Populære bibelvers fra ลามูลา 12

Del

กู นะ บูวัจ บรี เกา ฌาดี บักซา บือซัยํ. กู นะ บรี ซือลามัจ กะ เกา_ นะ บรี ปือนามา นะ เกา ฌาดี บือซัยํ. เกา นะ ตูโลก ซือมียา อาซิก_ นะ บรี ซือลามัจ กะ กูญา. ซือมียา ดีฮา_ นู บรี ซือลามัจ กะ เกา_ กู นะ บรี ซือลามัจ กะ ซือมียา อีตู เลอ. ดัฮ อาดา ซือมียา_ นู อาโบยํ กะ เกา_ กู โปด_ นะ อาโบยํ กะ ซือมียา อีตู ฌูฆา. กู นะ บรี ซือลามัจ_ กะ โกะ ลูมอฮ บักซา_ ราตา เดะ ดือนียา_ กรานา เกา เลอ”_ ตูฮัด ญา จะ.

ตูฮัด บือซัยํ เดะ อาตัซ_ มือเลา ฌางัน อับราม จะ_ “เกา กือนา ตีงัน นังฆรี นะ เกา_ โกะ อาดี บราดี นะ เกา_ ฌางัน รูมัฮ นะ อาโปก เดะ เกา_ กือนา ฌาลัด ปี กะ นังฆรี อาซิก_ นู กู นะ ปลีฮัจ กะ เกา.

กะฆีเตอ อับราม_ ญา ตรือเบะ ปี_ ตูโรจ นู ตูฮัด บือซัยํ เดะ อาตัซ ซูโรฮ กะ ญา ดัฮ. โลด โปด_ ญา ปี ซามา. กาลา อับราม ตรือเบะ เดะ นังฆรี ฮาราน อีตู_ อูมอยํ นะ ญา ตูโฌฮ ปูโลฮ ลีมา (75) ตาโฮด.

กาลา อีตู_ ตูฮัด บือซัยํ เดะ อาตัซ มาแรฮ ปลีฮัจ กะ อับราม_ มือเลา จะ_ “กู นะ บรี นังฆรี อีนี กะ บือแนฮ นะ เกา เลอ”_ ตูฮัด ญา จะ. กะฆีเตอ_ โซะ อีตู_ อับราม บูวัจ ตือปัจ มือญือมัฮ_ กะ ตูฮัด บือซัยํ เดะ อาตัซ_ นู ปลีฮัจ กะ ญา ดัฮ.