Populære bibelvers fra LUKAS 7

Del

Cen diaʹ pekina puyan, akeʹ badaʹ mikoʹ, un ban penyalaʹ a iaʹ kadoʹ lepa pesau ne, ina ukoʹ o bioʹ diseʹ malaʹ a neng akeʹ. Un diaʹ kediʹut penyalaʹ de pesau, kediʹut te malaʹ de neng akeʹ.” Sulo dau Yesus neng leto ina: “Ketoʹ penyalaʹ koʹ pesau ne.”

Un dau Yesus neng leto ina: “Pengelan ncoʹ ia pudip ikoʹ. Tai ne ikoʹ uleʹ ngan tadan pengudip koʹ.”

Ketai leto ina, sulo ho nekejeng dudo taket Yesus, tahaʹ likut kukoʹ Yesus madung lemik, mentung nge nange. Basaʹ ne taket Yesus kuʹun luloʹ o, kun ne lemasa ha man puk ke, sulo ho maʹoʹ taket Yesus, mentung nge muso kenyo iaʹ me baʹoʹ ina kidi.

Cen penepa usa heʹ, abeʹ keʹ tekep ke nai palaʹ ikoʹ. Naʹ pe ca le dau isiu hoʹ, sukat ne ulaʹ keʹ maget. Moʹ akeʹ ini ne ca tahaʹ ntaʹ pengecuk diaʹ mpau neng akeʹ. Ngan pekina pe un sedadu diaʹ tahaʹ ntaʹ neng akeʹ diaʹ akeʹ cuk. Buk keʹ cuk ca usa: ‘Tai hoʹ,’ sulo ketai ie, palaʹ diaʹ ca laʹa: ‘Baka kini,’ sulo kenai ie, ngan un dau heʹ neng ulaʹ keʹ laʹa: ‘Uyan ina,’ sulo seʹ e uyan ne.” Salam tekaʹ Yesus kenahan dau ue, penco ho sileʹ palaʹ diaʹ kadoʹ diaʹ nai bayaʹ ia, kun dau ue: “Nyahut ceʹ tegoʹ iaʹ un pengelan koʹ baʹan ini, di pe neng aheʹ aheʹ lepoʹ Yahudi.”

Dalau ina lete Yesus kadoʹ paget dulu cen penyakit de, ngan keta, ngan diaʹ bali nelasek, ngan pekina pe ia naʹ penaʹat me kadoʹ diaʹ butaʹ. Un dau Yesus mipa ida dua: “Tai ne ikem dua uleʹ, ngan badaʹ me Yaya inu iaʹ ikem dua lepa taʹan ngan kenahan: dulu diaʹ butaʹ lepa taʹan, ngan diaʹ apet sukat tai masat, ngan diaʹ sakit bekayen tai malit, ngan diaʹ dengen sukat kenahan, ngan diaʹ matai nai mudip, ngan un pe diaʹ tai badaʹ Denga Injil palaʹ diaʹ taru mudip.