Populære bibelvers fra Wenía 32

Del

“Rama mia anekiro ‘Jacó’ mia aotĩpá. Venerasĩ, Yové akánĩ mĩ wea ikinanãki miãse mĩ aka, askásho rama mĩ anero ‘Israelvere’”, akĩ.

Aská avaí vanai. “Ea ene, ma shaváai”, ãwẽ imaĩnõ, “vana roapa ea mĩ netãma ivoro, ea mia enetĩpa”, akĩ Jacopa.

aríse niakéi txipo. Askánamãsho yora wetsa tachikarãsho avé wea ikinanãi, ii ii shavá mashtévo.

Ãwẽ aská akatõsho, Jacó vanai. “Yové Koĩ kayakavi ẽ oĩmẽkĩ, ea vopima”, iinã aaivo shavá aneki “Peniel”, akĩ aneki.

Aská akĩ wea akĩ akátĩpa tanainã ãwẽ kichi shao txiwánamã tsipískãki.

“Mĩ ane awerá?” ãwẽ imaĩnõ “earo Jacó”, akĩ.

à aská akatõsho, “miã mĩ ane awerá”, iinã ãwẽ nĩkãtõsho, “awesainã ẽ ane mĩ nĩkãtsikirá?” akĩ. Aská avaikĩ anosho ãwẽ vana roapatõ Jacó netãki.

Earo ichnárvimẽkĩ, enõ noípakĩ petxitima chinãsho ea mĩ vesokõvarãai. Roaka ivorasĩ ea mĩ ashõrívi. Jordão waka txĩtĩchtase otésho ẽ pokemtá, askámẽkĩ ramaro yora shoko ravévakĩ aya ea.

Askásho rama shavapa Israel yorarasĩ kichi txiwá nami pimísmavo, ano ãwẽ tsipískmemtakiri chinãsho atõ ikí.

Askái ano Yavénĩ vanai. “Yavepá, mia ẽ ochtxó Abraãonĩsho, ẽ papa Isaquẽ ravipaóa Yové mia. Ea mĩ aská avai. ‘Arimẽse mĩ maikiri mĩ wetsamavorasĩnamã iokaĩtátso. Ano mĩ nimaĩnõ roakakĩ mia ẽ nitxĩkatsa’, iinã ea mĩ yonovai.

Ẽ takẽ, ea, ẽ aĩvorasĩ, ẽ vakerasĩ aatii yamamamísi iinã ãwẽ chinã onika ivo ea teashotso.