. Chaypa ruquenga gamcuna ninqui: ‹Nogacunapis uywayllami caycä. Ruranäpaj nimashallayquitami rurashcäcuna› nir.»

Jerusalenman aywashpan Jesusga päsaran Samariawan Galilea probinsyapa. Chayno aywarcaycashancho chayaran tacsha marca-mallwaman. Chay marcaman yaycuycaptin leprawan gueshyaycaj chuncaj runacuna tariparan. Manaraj ñaupanman chayar carullapita gayacuran: «¡Maestru Jesús, nogacunata cuyapaycallämay!» nir.
Chaura Jesusga ricärir niran: «Cüracunaman ayway ricashunayquipaj» nir.
Chayno niptin cüracunaman aywarcaycashallanchöna allchacaran. Chaura allchacashana caycashanta mayar jucga Tayta Diosta alabaraycar cutiran Jesús cajman. Chayaycorga Jesuspa ñaupanman gongurpacuycur umpuran «¡Grasyas tayta!» nishpan. Chay runaga caran Samaria runami.
Chaura Jesús niran: «Lepra gueshyapita allchacäga ¿manachu carayqui chuncaj? ¿Maytaj waquenga? Israel cajcunaga ¿manachu cutimusha Tayta Diosta alabaj? ¿Cay jäpa runallachu cutimusha?»
Chay runatana niran: «Cananga jatarcur aywacuy. Rasunpa yäracushayquipitami allchacashcanqui» nir.


Fariseucunami Jesusta tapuran «¿Imaytaj ricashaj Tayta Dios cachamushan Cristo mandaycajta?» nir.
Tapuptin Jesús niran: «Chay junaj chayamunanpaj cajtaga manami pipis musyangapächu. Manami pipis nengapächu: ‹Caychömi caycan› nir, ‹Chaychömi caycan› nir. Tayta Dios cachamushan Cristoga gamcunawannami caycan» nir.
Nircur disïpuluncunata niran: «Juc junäga gamcuna fiyupami munanquipaj noga Destinädu Runa cutiycämojta ricamayta. Ichanga manami ricamanquipächu. Pipis ‹Chaychömi caycan› nishuptiqui ‹Caychömi caycan› nishuptiquipis ama riguinquichu. Ni ricajpis ama aywanquichu. Syëlupa juc cuchunpita juc cuchuncama illgushpan achicyashannömi noga Destinädu Runa cutimunä junäga canga. Manaraj chayno captin rimëruga runacuna fiyupa chiquishpanmi amatar ñacachenga.
«Noga Destinädu Runa cutimunä wichanpis caycangapaj Noé caycänan wichan cashannömi. Chay wichan runacunaga cushisha micurcaycaran, upyarcaycaran, majachacarcaycaran Noé büquiman yaycunan junajcama. Mana yaycojcunataga löcu tamya tamyaptin yacu ñitir illgächiran. Chaynöllami Lot caycänan wichanpis runacuna cushisha micurcaycaran, upyarcaycaran, rantishpan ranticurcaycaran, murupacurcaycaran, wasitapis arurcaycaran. Chayno carcaycaptinmi Sodoma marcapita Lot aywacuptin syëlupita tamyamuran rataycaj asufri. Chaymi chaycho tiyaj runacunaga llapan wañuran. Chaycuna cashannömi noga Destinädu Runa cutimunä wichanpis caycanga.
«Chay junäga wasi jan'gancho caycajcuna amana wasimanga yaycuchunnachu ni imanta jorgunanpäpis. Chacrancho caycajpis amana wasinman cutichunnachu. Lotpa warminta ima päsashantapis yarpay-llapa. Pipis bïdanta salbayta munaj cäga wañuytami tarenga. Pipis wiyacamayninpa bïdanta ograj cajmi ichanga mana ushacaj cawayta tarenga.
«Caynömi noga në: chay chacay juc cämallacho ishcaj puñuycajtaga jucajta pushaconga; jucajtami cachayconga. Ishcay warmi maraycho iwal agaycaptin jucajtami pushaconga; jucajta cachayconga. [ Ishcaj runa chacracho aruycaptin jucajtami pushaconga; jucajta cachayconga.»]
Chayno niptin disïpuluncuna tapuran: «Chay niycashayquega ¿maychötaj canga Tayta?» nir.
Chaura Jesús niran: «Rimaypis canmi. Imapis wañushata mayarga maymanpis allgaycuna shuntacanmi» nir.

Höre Lucas 17