Populære bibelvers fra YAYA 3

Del

Bioʹ puyan Allah malaʹ neng ilu kelunan kusun tanaʹ ini, ina ukoʹ o mencai Anak ke iaʹ bang ca ina le milu, apan mung kelunan diaʹ ngelan neng ia abeʹ un tai matai penco, un sepuʹo ida ke alaʹ udip saheʹ kelineʹ iaʹ ngeriman.

Abeʹ Allah cuk Anak ke nai pebetep ukum kusun tanaʹ ini, un sepuʹo Allah uyan ia Laki iaʹ keniga udip kelunan kusun tanaʹ ini.

Un dau Yesus mipa ia: “Akeʹ badaʹ mikoʹ lan: ca usa pe abeʹ senteng taʹan puyan pengaren Allah buk ke abeʹ un numpak ke pempet neng ca udip iaʹ mading.”

Aheʹ diaʹ ngelan neng Anak ina, abeʹ un ukum penyalaʹ betep neng ia. Un sepuʹo aheʹ diaʹ abeʹ un ngelan, un ne ukum lepa betep neng ia uban ne are ngelan neng Anak Allah iaʹ bang ca ina le.

Pekini ne puyan ukum nuyan: dema lepa nai kusun tanaʹ ini, un sepuʹo kelunan malaʹ aleʹ neng puyan iaʹ mentem cen ʹo iaʹ dema, uban pemuyan nte jaʹat.

Tekep lete Yesus tai bioʹ, ngan akeʹ ini iaʹ ketai iʹut.”

Aheʹ aheʹ iaʹ ti puyan jaʹat, ia miʹi neng puyan dema, ngan abeʹ un ubaʹ nai palaʹ dema uban ne abeʹ un ubaʹ pemuyan iaʹ jaʹat ina luhaʹ neng dulu.

Aheʹ iaʹ ngelan neng Anak ina, ia lete iaʹ un udip saheʹ kelineʹ iaʹ ngeriman. Aheʹ iaʹ muau bayaʹ dau Anak ina, nyahut te senteng ke alaʹ udip ne, bang kenca Allah iaʹ ke pencit neng ia pabeʹ bayaʹ.

Ukoʹ baʹan Musa mejung ncung ulai jangin kempau kayu tecek kaʹ tanaʹ lenga are, ngan pekina lete Anak Sio ketai pejung ʹo

Amai Bioʹ iaʹ malaʹ neng Anak ke ngan mahung ketoʹ inu dalem gaham penyukat te.