Markus 2
2
Jesu regurdueni homo, ndrun masi ngendian.
1Bersi Jesu i me Kapernaum lie su ha hirong i, i da um. 2Su mabosanged su me le goure, um ginendrab na ge su ndramed, lobohonum gin beb, heb salsaln bui, i bohernou nongen ad Jehova le ndro su. 3Su holel su hur ndramed homo ndrun masi ngendian, i me ndro Jesu, su mahamou su huri i le geiao. 4Su me ndrab la su ndramed, su la ndre um su la mbuserei balndo, su lulueni berle me boan hom ndramed i med ir medir ri. 5Jesu i ilndri golsu hian, i boi me ndro i, i med: Nduro, io gin sibui longu adem momen gineao. 6Su ndremda bohernou holel su do da, su hangurueni ir ge golsu: 7Hiderbe i boii Jehova, Jehova ge i danen isbui longu asu momen. 8Melua Jesu i danen roud su hanguruen momen le golsu, i boi le asu: Derbe uomu vong momen le golmu? 9Sehe longu i ndoun, io boi me ndro i: Su ha sibui longu adem momen, de io boi: Edne, hedi berle adem, irgai! 10-11Io beg henunuen mu, Ndurndramed i ndoa le longu masi i danen esbui longu asu momen! Boen i boi le ndro i i med i bodeie: Io boi me ndro uo: Edne, hedi berle adem, aiu al um adem. 12Malabo ndramed i dne, hedi berle aden ie hauen, i iao le marsu le masi. Meluasu masi i ieb, su bamugueni Jehova su boi: Longu hendre dogoro, io ma de lele heb masou.
Jesu eloh Mateus.
13Jesu i iao le leng lie, su ndramed mabosanged su me ndro i, i henunuen su. 14I irgai, i ilndri Levi, ndur Alveus, i da gulue moni ad Kiap. Jesu i boi: Uo rndrbo! I dne ir ndrbo Jesu. 15Muren Levi i bo gous manden le asu, su gous aden ma lounsu, su ndramed molhege, su lugdo me da born ndro Jesu e su lao aden, su mabosanged. 16Su ndremba hernou su Pharisi su ilndri su ndramed momen do da born ndro Jesu su boi le ndro su lao aden, su bode ie: Sehe longu, Ndorlaben ademu i lugdo ir ndro su ndramed momen. 17Jesu i hirong i, i boi le ndro su: Su ndramed horua su su mbueresu homo girgurdueni su, su masi su mad voasuiso aden. Io meher eloh su ndramed momen su me ndro io, su da bieni longu asu momen. Su ndramed hian, su gorge.
Heb nongen le bandri.
18Su lao ad Johanes ma su lao asu Pharisi su bandri mabosanged, su holel me ndro Jesu, su boi: Su lao ad Johanes ma su lao asu Pharisi su bandri sidesi, su lao adem ge bugane. Su hi derbe? 19Jesu i boi: Su ndramed su mugueni io, su ga bandri derbe? Io gir ndro su, su de bandri bui. 20Bersi io gineao gane su ga bandri ordo. 21Salo sagen ad homo gin mbuserei i sueri salo hendre houen le surian? Buio, ar salo i mbuserei lie, e salo sagen i momen gane. 22Hom de dou ndrunvain aden de la boged sagen bui, ar i gbud vain gi muh boged i momen lie. Su lug ndrunvain le boged mahouen, aga hian.
Heb nongen le sabbath.
23Le sabbath Jesu irgai le beleng gorn, ma su lao aden su ian gorn hebe le dogi asu. 24Su Pharisi su boi le ndro i: E lele, su lao adem su bo sa le sabbath aga monen bui? 25Jesu i boi le ndro su: Mu ma de lele heb nongen le Buk ad Jehova, David i mundrul ma su lao aden? 26I le um ad Jehova, Abiadar i gulue i, i ian gan i dari, heliasu, gan ansu ber gulue um ge, David i ian ma i hengen su lao aden leri. 27Boen i boi le ndro su: Jehova i bosoui sabbath asu ndramed, i de bosou i su ndramed ad sabbath bui. 28Dogoro Ndurndramed i ndorlaben ad sabbath lie.
Valgt i Øjeblikket:
Markus 2: LLENT
Markering
Del
Kopiér

Vil du have dine markeringer gemt på tværs af alle dine enheder? Tilmeld dig eller log ind
Published by the British and Foreign Bible Society 1956