Populære bibelvers fra Lucas 19

Del

Pues nen xe' Uyunenen e winic tarien tua' insicb'a y tua' incorpes tin e satrem, che e Jesús.

Y aruob' tunor uyajcanuarob' cocha era y chenob': —Chojb'esb'ir ut e Rey xe' axin watar tama uc'ab'a Cawinquirar. Ayan e tzayer umen que watar e jiriar tut e q'uin tichan tia' ayan meyra utawarer e Dios. ¡Catattz'i uc'ab'a Cadiosir! che uyajcanuarob' era.

Y entonces che e Jesús: —Chequer tama awojroner que corpesb'irox tunor tin e turox tama o'tot era, porque net ub'an jax inte' umaxtac e Abraham xe' turuan tama e onian tiempo.

Y conda c'otoy e Jesús yeb'ar e te' era uch'ujcu uwira tichan tia' turu e Zaqueo tama uc'ab' e te' y che: —Zaqueo, ecmen tarex wacchetaca, porque c'ani inxin tacaret tama o'tot tua' inwarajset, che e Jesús. Entonces wacchetaca ecmay e Zaqueo y atzay ixin uch'ami e Jesús y uq'ueche ixin tama uyotot.

Entonces conda c'otoyob' tama uyotot e Zaqueo, jaxir achpa wawan y cay ojron taca e Jesús y che: —Ub'in lo que c'ani inwaret era: C'ani inwajc'u intajch tama tunor lo que ayan tanib'a tin e tzajtaca ut. Y jay ayan tin e cay inmajres tua' inlocse más utumin que lo que uc'ani ani e gobierno c'ani insutpa intoyi otronyajr pero cuatro veces más, che e Zaqueo.

Pues ayan cora fariseob' xe' turob' tujam e ajcanuarob' era xe' cay ojronob' taca e Jesús y chenob': —Aren awajcanuarob' tua' machi o'jronob' cocha era, chenob' e fariseob' era. Pero e Jesús che: —Jay jaxirob' machi utattz'iob' uc'ab'a e Dios coner era, inwareox era que e sian tun xe' turob' tor e rum axin o'jronob' tua' utattz'iob' uc'ab'a e Dios, che e Jesús.