Populære bibelvers fra Matiu 5

Del

Doho tamat ahik pah ra touaouo tar luh i kukulebanga tar tolah, bo ra uatokoin i rana toro toktokono ro lam mare bala uakapar luhluhun iuma tar um. Ter siokono kompe, ingga pake ter luh tasir gisiameher tamata mara bang parokosin tar ineter uia ro guatagia, kara turung uatakai tang Tamoumua i Heuen.”

Inggoum misiana tar luh gere heir tar luh tar koto uakap. Misian tar uan uleik ger nituha uapon i rana tar ponponin ahik pahe banotong ou.

O tamata ger dedeilir kolous, gisina tera banotong uah, ra turung banga tang God.

O tamata gera malarantiehe tun tar uakeluk tar hagar uaiar nang God misiana tar tamatetie re gog, dohe kamadak tar marang kodom, gisina tera banotong uah, God e turung heir uamototo tun tasisin.

Bo inggo u hire tamiuoum pare, malauelhir tosnomio uelmatan, karung mene uaia tasisit ra soul tamiuoum. Guata uaia tasisit ra de tamiuoum, karung poul tenami lotu tasisit ra heir tar niduh tamiuoum.

“O tamata gera ateis a tabotanar iabeis tar ineter nang God, gisina tera banotong uah, gisinar tamatasina tera banotong kale tar mamang inetelikinitier uiar nanar Nitoiang Heuen.

O tamata gera uoto uahiarou tar uelsae tasir tamat, gisina tera banotong uah, gisina ra turung kilais o bung tuna God.

O tamata gera kiring, gisina tera banotong uah, God e turung ualabuk tasisin.

O tamata gera huata tar niduh ka heirigir tamata tasisin, teene ra uakeluk tun pesina tar hagar uaiar nang God, gisina tera banotong uah, a Nitoiang Heuen a nasisin.”

O tamata gera uoto ueldolomo tasir gisiameher tamat, gisina tera banotong uah, God e turung ueldolom tasisin.

“Inggoumeit ra uelsigalasioum, kara heirisioum tar niduh, kara boho tolasioum tar bureher inet, teeit rung uakeluk pe totoguo, inggoum mung banotong uah. Inggoum mung banotong bala uaia tun, karung uaha tun, ge a bulauamiuoum pe a uleik e uanguangoul tamiuoum i Heuen. O tamata ka guata sira uoum tar niguataninanine tasir propet geka uangoul baka uoum siounuhia tamiuoum.”

O tamata gesir hamhamasilik, gisina tera banotong uah, a koto uakap a turung nasisin.

“Inggoum misiana tar teh gane i kot, bo gete rouo pukur linglinginanin hape ra banotong uamaltehe poluk peiginin? Ahik paha uia baka poluk, bo ra turung baka liu puk manasaig, kara ueihueih taner tamat i kot.

Bo inggoum puk pakung guata uakodkodoh misiana re guata uakodkodoho pe Tamamiuenah i Heuen.”

Kula kompe ‘Aa’ ue ‘Ahik.’ Bor uelhire gera tumana baka polukulaig tar puhung uelhire, ginin e la tur tang Satan.”

Iesu ke kula poluk pare, “Inggoum kung longoro manasa tena puhung kula uapopokoh Moses gere kula pare, ‘Gete me tang siokor tamat e mamantouo me pang siokor matanar tang giameher tamat, git ke mamantouo ra mamantouo ponoinir pang siokor matan. Doh gete me tang siokor tamat e uatakalekus me siokor liuonor tamat, inggono ra uatakalekus ponoin me siokor liuon.’ Bo inggo u hire tamiuoum pare, inggoum ahik pah mung pehahaua tar tamata gere guata uasa tamiuoum. Gete me tamat e posar tar pararoumuaeitir pang mua, tur keip uiuir pono tatanono tar pang kais.

Temaene geta matoumuaoneitir pang mua ke reih totomua tar guata me hagar uasa, kale liu tatanon, karo baka liu. Auiantiehe geto baka liuia mo maharoum ter sa geta baka uadeilinir tukunumua i Hel. Doh gete ter pang limoumuaeitir pang mua ke reih totomua tar guata me niguata uasa, tokout liu tatanon, karo baka liu. Auiantiehe geto taboin mo maharoumua ter sa geta baka uadeilinir tukunumua i Hel.”