Populære bibelvers fra Luˉka‸ li‸ 24

Del

Ngaˬ Awˬ pa piˇ tuˬ yoˬ teh‸ kʼoˆ taˍ ve awˬ ceuˬ nawˬ hui geh lo ngaˬ peu laˇ tuˬ yoˬ. Hkʼe te leh, mvuhˇ naw ma lo ve kanˇ paˆ hta‸ nawˬ hui maˇ gʼa sheˍ ve ceh ceh, venˇ chi awˬ hkʼaw lo chehˇ taˍ sheˍ teh‸ yawˇ hui hta‸ kʼoˆ piˇ ve yoˬ.

Yawˇ choˬ kaˬ maˇ chehˇ. Kʼaw‸ te‸ tu la peuˬ. Gaˍliˍlehˇ mvuhˇmiˬ awˬ hkʼaw lo chehˇ htaˇ yawˇ nawˬ hui hta‸ kʼoˆ laˇ ve tawˇ hkawˇ hta‸ dawˇ nawˇ-oˆ.

Oˇ htaˇ, yawˇ huiˉ maˬ mehˆ hpaw la leh, Yeˍsuˆ yoˬ teh‸ gʼa shiˍ ve yoˬ. Yeˍsuˆ lehˬ, yawˇ huiˉ maˬ mehˆ gʼuˇ suhˍ mehˉ sheˬ ve yoˬ. Yawˇ huiˉ maˬ kʼoˆ ve, Ya‸ kʼaw kʼaˉ lo yawˇ ngaˬ huiˉ maˬ hta‸ tawˇ yaw laˇ leh Li‸ hpu tcuhˉ kuiˬ hpeu‸ maˍ laˇ ve teˇ yanˇ, ngaˬ huiˉ maˬ ve nyi ma hkʼaw lo geh jaˇ ve maˇ heˆ laˇ teh‸, teˇ gʼaˇ leh teˇ gʼaˇ kʼoˆ da‸ ve yoˬ.

Yawˇ kʼoˆ ve, Li‸ hpu hkʼaw chi hkʼe bvuh‸ taˍ ve, Hkri‸ lehˬ gʼa hkanˍ suh leh shehˆ nyi gaˬ kʼo gʼa kʼaw‸ te‸ tu la tuˬ yoˬ. Venˇbaˆ dawˇ hpfuhˆ leh venˇbaˆ hpehˇ hkʼa tuˬ awˬ lawn, Yeˍruˆsaˍlehnˍ venˇ hta‸ tanˬ leh chaw ceuˬ hkʼa peu-eˬ hta‸ yawˇ ve awˬ meh awˬ hawˉ lo gʼa maˍ piˇ tuˬ yoˬ teh‸ bvuh‸ taˍ ve yoˬ.

Yawˇ hui oˇ kaˬ lo gaˬ ve teˇ yanˇ, tuˍ hpfuh hta‸ hoˆ taˍ ve haˉ pui shiˍ hpfuhˆ baˬ taˍ ve hta‸ gʼa mawˬ ve yoˬ. Yawˇ hui lo‸-e ve teˇ yanˇ, Jawˇmawˇ Yeˍsuˆ ve awˬ to hta‸ maˇ mawˬ