Populære bibelvers fra Hechos 2

Del

Orzeꞌ na Bed rab yu dey: ―Mne̱ꞌ der dela de cyi nu ricy ru, nunu dela der bzu nis der par nu gabe nu nac der mbecy ni Jesucrisht, gun orzeꞌ gyicy sulagy Ñgyoozh de cyi der, nunu gazeꞌ nu cuic mi Espiriit Yon nim ni der.

Orzeꞌ dela dey fert la zu dey shcab nu nac de coz nu rlyuu de aposht. Nunu yatublaazh dela dey nu ro nuy losaꞌy riidz. Nunu yatublaazh dela dey ricy yu che nu losaꞌy gal mod nu bzeeñ Crisht. Nunu yatublaazh dey nii nuy Ñgyoozh. De ndeꞌ coz nu zaab bicy la dey.

Orzeꞌ dela dey gutib ic zaꞌ la Espiriit Yon ni Ñgyoozh dey, nunu brugyiꞌ rnii dey riidz reñaꞌ mbecy. Dub gal lac na riidz nu briic Espiriit Yon ni Ñgyoozh nu nii dey dub ni mod mniiy.

Orzeꞌ derepent la brugyiꞌ rzigy baa. Gal rac nu yad tub bi ily ni rac. Nunu dutuub la nañ yuꞌ zeꞌ nu nguaa dey bzigy. Orzeꞌ bruu zac gal nu na lyush gyi na bruu zac. Gul ñii tub ga la dey. Orzeꞌ dela dey gutib ic zaꞌ la Espiriit Yon ni Ñgyoozh dey, nunu brugyiꞌ rnii dey riidz reñaꞌ mbecy. Dub gal lac na riidz nu briic Espiriit Yon ni Ñgyoozh nu nii dey dub ni mod mniiy.

Orzeꞌ de dzi la yatublaazh dey nañ yuꞌ nu driib zily mbecy Ñgyoozh, nunu yatublaazhaꞌ dey yuꞌ losaꞌy nu ricy dey che tublaazh gal mod nu bzeeñ Crisht. Nap zu lagy dey. Nunu dub gal ri lagy dey bicy yu de ndeꞌ. Ryabic dey gyel mbecy ni Ñgyoozh. Nunu dela reñaꞌ mbecy, nap yuꞌ nuy dey. Nunu Ñgyoozh tub dzi ga rcyaañ zir mi mbecy nu ricy cup consuel lo Crisht.

Ornu bi yad lazh tiem, ya̱ rica̱ Espiriit ne̱ ni de lo la mbecy. Orzeꞌ dela de yu nguzh ni dey, gal nu dela de fiñ nguzh ni dey, gnii dey por cuen ne̱. De yu feñ gyicya̱ nu deꞌ lo dey de coz nu gac. Nunu de yu bel lat pcaal dey rica̱ nu gad lagy yu de coz nu gac.

Dela de yu nu ricy cup consuel lo Crisht zeꞌ tonaꞌ la nap byap riidz ni dey nu losaꞌy. Nunu dela dey rlew yu de coz nu cyiiñ lat de losaꞌy. Rut dey de coz nu yuꞌ niy. Orzeꞌ rlew dey ñuu ga tiñ nu losaꞌy dub gal lac tant nu cyiiñ ni tub ga dey.

Nunu dela mbecy nu nish baa lo̱ nu gloo mbaña̱ dey, de yu zeꞌ gruu mbañ yu, nam. Ni pcaa Joeel gulas.

Gyet cow lo doo. Zeꞌ lo beey gyet ña gal na reñ. Dela ndeꞌ gac ñii anzir nu shuub dzi nu bi pcui̱ par nu gyicy ya̱ gyel fushtiz ne̱. Dzi zeꞌ tonaꞌ la dzi ily. Nunu dzi zeꞌ tonaꞌ la cyit gac.