Populære bibelvers fra JOHAN 15

Del

“Kei pen leenggui ka hi a, note pen a hiang na hi uh hi. Note in kei tawh loin bangmah hih thei lo ding na hih manun kei tawh a kizomte in gah tampi na gah ding uh hi.

Kei tawh hong kizom paisuak le-uhcin kei zong note tawh a kizom paisuak ka hi ding hi. A hiang pen a gui tawh kizom kei leh gah a gah theih loh mah bangin note zong kei tawh na kizop kei uh leh gah na gah thei kei ding uh hi.

Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi.

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Lawmteʼ tang ding sih ngamna sangin lawmte itna a lian zaw om nawn lo hi.

Amah in gah a nei lo ka hiang khempeuh sat khia a, gah a nei hiangte ahihleh a gah semsem theih nadingin a puah hi.

“Note tungah ka hong piak thu in: Note ka hong it zahin note khatlekhat na ki-it un.

Gah tampi gah le-uhcin ka Paʼ minthanna a kilangsak na hi ding uh a, keima nungzui na hihna uh kilang ding hi.

Tua ciangin Jesu in, “Kei pen leenggui taktak ka hi a, ka Pa pen leenggui lo nei pa ahi hi.

Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kaang tum hi.

Note hangin kei ka lungdam theih nading le noteʼ lungdamna a cingtaak a suah theih nadingin hih thute a hong gen ka hi hi.

Ka Paʼ hong thupiakte zui-in ama itna sungah ka om mah bangin note in zong ka thupiaknate na hong zuih uh leh ka itna sungah a om na hi ding uh hi.

Tua hi a, note kong thupiak in: Khatlekhat na ki-it un, cihna ahi hi.

Hih leitung mite tawh a kipawl hi le-uhcin leitung mite in amau pawlte hong it ding hi. Ahi zongin hih leitung mite lak panin note ka hong teel khia a, amaute tawh kipawl nawn lo na hih manun a hong mudah ahi uh hi.