Populære bibelvers fra मर्‌कुस 5

Del

अनि येसुइ ओउ मोम्‍चोकाय तोसास्‍यावा, “ङाको चोःद्‍याङ, नाङको बिस्‍वासइ नाङकाय स्‍याक्‍ताको मुना। द्‍याह ल्‍हुङ धोमाइति पाह्‍य, धइतिदाह्‍य्‌सा नाङको दुख-कस्‍त द्‍योक्‍तिभ्‍याओ मुना।”

अनि ओउ मान्‍तालमको हुलहाङ बाह्र बर्‌सहाङसय वुइ होओ बेथाइ दुख च्‍यवो यातचाक मोम्‍चोमा खेतो। ओउ मोम्‍चो नाःतो बइदाङ्‌गिलमकहाङ आल्‍ति उपचार जाह्‍ङाकास, र लयकुस नाःओ थेपोमा ओखति जेःति द्‍योकाकान, तर स्‍याक्‍साको होन्‍त बिरामिको हालत झन् पेमातो स्‍यावो खेतो।

ओउ मोम्‍चोइ येसुको लावनाय धिन्‍नातासले ओउको वुइ थपका, र ओउतताह्‍ङो माहा दुख च्‍यवो रोगसय लय स्‍याको कुरा ओउ मोम्‍चोइ चिःआकान।

अनि येसुइ ओउ बालाख नानिको क्रुत चुम्‍ति ओउमयको लयको भासाहाङ “तालिथा, कुम” त दाह्‍य्‌ति तोसास्‍यावा। ओउको मानेखे “मयो बालाख नानि, च्‍योक।” त तोओ खेना।

येसुइ एतदाह्‍य्‌ति तोसास्‍याउधय मुतोकहाङ सभाकिमको हाकिमि याइरसको किमसय खबर लात्‍ति वाङो केहि मान्‍तालमइ याइरसकाय तोआथय, “नाङको चोःद्‍याङ सितिखाया, ओउतझ्‍यान्‍ते द्‍याह गुरुकाय दुख बइमालोले पेतो स्‍याउना खेचा।” तर ओउमयइ तोओ कुराकाय दोह वास्‍तामा जाह्‍ङ्‍मात येसुइ सभाकिमको हाकिमि याइरसकाय तोसास्‍यावा, “रइलाम, बिस्‍वास मात्र जाह्‍ङु।”

ओउ मान्‍ताइ एतदाह्‍य्‌ति तोओखे येसुइ ङ्‍हाखाले दुस्‍त ग्‍वालामकाय “अ दुस्‍त ग्‍वालाम, नाङ इ मान्‍ताकसय बाहिर ग्‍ल्‍युह्‍ङ्‌ति वाङ” त दाह्‍य्‌ति तोसास्‍यावोझ्‍यान्‍ते खेतो। ओहाङसयको येसुइ ओउकाय ह्‍वत्‍सास्‍यावा, “नाङको मय्‍ङ दोह?” ओउ त्‍याङा, “ङाको मय्‍ङ ‘फउज’ खेना, धइतिदाह्‍य्‌सा इ मान्‍ताभित्र नि नाःतो मुनाङ्‍सु।”