Seera Uumamaa 10
10
Saba Garaa Garaa Ilmaan Nohi Irraa Argaman
(1Sen 1:5-23)
1Ilmaan Nohi, Seem, Kaamii fi Yaafet turan; bishaan badiisaa booddee, isaan kunis ijoollee in godhatan; hiddi dhaloota sanyii isaanii immoo kanatti fufee in lakkaa'ama.
2Ilmaan Yaafet Gomer, Maagog, Maada'i, Yaawaan, Tubaal, Meshek, Tiiraas turan*. 3Ilmaan Gomer immoo Ashkenaas, Riifaat, Togaarmaa. 4Ilmaan Yaawaanis Eliishaa, Tarshiish#Uma 10:4 <<Tarshiish>> bara si'anaa <<Isphaaniyaa>> jedhama., Kitiim#Uma 10:4 <<Kitiim>> bara si'anaa <<Qophros>> jedhama., Rodaaniim. 5Warri biyya galaana qarqaratti argaman keessa jiraatan, isaan kana irraa cabsatan; isaan akka afaan afaan isaaniitti, akka qomoo qomoo isaaniitti, akka saba saba isaaniittis ijoollee Yaafetitti lakkaa'aman.#2 His 38:2; 39:1,6
6Ilmaan Kaam, Kuush, Misraayiim#10:6 <<Misraayiim>> bara si'anaa <<Gibxi>> jedhama., Fux#10:6 <<Fux>> bara si'anaa <<Liibiyaa>> jedhama., Kana'aan turan. 7Ilmaan Kuush immoo Saabaa, Hawiilaa, Sabtaa, Ra'imaa, Sabtekaas; ilmaan Ra'imaas immoo Sheebaa fi Dedaan. 8Kuush, Naamrudin dhalche; Naamrud kun biyya lafaa keessatti nama jabaa isa duraa ture. 9Inni Waaqayyo duratti iyyuu adamsaa jabaa ture; kanaaf jechi,<<Akka Naamrud isa Waaqayyo duratti iyyuu adamsaa jabaa sanaa>> jedhamee dubbatamuu beekamaa ture. 10Innis jalqabatti mandaroota biyya Shiinaar isa <<Baabilon>> jedhamee beekame keessaa Baabel, Erek, Akaadii fi Kaalne irratti in mo'e. 11Biyya sanaa ba'ee biyya Asor dhaqee mandaroota Nanawwee, Rehobot-Irii fi Kalaa in ijaare; 12dabalees mandaroota Nanawwee fi Kalaa gidduutti Resen mandarattii guddittii in ijaare.
13Misraayiim, Ludiim, Anaamiim, Lehabiim, Naftuhiim, 14Fatrusiim, Kasluhiim#10:14 <<Fatrusiim irraa>> akka seenaa garaa garaatti garuu<<Kaftoriim irraa>> kan jedhutu caala. isa warri Filiisxiyaa irraa argaman, Kaftoriiminis in dhalche.
15Kana'aan, Sidoonin dhalche, inni ilma isaa isa angafa ture; itti aansees Heetin, 16Yibusoon, Amooron, Girgaashon, 17Hiiwon, Arqon, Siinon, 18Arwaadon, Simaaron, Kamaaton dhalche; booddee immoo qomoon Kana'aan in tatamsa'an. 19Lafti warra Kana'aan Sidoonii ka'ee karaa Geraar irra hamma Gaazaatti, karaa Sodoom, Gomoraa, Aadimaa fi Zebo'iim immoo hamma Laashaatti in bal'ata. 20Ilmaan Kaam warri akka qomoo qomoo isaaniitti, afaan afaan isaaniitti, biyya biyya isaaniitti, saba saba isaaniittis lakkaa'aman isaan kana.
21Seemiifis immoo ijoolleen dhalataniiru; Seem obboleessa Yaafet isa angafa; sanyii ijoollee Ebeer hundumaafis isatu abbaa ture*. 22Ilmaan Seem immoo Elaam, Ashuur, Arfaaksaad, Lud, Aaram turan. 23Ilmaan Aaram immoo Uz, Hul, Geterii fi Maash*. 24Arfaaksaad, Shalaa dhalche, Shalaan immoo Ebeerin dhalche; 25Ebeeriif ilmaan lama in dhalatan; bara inni tokko dhalate lafti waan hirmatameef maqaan isaa <<Feleg>> jedhame; (<<Feleg>> jechuun <<Hiramuu>> jechuu dha). Maqaan obboleessa isaa immoo Yoqxaan ture. 26Yoqxaan ilmaan dhalche; isaanis Almodaad, Sheleef, Hasarmaawet, Yaaraa, 27Hadoraam, Uzaal, Diqilaa, 28Obaal, Abiimaa'el, Sheebaa, 29Ofiir, Hawiilaa fi Yobaab turan; warri kun hundinuu ilmaan Yoqxaan. 30Lafti taa'umsa isaanii Meshaadhaa ka'ee karaa Sefaar hamma tulloota gara ba'a-biiftuutti in bal'ata. 31Ilmaan Seem warri akka qomoo qomoo isaaniitti, afaan afaan isaaniitti, biyya biyya isaaniitti, saba saba isaaniittis lakkaa'aman isaan kana.#21 10:25; 11:10-26 23 22:21
32Qomoon ijoollee Nohi, akka hidda dhaloota isaanii fi akka saba saba isaaniitti isaan kana turan; bishaan badiisaa booddee, sabni garaa garaa isaan kana irraa argamanii biyya lafaa irra in tatamsa'an.
Valgt i Øjeblikket:
Seera Uumamaa 10: MacQul
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
(C) The Bible Society of Ethiopia, 1997; OROMO LATIN BIBLE BSE-UBS 26M 2006.