Populære bibelvers fra TOM 1

Del

K’ɛ́nɛ́, ɛ́nɛ́ tɛ kpa ŋgai, ŋgimbi nɛ̀ Sa̧a̧ Ɔmi tɛ zir pii zu'nɛ́, ɓɛɛ ɛ́nɛ́ tɛ ya o wi-sedaako kɔ‘m sɛn Jerusalɛm in nú Judee nɛ̀ oi-aa in Samarii mbɛt hegɔɔ hɔ nɛnɛ nduti nù mɛ.»

A̧ kifa nú ha̧ wa: «Ŋma mɔ k’ɛ́nɛ́ tɛ iŋa zɛ in ŋgimbi nɛ̀ Dáà gɔna tɛ ŋgai kɔ‘i bo na.

Ɓɛɛ tɛ ŋma ŋgimbi nyɔŋmɔ, a̧ tɔ̧ɔ̧ mbɔrɔ ha̧ wa'e, ká wa e Jerusalɛm duk na, wen ha̧ wa mɛ kpa mɔ nɛ Dáà baa ha̧ nú wen-aa'i sɛ. A̧ tɔ̧a̧: «Ɛ́nɛ́ zia so wen mɔ‘i nú‘m kaɗi. Jean zuia bíí nɛ̀ yi, ɓɛɛ k’ɛ́nɛ́, ɗoŋ zɛ tikiɗi, wa tɛ zui'nɛ́ nɛ̀ Sa̧a̧ Ɔmi.»

Ɗoŋ fio kɔ̧-a̧, a̧ usa tɛ̀ nɛ̀ kpasa ha̧ wa tɛ o yuwar nɛtɛ nɛtɛ. A̧ usa tɛ̀ ha̧ wa hegɔɔ tɛ zɛ ɓu-naar, tɔ̧ nɛ̀ mgbara mɔɔ-wan ko Sɔ̧ ha̧ wa.

Ɗoŋ wen'i, Jesu daŋa si yiwese ɓɔn yí-wa, ɓɛɛ tura-zan kpe ɗoŋ-aa.

Ɓɛɛ hee mɔ'ɔ nɛ̀ wa biti kɛ̧i̧ mɔ si ɗoŋ-aa fara daŋa-a si yiwese ga, o bíí yiitoo nɛ̀ pi̧i̧ bu laa hɔɔ yor, ɓɛɛ tɔ̧: «O wi Galilee, wen ge s’ɛ́nɛ́ yor kɛ̧i̧ nɛ̀ mɔ si yiwese’ɛ ge? Jesu nɛ̀ Sɔ̧ baa si yiwese ɓɔn yí‘nɛ́'ɛ, tɛ́ pii ɗoŋ hee mɔ'ɔ n’ɛnɛ zɔka nɛ̀ a̧ fara daŋa-a si yiwese ga.»