Populære bibelvers fra Iuwãu 12

Del

Pyno uhemiitno ereineꞌen neran motꞌi waku ereto uhupi uimikyꞌesat ewy nug hamo. Miꞌi hawyi aikope aikope areineꞌen miꞌi hap upi iꞌewyte uhaipepiaria uhemiitꞌin tukupteꞌen e. Iꞌewyte miꞌiria ti uheropat haria Tupana mimotypotno teꞌeropyhuꞌat e.

Uwe uwe mesuwarotiat ieineꞌen hap yn kyꞌesat haria ti aru yt ipuẽti i raꞌyn toieineꞌen pakup i hap e. Iꞌewyte uwe uwe mesuwarotiat toineꞌen hap kawiat waureꞌe hat wyti aru ipuẽti ipakup i toineꞌen hap yt karamuo i ikahuro rakat e Iesui.

Pywo pe ti areꞌe kat iãꞌỹi yt misyp i te turan yt ikuꞌuro i miꞌi pote wẽtup yn toineꞌen. Maꞌato ikuꞌuro pote meiũran hẽtyt hawyi tuwemotag hawyi haat kahato raꞌyn are e.

Taꞌi ariãty ewy uipoꞌoro mesuwat yi totiaria moẽtyhot hamo e. Uwe uwe uimohey haria ti ariãty hot puo ikohyewyry hawyi iꞌypyryp we yt ikohyewyry hin i katupono uimohey hat Tupana kuap hat topyhuꞌat e.

Atiꞌatuehakyeraꞌat teran kahato mesuwat yi totiaria. Miꞌi hamo yn ariot meikowo maꞌato tukupteꞌen mesuwe uimienoi pun haria e. Taꞌi uimienoi taꞌatukuap maꞌato yt taꞌatunug neran i. Maꞌato yt ahoꞌosatyꞌi satyꞌi teran i miꞌiria katupono iꞌatuehakyeraꞌat hamo yn uipoꞌoro e.

Miꞌi hawyi mana Maria tat topohag hy haꞌup Naratu pohyt kawiat. Miꞌi hawyi Iesui pyꞌokpe koꞌi ete toiꞌokpun yne mekewat mohag hy hawyi toimogag ipyꞌokpe toꞌasap mo. Miꞌi hawyi ikamhig se kahato raꞌyn topyhuꞌat iꞌyat waku kahato.

Miꞌi hawyi typyꞌi raꞌyn tuwat Iesui ewowi. Miꞌiria tuwat Pinawa yhop taꞌatupo piat wywo Iesui kape. Miꞌi wywo iꞌatuehay wepiit kahato -Waku ti En iꞌatuꞌe. En ni Tupana Mipoꞌoro aiꞌywania Porekuat iꞌatuꞌe. Tupana Mipoityro poꞌog waku torannia kawiat hat aiꞌywania Porekuat nuat iꞌatuꞌe.

Miꞌi hawyi Iesui tiꞌatuwesat raꞌyn -Pyno Miitꞌin ykeꞌet motypot hap eꞌat yt pya hin i raꞌyn e.