Fingec fingec 10
10
Noa esamedacfora nga bangecfora yeneac siduc tosea 10:1–11:19 Noa esamedacfora nga bangecfora yeneac kpacareng
1Yomoc Noa medacfora Sem nga Ham amma Yafet yeneac siduc tosea. Yeni doku tunggbaungtoa wisickeu imocac ngadeau medac yofiguc kpeficyunugec. 2#1Ngts 1:5-7; Yes 66:19; Edz 38:2Yafet medacfora Gomer, Magog, Madai, Yawan, Tuwal nga Mesec amma Tiras. 3Nga Gomerac medacfora Asekanadzi nga Rifat amma Togarema. 4Nga Yawanggac bangecfora yeni yofiguc, Elisa nga Tarsis, kittingic nga dodangngic. 5Ngic imoc yenearunac ngicngac kondung wegenac kecdae yeneac bangecareng yeni sahema tohoma kemma bangecarengnginasoc nga yoacarengnginasoc amma habunginasoc bangecnginau kecdae.
Ham esamedacfora nga bangecfora
6Anu Ham medacfora yeni yofiguc, Kus, Mitserayim nga Put amma Kenacan. 7Kus medacfora imoc yofiguc, Sewa, Hawila, Sawita nga Racma amma Saweteha. Nga Racma medachora Sewa nga Dedan. 8Nga Kus medaha mong kpara Nimerod fingerec. Yeng bangecfu bangec areng ngictaugoc kekec imoc hanaheec. 9Amma ye Kebuac kicfu kpenecmenecngic kuneng yombong amma kefec. Imocac yearu yoac heima yofi deandae, “Kebuac kicfu kpenecmenecngic kuneng yombong Nimerod isoc ande.” 10Anu ye ngictau amma bangec yomoc garengyunuec, bangec hanac hanahea mekefec imoc Bawel, Erec nga Akkad amma Halene, imoc sasawa Sinecar bangectoau tackenggec. 11Bangec imohacnac Assur bangecfu kemma taong gboria yomoc meyunuec, Ninewe, Rehowot Ir nga Kala amma Resen. 12Resen imoc Ninewe nga Kala botucngirau tacde nga imoc taongtoa yombong ande. 13Anu Mitserayim ye Ludingic, Anamingic, Lehawingic, Nafetuhingic 14nga paterusngic amma kaselungic, areng imoc yeneac mangngina. Kecma pelistingic nga kafetoringic yeni kaselungic yenearunac fingecsahe anggec.
Kenacan esamedacfora nga bangecfora
15Anu Kenacanggac morocmedaha Tsidon nga yeac bageau Het 16nga ngicareng yomoc fingecgec yewusingic, Amoringic, girigasingic, 17hiwingic, arekingic, siningic, 18nga arewadingic, tsemaringic amma hamatingic, habu ifi fingeckenggec. Anu imocac ngadeau Kenacan habufora yeni sahema tohoma bangec goa monggoc megec. 19Anu Kenacan ngichabu yeneac bangec tegia Tsidon amaunac kemma Gerar, Adza,#10:19 Adza Kpara mong Gadza. Sedom, Amora,#10:19 Amora Kpara mong Gomora. Adema nga Tsewoyim amma Lasa imohai wisickeec. 20Imoc Hamgac esamedacfora habunginasoc nga yoacarengnginasoc nga bangecnginasoc amma bangecarengnginasoc.
Sem esamedacfora
21Anu Yafet dara Sem yeac medacfora ifingoc fingecgec ye Ewer medacfora yeneac esangina anec. 22Nga Sem esamedacfora imoc yeni Elam, Assur, Arepahesad nga Lud amma Aram. 23Nga Aram medacfora imoc Uts, Hul nga Geter amma Mas. 24#Fing 11:12-13; Ruk 3:35Arepahesad ye Sela mama nga Sela ye Ewer mama. 25Nga Ewer medachora yohockang fingeroc, mong ye bangec hendzicgec noboha noboha anec imocac nasou fingerec imocac kpara Peleg#10:25 Peleg titiha imoc hendzic hendzic. kparec. Muniaac kpara Yoketan. 26Nga Yoketanggarunac fingecgec imoc yofiguc, Alemodad, Salef, Hatsaremawet, Yara, 27Hadoram, Udzal, Dikela, 28Owal, Awimacel, Sewa, 29Ofir nga Hawila amma Yowaw. Ngic sasawa imoc yeni Yoketan medacfora. 30Amma yeni Mesanac sifecbangec wenac ere ereaubigeng tactackengkecma Sefar bangecfu kecgec. 31Semgac esamedacfora imoc habunginasoc nga yoacarengnginasoc nga bangecnginasoc amma bangecarenginasoc.
32 #
Fing 9:19; Aps 17:26 Noa medacfora yeneac arengfocngina ifi, habuya habuya ngic fingecgecsoc arengyunu hahaya. Doku tunggbaungtoa haec imocac ngadeau yenearunac ngicngacareng yeneng fingecsahe amma tohoma bangectoa bangecfu kemma kecgec.
Valgt i Øjeblikket:
Fingec fingec 10: Ded
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© (Active), Wycliffe Bible Translators, Inc. All rights reserved.