Populære bibelvers fra Lc 16

Del

A mac watx' chi yut ba yetok jabok tzet yetal chi ak'lay bay, ac'ala' watx' ok yut ba ta miman chi ak'lay bay. A pax mac man watx'ok chi yut ba yetok jabok tzet chi ak'lay bay xin, ac'ala' man watx'ok ok yut ba ta miman chi ak'lay bay.

C'am junok mactxel chi je' jun lajanc'al yak'on serbil cawanok patrón. Yujtol chi mi yajc'ulnej ba yetok junok, cax chi camc'ulnen ba yetok junokxa. Ay mi junok ay yelapnok yul sat, axa junokxa, c'am mi yelapnok yul sat. Yuj tu' xan c'am chi je' tol jun lajan co camc'ulnen jak'on serbil Dios c'al co camc'ulnen ch'en tumin, ẍi Jesús bay eb.

Xan ta man watx'ok che yut e ba yetok beyomal bay yulyibank'inal ti', ¿xin ta chi ak'laycan jun acaw beyomal ayex? Yetok c'apaxok, ta man watx'ok che yut e ba yetok tzet man e yetok, ¿xin ta chi ak'laycan juntzan tzet yetal caw wal e yet ayex?

Ta c'am chi yacbaj eb txiquin yin tzet tz'ibbilcan yuj Moisés tu', c'al tzet tz'ibbilcan yuj eb chekbej Dios, caxc'al ay junok mactxel chi ictzoj aj xol eb camnak, majc'alta' yaoc eb yin c'ul, ẍi Abraham bay cham, ẍi Jesús.

Ta ay junok winak chi pojlej ba yetok yetbi, cax chi yion junokxa ix, mul chi yun jun winak tu' axca tu'. Ac'ala' junok winak chi ion junok ix ix pojlejnak ba yetok yichamil, mul chi yun c'apaxok.