Populære bibelvers fra LUCAS 6

Del

Dza'ex ti' u láak máaco'obe', beyo' bíin dza'abac ti' te'ex tumen Jajal Dios. Bíin u dzáa te'ex jun p'éel ma'alob p'isib, chuca'an, chíicta'an yéetel chuup. Bíin meyajnac ti' Yuum Jajal Dios le p'isib cu meyaj ti' te'ex u ti'al a p'isique'ex u láak máaco'ob.

Jun túul máac utze' ba'alo'ob ma'alobtac cu ya'alic, tumen le utzo' ti' yaan tu pucsi'ikale'; bey xan jun túul máac kasa'ane' cu ya'alic ba'alo'ob kaastac, tumen le kaaso' ti' yaan xan tu pucsi'ikale'. Tumen cu ya'alic yéetel u chi'e' le ba'ax chupmajil u pucsi'ikalo'.

Ba'ale' te'exe' unaj a yaacuntic a p'ec óolale'ex, unaj a beetique'ex utz yéetel a dzáique'ex majan quex ma' a pa'atique'ex u su'utul te'ex u jeel. Beyo' bíin a kame'ex jun p'éel nojoch bo'olal yéetel bíin paalalta'aque'ex tumen Junab Jajal Dios yaan te j ca'ano'. Tumen leti' xane' cu ch'a'ic óotzilil ti' le chich u pucsi'ikalo'obo' yéetel ti' le kaakas máaco'obo'.

ch'a'ex óotzilil je'el bix a Taataex cu ch'a'ic óotzilile'.

Ma' a p'is óoltique'ex mix máac; beyo' ma' táan a p'is óolta'ale'ex tumen Jajal Dios. Ma' a xot kiine'ex, beyo' ma' táan a xot kinta'ale'ex tumen Jajal Dios. Sa'atsajnene'ex, beyo' bíin sa'atsa'aque'ex tumen Jajal Dios.

Ba'ale' ti' te'ex ca wu'uyiquene'exe' quin wa'alic: Yaabilte'ex a aj p'eeco'ob, beete'ex utz ti' le máaxo'ob cu ch'a'a p'ectique'exo'. Utzil t'ante'ex le máaxo'ob cu ya'alic te'ex ba'al kaaso', payalchi'inene'ex tu yo'olal le máaxo'ob cu poch'ique'exo'.

Beete'ex ti' u láak máaco'ob le ba'ax a káate'ex ca u beeto'ob leti'ob ti' te'exe'.

Wa yaan wa máax cu lajiquech ti' jun tzéel a wiche', suut xan le u láak jun tzéel ti'o'. Wa xan máax cu toquic teech a pimpim nooke', p'at xan u yáalal a nook ti'. Je'el máax ca u káat teech wa ba'axe', dzáa ti', yéetel ti' le máax xan cu luksic teech ba'al a ti'ale' ma' a káatic ti'.

Mina'an mix jun cúul ma'alob che' cu dzáic kaakas icho'ob, mina'an xan jun cúul kaakas che' cu dzáic ma'alob icho'ob.

Tumen yéetel u yich cu kaj óolta'al jun cúul che'. Ma'atech u t'o'ocol higo'ob ti' ki'ixo'ob, mix xan uvaob ti' j muc.