Populære bibelvers fra Iko Zinume 12

Del

A ijia vaga na daro maga ame uije one a tuanamo ije buka e uruvana reke. Ro nare a daro mana samuagakinu marejaga a una e uruvana ifejiana marejiake. Ro kuke nare daro mana ive one dabe ma ireobo reke. Ro nare e ije erarebe bu a marejavo ijene daro miana samuagiakinu marejiake. Ro erarebe bu a kuravajana vafakuva ije nare una ve bu kuravajiana vafiake. Ro e boeje aesakae igia karinoeva ije na one duvado ijia bu marejiake.

Bu ijia kariva ijia E Ireobo fu Aburame kuae, Ni urina aesakae one ijiakina agane one ijiakina asoe one ijadufuo are ije arena urina vaga nare aesakae be nijasaga a ijia fine.

Ijadufuo Aburame fune fivakuma juaevasia seveniti faeve (75) ijiege abenoga fune izege E Ireobo fu kuaraema ijiege fune sidove Erane arena vakiro uri. Aburame fune zinuivena urina vakoga bara fuone Serakina kaju fuone e Roti bune urina fuina vae. E Aburame fune uri sinuome fuone maeje boeje ro e fuone moni baki imeno ije fu Erane ijia fikinu kema boeje ije kaenamiana vae. Aburame fune ijiege rena agane fuone ijene kaenamiana vakuma Kenani ijia kekei.

Areme E Ireobo fu are ijia arina Aburame biena kuae, Aesakae ije na abena uifari one ije miakiro kuaeva ije ijifurekino kuae. Areme Aburame fune urina are ije E Ireobo fu arina biema ijia fata be fu ijia fuone baname isoedufuo ije mune ijia tuana nana amaeri.