Populære bibelvers fra ลูกา 19

Del

ซาเบะ จะ กู_ นู นานะ นะ อูมัจ ซือมียา อีนี_ กู มาแรฮ ดัฮ_ นะ ซารี ซือมียา ซือซัจ ฌาลัด_ นะ ตูโลก ญา บรี ฮีโดะ ลือปัซ บาฌิ เลอ.” เยซู ญา จะ.

กูญา มือเลา จะ “ซือลามัจ เลอ_ ราฌา นู มาแรฮ เดะ ปือนามา นะ ตูฮัด เดะ อาตัซ . ซือนัง ซือลามัจ เลอ_ เดะ โซะ อาตัซ ลาแงะ. ปูฌี กะ ตูฮัด นู ตีงี เดะ อาตัซ ซูโงฮ.”

กะฆีเตอ_ เยซู มือเลา กะ ซือมียา อีตู จะ_ “อารี อีนี เลอ_ โกะ ซือมียา ซือรูมัฮ อีนี_ ฮีโดะ ลือปัซ บาฌิ ดัฮ_ กรานา จะ ซือมียา อีนี เตอ_ ญา ฌาดี บือแนฮ นะ อับราฮัม ฌูฆา.

ตานา เยซู มาแรฮ รอจ กะ ตือปัจ อีตู_ ญา ลางอฮ_ ลีฮัจ กะ อาตัซ_ มือเลา จะ_ “ซักคียัด เออ. บรี เกา ตูโรด มาแรฮ งูฆางู เลอ. อารี อีนี กู กือนา นะ บราดู เดะ รูมัฮ นะ เกา.” กะฆีเตอ ซักคียัด_ ญา ฆางู ตูโรด มาแรฮ_ ญา ซูกา ฮาตี ซูโงฮ_ ซาโมจ เยซู ปี กะ รูมัฮ นะ ญา.

ตาปี ซักคียัด บือดีรี_ มือเลา ฌางัน ตูฮัด เยซู จะ_ “ลีฮัจ เลอ ตูฮัด_ ซือบารัก นะ กู ซือมูฮา_ กู นะ ฮาฆิ ซือตืองัฮ_ บรี กะ โกะ อูรัก ฮาฌะ. นู กู บือเลฮ กีจอฮ โกะ ซือบารัก นะ ซาปา เตอ_ กู นะ บรี ปาเระ ลือเบฮ เดะ อีตู_ ปัจ บาฮาเฆด เลอ.”

เดะ ลูมอฮ ซือมียา บาญะ อีตู_ อาดา โกะ ลูมอฮ ฟาริซี ซือตืองัฮ. กูญา มือเลา ฌางัน เยซู จะ_ “บูมอยํ เออ_ กือนา บลารัก_ ลูมอฮ มูเระ นะ เกา เลอ.” ตาปี เยซู ตีกัฮ จะ_ “กู มือญาเระ กะ กาเญา จะ_ ดัฮ ลูมอฮ อีนี นะ ซืองะ_ ลูมอฮ บาตู โปด_ นะ อาดา บือซูระ บูริ ลาฆี.”