मत्ती 6:16-18

ओहाङःसैको ओउः लयःकोः नेह्‌रो ओर्‌ताक्‌सा बोङःओलम्इ उपाङ् काःतोक्‌हाङः लयःकोः खेन् भाम्‌ताक्‌नाःइसी ‘ङा उपाङ् काःनाङ्‌स’ त अरुकायः छ्यानःसाकायः इत हायःनाःइसी। ओउःमयःलो लेखा हायःलाम् दोङ्‌सीलेः ओउःमयःखे लयः झाक्ओ द्याह्‌लेः दोःओआः बा। नाङ्‌खे उपाङ् काःतोक्‌हाङः खेन् जेस्‌ती म्‍याङ्‌हाङः साती ल्‍यानःती वाह्अ ओउःत हायःआक्‌तीको नाङ्‌कायः उपाङ् काःती मुओ त अरुइ चीःनीली नाङ्‌कोः परमेस्‍वर्‌ आपाइ ह चीःती झ्‍यान्‍ते नाङ्‌कायः बयःतेःनाः।