Populære bibelvers fra LUCAS 8

Del

Ba'ale' le i'inaj lúub ti' ma'alob lu'ume' leti' le máaxo'ob cu yu'ubico'ob le t'aano' yéetel ma'alob pucsi'ikal bey xan yéetel chuca'an óolal. Le t'aano' cu p'átal tu pucsi'ikalo'ob; bey túuno' cu dzáico'ob ma'alob ich.

Le i'inaj j lúub ichil ki'ixo'obo', leti' le máaxo'ob cu yu'ubico'ob le t'aano', ba'ale' láili' cu xíimbalo'ob tu beelo'obe' yéetel cu p'atico'ob u pe'ech'elo'ob tumen le sen tuuculo', le ayikalilo' yéetel le chéen cunel qui'imac óolalo'. Bey túuno' mix bikin cu dzáico'ob ich.

Le i'inaj lúub yóokol tzekelo' leti' le máaxo'ob cu yu'ubico'ob le t'aano', cu kamico'ob yéetel qui'imac óolal. Ba'ale' ma' jach yaan u mootzi', u yocsaj óolalo'obe' cu xáantal chéen dze'edzec kiin; tu kiinil le túuntaj óolalo' cu náachcunsicuba'ob.

Ca tu ya'alaj ti' u aj canbalo'ob: ¿Ba'ax j úuch yéetel a wocsaj óolale'ex? Ba'ale' leti'obe' sajacchajo'ob yéetel ja'ak u yóolo'ob, ca tu káat chi'ituba'ob tu baatzlilo'ob: ¿Máax ta t'aan le máaca'? Cu ya'almaj t'aantic tac le iiko' bey xan le ja'o', yéetel cu yu'ubal u t'aan.

Le dze'edzec i'inaj lúub yóokol le bejo' leti' le máaxo'ob cu yu'ubico'ob le t'aano', ba'ale' cu taal le kasilba'alo', cu luksic tu pucsi'ikalo'ob le t'aano' tu yo'olal ma' u yocsaj óolalo'ob ca to'oco'ob.

Tumen mina'an mixba'al ta'aca'an ca p'áatac ma' u yila'al, mixba'al xan mucul ta'an ca p'áatac ma' u yojéelta'al yéetel u chíicbesa'al.

Le co'olelo', le ca tu yilaj dzo'oc u yojéelta'al ba'ax tu beetajo', tu nadzajubáa táan u quiquilanquil, ca j xolaj tu táan Jesús. Tu ya'alaj xan tu táan tuláacal le máaco'obo' ba'ax o'olal tu péedzkabtaj u nook Jesús, yéetel bix úuchic u yutztal tu séeblaquil. Jesuse' tu ya'alaj ti': Co'olel, dzo'oc a wutztal tumen j ocsaj óolnajech, xeen jedzel a wóol.

Ca j bin u yajso'ob Jesús, ca tu ya'alajo'ob ti': ¡Aj ca'anbesaj! ¡Aj ca'anbesaj! ¡Táan c búulul! Jesús túune' j líike' ca tu keyaj le iiko' bey xan le ka'anabo', ca j p'áat jejedzqui tuláacal.