Populære bibelvers fra LUKAS 22

Del

Un dau ue: “Amai, buk ke sihoʹ neng pengubaʹ koʹ, ngecoʹ ne sawan penuyen iaʹ sangan kuʹun penyalaʹ kelunan ini neng akeʹ. Neng puyan ini, abeʹ e pengubaʹ keʹ, bang bayaʹ pengubaʹ koʹ tengen iaʹ ketai nuyan.”

Un sepe lepa ne akeʹ lemameʹ mikoʹ Simun, apan pengelan ncoʹ are tai supeʹ. Tegoʹ koʹ ngeliwet nai palaʹ akeʹ pelaʹa, tekep koʹ petangen diaʹ cenganak koʹ ʹo.”

Kun Yesus alaʹ ca luʹung ruti, penco ho nyuaʹ tiga saheʹ palaʹ Allah, kun ne pepiding pepiding nge, mentung nge naʹ a mida. Un dau ue: “Ini ne usa heʹ, ca pengencai moʹ suaʹ ikem. Ikem uyan koʹ baʹan ini are, man ncem ke nawai akeʹ ʹo.”

Pekina lete seʹ e naʹ mida sawan telang anggur laʹa, tai ke lepa re uman. Un dau ue: “Sawan ini ne tuket mading iaʹ Allah nyalet man dahaʹ keʹ, iaʹ ke musa moʹ suaʹ ikem.

Tai pali kuʹo ke Yesus lemameʹ dalem penuyen ne, pa nidoʹ sana ha koʹ baʹan seʹ dahaʹ nite kaʹ tanaʹ.

Un sepuʹo ayen ncem pekina puyan, di lareʹ iaʹ bioʹ neng ahang ikem tekep pe tai koʹ baʹan diaʹ iʹut, ngan un diaʹ ke tuʹa hem tekep pe tai koʹ baʹan diaʹ ke pubo are.

Un dau Yesus mipa ia: “Peterus, abeʹ lepe iap nekuʹuk tau ini, lepa telu liwai ne ikoʹ ke badaʹ abeʹ koʹ tisen akeʹ.”