Génesis 6
6
U máan tip'a'anil u kasa'anil wíinico'ob
1Le ca jo'op' u ya'abtal wíinic yóokol lu'ume' yanchaj u x ch'upul paalal. 2U paalal Kue' tu yilajo'ob qui'ichpamtac le x co'olelo'oba'. Ca túun tu yéeyajo'ob u ti'al u dzo'ocol u beelo'ob, x yéetel je'enquex tu yóoltajo'obe'. 3Ba'ale' Yuumtzile' tu ya'alaj: Ma' bíin in cha'a' ca cuxlac wíinic u ti'al ja'abo'ob mina'an u xuuli', tumen leti'e' chéen bak. Bey túuno' bíin cuxlac chéen ciento veinte ja'abo'ob.
4Le sen j ca'anal baaquel wíinico'obo' yanchajo'ob le ca tu nupjuba'ob u j xibil paalal Ku yéetel x ch'upul paalal le wíinico'obo' u ti'al u yantal u paalal x yéetelo'ob, cu dzo'ocol xane', leti'ob tu beetajuba'ob nucuch ba'alo'ob ti' le úuchben kiino'obo'.
5Yuumtzile' tu yilaj máan tip'a'an u kasa'anil le wíinic yóokol le lu'uma', mantadz xan chéen loob cu tucultic u beetic, 6ca j yajchaj tu yóol úuchic u beetic le wíinico'. 7Yéetel u yajil u yóol tu ya'alaj: Le wíinic tin beetajo' bin in ca'aj in xu'ulsej tac xan le alaktbil ba'alche'ob, le jíiltbil u máano'ob bey le ch'íich'o'obo'. ¡Sen yaj tin wóol úuchic in beetico'ob!
8Quex beyo' Noee' j lúub utzil tu táan Ku.
Bix úuchic u beetic Noé u cheem
9Lela' u tzicbalil u cuxtal Noé:
Noe' jun túul máac sen utz, mantadz cu yu'ubaj u t'antic Ku. Ichil le máaco'ob cuxa'ano'ob ti' le kiino'obo', chéen leti' cuxlaj ca'ach je'el bix tu yóoltilac Kue'. 10Noé yanchaj óox túul u paalal, tu kaaba'intajo'ob: Sem, Cam yéetel Jafet.
11U ti'al Kue' le lu'uma' chuup yanil ca'ach yéetel kasa'anil, bey yéetel loobil, 12tumen dzo'oc u láaj kastal u kuuxtal wíinic. Le ca tu yilaj Ku yaan ca'ach sen ya'ab kasa'anil yóokol lu'ume', 13tu ya'alaj ti' Noé: Dzo'oc in tucultic in láaj xu'ulsic wíinic. Tu yo'olal u si'ipile' yaan ya'abcach loobilo'ob yóokolcaab, bin in ca'aj in xu'ulso'ob tac xan tuláacal u cajnáalilo'ob yóokolcaab. 14Beet jun p'éel cheem#6.14 Cheem le t'aana' u káat u ya'al Ba'as, u nu'ucul tu'ux j ooc Noé yéetel u yatan, u paalal yéetel u yilibo'ob u ti'al ma' u quíimilo'ob ti' le búulcabalo'; óoli' bey jun p'éel naj beeta'an yéetel bujbil che'obe'. yéetel che' yaan u yiitz, beet káasabo'ob ichil, tzutz yéetel u yiitz che' tuláacal u yáamo'ob, le yano'ob ichilo', bey le yano'ob paachil ti' le cheemo' u ti'al ma' yocol ja'i'. 15Beet le cheem yéetel le p'iiso'oba' Ciento treinta yéetel cinco metros u chowaquil, veintidos ca'a tac táancoch metros u cóochil, yéetel trece metros ca'a tac táancoch u ca'analil. 16Beet óox yáal le cheemo', yéetel jun p'éel calom iik bey táancoch metro tu yáanal u jo'ol najil, beet xan jun p'éel u jool ti' jun p'éel u tzéelo'ob. 17Tene' bin in ca'aj in túuxt jun p'éel búulcabal ca u pix le lu'um yéetel xan ca u xu'uls tuláacal ba'ax cuxa'an ti' tuláacal cúuchil yóokolcaab. Tuláacal ba'ax yaan te j lu'umo' yaan u quíimil. 18Ba'ale' ta wéetele' yaan in beetic jun p'éel nup t'aan; ti' le cheemo' yaan u yocolo'ob ta wéetele' a paalal, a watan yéetel a wilibo'ob.
19Bey xan unaj a bisic ichil le cheemo' jujun túul u j xiibil bey u x ch'uupil tuláacal le ba'alche'ob yano'ob yóokolcaab u ti'al ca cuxlaco'ob je'el bix teche'. 20Ta wéetele' yaan u yocol ichil le cheemo' ca'a ca'a túul u jejeláasil le ba'alche'ob: bey ichil le ch'íich'o'obo', bey ichil alaktbil ba'alche'ob, bey xan ichil le cu jíilticuba'ob te j lu'umo' u ti'al ma' u quíimilo'ob. 21Nijcunt xan tuláacal janalbe'en ba'alo'ob, cananto'ob, u ti'al beyo' ca yanac ba'al a jaante bey xan le ba'alche'obo'.
22Noé túune' tu beetaj tuláacal ba'ax a'ala'ab ti' tumen Ku.
Valgt i Øjeblikket:
Génesis 6: MAYABI
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Texto Maya © Sociedades Bíblicas Unidas, 1992