Populære bibelvers fra Marcos 14

Del

Y cay uc'ajti taca e Dios y che: —Nitatet, tunor uyub'iet ache net, pero era quisinic acorpesen tamar e ch'eu xe' inch'aj ut lo que uc'ani tua' unch'i era. Pero ira ache cocha inc'ani ani nen, sino que chen lo que ac'ani net, che e Jesús.

Turuanenic b'ixir y c'ajtinic taca e Dios tua' machi ixpijchna umen e Satanás. Pues tama iwalma turix tua' ixc'upseyan tamaren, pero tama iwerir injayjayox, che e Jesús.

Y c'ani inwareox era que tic taca tia' achecsuna uyojroner e Dios tama e corpesiaj tama tunor or e rum c'ani achecsuna ub'an lo que cay uche e ixic era tacaren tua' machi anajpesna lo que cay uche era, che e Jesús.

Y che e Jesús: —Ayan inte' nuxi c'uxner tama niwalma que war uchien imb'ijnu que chamenenix umener. Quetpenic tara, pero ira ixwayan, che e Jesús.

Entonces conda warto awiob' tunorob' tor e mesa e Jesús uch'ami ingojr pan tama uc'ab', y utattz'i ut e Dios y cay uxere e pan y cay uyajc'u uyajcanuarob' y che: —Junic e pan era y c'uxic. Pues e pan era b'an cocha uwerir nicuerpo xe' ajc'ub'ir b'an cocha ajc'una inte' arac tua' achamesna tujor e altar tamarox, che e Jesús.

Y nacpat era e Jesús uch'ami inte' ch'eu tama uc'ab' y uyajc'u gracias e Dios y cay uyajc'u uyajcanuarob' tua' uyuch'iob' inte' inte' tamar. Y che e Jesús: —Lo que ayan tama e ch'eu era aquetpa b'an cocha nich'ich'er xe' axin awechc'a tamarox y xe' tua' utacre meyra gente. Y nich'ich'er era jax tua' uchectes tiut que ayan inte' nipacto xe' imb'utz tacarox.

Entonces ojron e Jesús y che: —Conda acb'are coner tunorox tua' ixixin iwacten, porque b'an ch'ar tz'ijb'ab'ir tama uyojroner e Dios que: “Conda achamesna e ajcojc oveja tunor e ovejob' c'ani uxere ub'ob' axin.” B'an ch'ar tz'ijb'ab'ir tama uyojroner e Dios.

Achpenic incuic era, porque watarix tin xe' tua' utuch'ien, che e Jesús.

Y che e Jesús: —C'ani inwaret que tama e acb'ar era conda ne mato a'ru e ac'ach chajr, net i'xin amuqui nic'ab'a uxyajr que machi anata chien nen, che e Jesús.