Populære bibelvers fra Lucas 12

Del

Y nox ub'an, ustesic ib'a porque c'ani insutpa waten nen xe' Uyunenen e winic tama inte' día conda mamajchi war ub'ijnu, che e Jesús.

Pero nox turb'anic ib'a tua' ixochoy tama uchinam e Dios, y c'ani ixajc'una tunor era ub'an, che e Jesús.

Y e Jesús uyare tunor e gente y che: —Iwiric tua' machi iwacta ajni ijor tama e tumin tua' machi iche e mab'amb'anir tut e Dios, porque majax tamar taca lo que ayan ticab'ach tara tor e rum que b'ixiron, che e Jesús.

Y b'an uc'ani tua' iche nox porque tia' turu tunor lo que ayan tib'a y yaja' axin aturuan iwalma ub'an, che e Jesús.

¿Y chi tijam nox, umen taca que war ub'ijnu meyra tama ujor erer ab'itz'a uyoc más nojta nien imb'ijc tua' aquetpa más nojta?

Pues entonces cay ojron e Jesús taca uyajcanuarob' y che: —C'ani inwareox era que ira ib'ijnu y che: ‘¿Tuc'a tua' cac'uxi era?’ Y ira ib'ijnu y che: “¿Tuc'a tua' calapi non?”

Y nox este tunor utzutzer ijor tzicb'ir umen e Dios tua' unata jayte' ayan. Ira ixb'acta, porque más nojta ic'ampib'ir nox tut e Dios que e sian mut era, che e Jesús.

Entonces ojron e Jesús y che: —Ira ixb'acta, porque motor que majax meyrox xe' turox tara pero Catata Dios c'ani atzay uyajc'ox inte' nuxi lugar tia' tua' ixc'otori tacar jaxir.

B'ijnunic tama e mut porque machi war apatna, y matuc'a war umorojse tua' uc'uxi, y matuc'a ugranero tia' macar ucosecha tamar, pero machi war aytz'a porque war awesena umen e Dios. ¿Y machi ca más ixtujri nox tut e Dios que cora mut?

Y tamar era ira ib'ijnu tama ijor que: “¿Tuc'a tua' inc'uxi?” y “¿tuc'a tua' unch'i?”

Entonces jay e Dios war ub'ujcse unichir e c'opot cocha era xe' coner ch'ur y xe' ejc'ar tama e c'ajc ch'ar, y ¿machi ca tua' ub'ujcsiox nox ub'an e Dios motor que imb'ijc taca war ixc'upseyan tamar?

Porque tunor lo que achempa mucur uc'ani tua' achecsuna tut e gente, y tunor lo que unata inte' xe' mucur uc'ani tua' achectesna.