Populære bibelvers fra YAYA 14

Del

“Akeʹ mahung denaʹ tawai ngan ncem. Pengedenaʹ tawai heʹ tengen iaʹ akeʹ naʹ mikem. Abeʹ keʹ un naʹ mikem kuaʹ baʹan usun tanaʹ ini ke naʹ mikem. Ayen ncem mentam pekimet, ngan ayen ncem takut.

Dau Yesus mipa ia: “Akeʹ ne iaʹ janan, ngan katuk iaʹ telit, ngan iaʹ atek udip. Abeʹ un aheʹ senteng tai palaʹ Amai Bioʹ buk ke abeʹ un kuʹun nceʹ.”

Kun Yesus badaʹ mida: “Ayen ncem mentam pekimet. Ngelan ne neng Allah, ngan ngelan pe neng akeʹ lete.

Ia iaʹ mepo ikem, ina ne Berua Buheʹ iaʹ Amai Bioʹ ke cuk nai dalem ngadan nceʹ, ia iaʹ ke pepo pekatuk ikem neng puyan inu inu, ngan uyan ikem ke petawai ketoʹ diaʹ akeʹ lepa badaʹ mikem.

“Aheʹ iaʹ alaʹ dau katuk ukum keʹ ngan bayaʹ a, ia iaʹ malaʹ neng akeʹ. Atek Amai heʹ ke malaʹ neng ia iaʹ malaʹ neng akeʹ, ngan akeʹ lete ke malaʹ neng ia, ngan ke peluhaʹ akeʹ tengen neng ia.”

Akeʹ ke nyat neng Amai Bioʹ, ngan ia ke naʹ ca laʹa iaʹ ke mepo ikem, ia ne Berua katuk telit iaʹ ke ngelineʹ ngan ncem putung udip. Dulu kusun tanaʹ ini abeʹ un senteng alaʹ ia, uban dulu abeʹ un senteng taʹan ia ngan tisen ia. Un sepuʹo ikem tisen ia, uban ia iaʹ ngelineʹ ngan ncem, ngan mudip dalem ikem.

Ngan akeʹ ke ti lete inu inu iaʹ ikem nyat dalem ngadan nceʹ, apan serema peniga Amai Bioʹ ke luhaʹ cen Anak ke. Buk kem nyat ca inu neng akeʹ dalem ngadan nceʹ, akeʹ ke ti lete.”

“Buk kem malaʹ akeʹ, atek kem ke bayaʹ dau katuk ukum keʹ.

Kadoʹ amin neng umaʹ Amai heʹ, ngan akeʹ iaʹ ketai petenup ca ukoʹ mikem. Abeʹ keʹ ke badaʹ ini mikem buk ke abeʹ un pe.

Uʹo heʹ lepa tai petenup ca ukoʹ mikem ne, akeʹ te iaʹ kenai ngeliwet alaʹ ikem, apan ncem pemung ukoʹ ngan nceʹ.

Dau Tumas neng ia: “Tuhan, abeʹ meʹ tisen kempi ketai hoʹ. Kumpin meʹ ke tisen janan tai kina tupe?”