Populære bibelvers fra لُوقا 9

Del

وَ عِيسَى قَالْ لَيْهُمْ كُلُّهُمْ: «كَنْ أَيِّ نَادُمْ يِدَوْر يِتَابِعْنِي، خَلِّي يِشِيفْ نَفْسَهْ رَخِيصَةْ لَيَّهْ وَ يِلْحَمَّلْ تَعَبْ الصَّلِيبْ كُلَّ يَوْم وَ يِتَابِعْنِي لِلْمَوْت.

وَ أَيِّ نَادُمْ الْيِدَوْر يِنَجِّي نَفْسَهْ، يِوَدِّرْهَا. لَاكِنْ أَيِّ نَادُمْ الْيِوَدِّرْ نَفْسَهْ فِي شَانِي أَنَا، هُو دَا يَنْجَى.

وَ عِيسَى قَالْ لَيَّهْ: «كَنْ نَادُمْ بَدَا يَخْدِمْ بِالْحَرَّاتَةْ وَ يِشِيفْ وَرَايَهْ، هُو مَا جَاهِزْ لِمَمْلَكَةْ اللّٰهْ.»

شُنُو الْفَايْدَةْ كَنْ نَادُمْ رِبِحْ كُلَّ الْمَالْ الْفِي الدُّنْيَا وَ لَاكِنْ وَدَّرْ نَفْسَهْ أَوْ هِلِكْ؟

وَ أَيِّ نَادُمْ الْيَنْكُرْنِي بِسَبَبْ الْعَيْب الْيَلْقَى مِنْ النَّاسْ، أَنَا إِبْن الْإِنْسَانْ نَنْكُرَهْ وَكِتْ نِقَبِّلْ بِقُدُرْتِي الْمَجِيدَةْ وَ بِقُدْرَةْ الْمَجِيدَةْ هَنَا أَبُويِ اللّٰهْ وَ مَلَائِكَتَهْ الْمُقَدَّسِينْ.

وَ عِيسَى رَدَّ لَيَّهْ وَ قَالْ: «الْبَعَشَوْم عِنْدَهْ نُقْرَةْ وَ الطَّيْر عِنْدَهْ عُشّ وَ لَاكِنْ إِبْن الْإِنْسَانْ مَا عِنْدَهْ بَكَانْ يَرْقُدْ فَوْقَهْ.»

وَ قَالْ لَيْهُمْ: «النَّادُمْ الْيَقْبَلْ الْوِلَيْد دَا بِأُسْمِي، هُو يَقْبَلْنِي أَنَا. وَ الْيَقْبَلْنِي يَقْبَلْ الرَّسَّلَانِي. أَشَانْ النَّادُمْ الصَّغَيَّرْ مِنْكُو كُلُّكُو، هُو بَسْ الْكَبِيرْ.»