Populære bibelvers fra မာကု 13

Del

သင်တို့​သည် ငါ​၏​နောက်လိုက်များ​ဖြစ်သောကြောင့် လူအပေါင်းတို့​သည် သင်တို့​ကို မုန်းတီးကြ​လိမ့်မည်။ သို့သော် အဆုံး​တိုင်အောင် ကြံ့ကြံ့ခံသော​သူ​သည် ကယ်တင်ခံရ​လိမ့်မည်။

ထို​နေ့ရက်​သည် မည်သည့်​အချိန်ကာလ​၌ ကျရောက်မည်​ကို သင်တို့​မသိ​သောကြောင့် သတိ​နှင့် စောင့်နေကြလော့။

လူတို့​သည် သင်တို့​ကို ဖမ်းဆီး​၍ အမှုစစ်ကြ​သောအခါ မည်သို့​ပြောဆိုရမည်​ကို ကြိုတင်​၍ မစိုးရိမ်ကြနှင့်။ ထို​အချိန်​၌ သင်တို့​စိတ်ထဲ​တွင် ဘုရားသခင် ဖော်ပြတော်မူမည့်​စကား​ကိုသာ ပြောကြလော့။ သို့ဖြစ်၍ ထိုသို့ ပြောဆိုနေမည့်သူ​မှာ သင်တို့​မဟုတ်ဘဲ သန့်ရှင်းသော​ဝိညာဉ်တော်​ပင် ဖြစ်၏။

ကောင်းကင်​နှင့်​မြေကြီး တည်မြဲမည်​မဟုတ်​သော်လည်း ငါ့​စကား တည်မြဲ​လိမ့်မည်။

သို့သော် ထို​အရာများ​သည် မည်သည့်​နေ့ရက်၊ မည်သည့်​အချိန်နာရီ​၌ ဖြစ်ပျက်​လာမည်​ကို မည်သူမျှ မသိ။ ကောင်းကင်ဘုံ​ရှိ ကောင်းကင်တမန်များ​လည်း မသိ။ သားတော်​လည်း မသိ။ ခမည်းတော်​တစ်ပါးတည်း​သာလျှင် သိတော်မူ၏။

သင်တို့​သည် စစ်ပွဲများ​နှင့် စစ်ဖြစ်မည့်​သတင်းများ​အကြောင်း ကြားကြ​လိမ့်မည်။ သို့ရာတွင် မတုန်လှုပ်ကြနှင့်။ အဘယ်ကြောင့်ဆိုသော် ထို​အရာများ​အားလုံး​သည် ဖြစ်ပျက်​ရမည်။ သို့သော် ကမ္ဘာ​ကုန်ဆုံးချိန်​သည် မကျရောက်သေးပါ။

ထို့ကြောင့် အိမ်ရှင်​သည် ညနေ၊ သို့မဟုတ် သန်းခေါင်၊ သို့မဟုတ် အရုဏ်​မတက်မီ၊ သို့မဟုတ် မိုးလင်းချိန်တို့​တွင် မည်သည့်​အချိန်​၌ ကြွလာမည်​ကို သင်တို့​မသိ​သောကြောင့် သတိ​နှင့် စောင့်နေကြလော့။ ထိုသို့ မစောင့်​ပါက သူ​သည် ရုတ်တရက်​ရောက်လာ​သောအခါ သင်တို့​အိပ်ပျော်နေသည်​ကို တွေ့​လိမ့်မည်။ သတိ​နှင့် စောင့်နေကြလော့​ဟူ၍ သင်တို့​ကို သတိပေးသည့်​အတိုင်း လူအပေါင်းတို့​ကို ငါ​သတိပေးတော်မူ၏” ဟု မိန့်တော်မူ၏။

လူမျိုး​တစ်မျိုး​နှင့်​တစ်မျိုး၊ နိုင်ငံ​တစ်နိုင်ငံ​နှင့်​တစ်နိုင်ငံ အချင်းချင်း​ပုန်ကန်​၍ စစ်​ဖြစ်ကြ​လိမ့်မည်။ ကမ္ဘာ့​နေရာ​အနှံ့အပြား​တွင် အစာခေါင်းပါးခြင်း​နှင့် ငလျင်လှုပ်ခြင်းတို့ ဖြစ်​လိမ့်မည်။ သို့သော် ထို​အရာများ​အားလုံး​သည် ကျရောက်လာမည့် ကြောက်မက်ဖွယ်သော​ဆင်းရဲဒုက္ခများ​၏ အစ​မျှသာ​ဖြစ်၏။

သတင်းကောင်း​ကိုလည်း လူမျိုး​အပေါင်းတို့​အား ဦးစွာ​ဟောပြောရကြမည်။

အဘယ်ကြောင့်ဆိုသော် လူ​များစွာတို့​က ‘ငါ​သည် ခရစ်တော်​ဖြစ်၏’ ဟု ငါ့​အယောင်ဆောင်​လျက် ရောက်လာကြ​လိမ့်မည်။ လူ​များစွာ​ကိုလည်း လှည့်ဖြားကြ​လိမ့်မည်။

ဤ​အရာများ​စတင် ဖြစ်ပွား​လျှင် သတိရှိကြလော့။ လူတို့​သည် သင်တို့​ကို တရားရုံးများ​သို့ အပ်ကြ​လိမ့်မည်။ ဂျူးဝတ်ပြုဆောင်များ​တွင်လည်း ရိုက်နှက်ကြ​လိမ့်မည်။ ငါ​၏​နောက်လိုက်များ​ဖြစ်သောကြောင့် သင်တို့​ကို ရှင်ဘုရင်များ​နှင့် အစိုးရ​အာဏာပိုင်များ​ရှေ့သို့ ခေါ်ဆောင်သွားကြ​လိမ့်မည်။ ဤ​အရာ​သည် သင်တို့​ကို ငါ့​အကြောင်း​သက်သေခံရသော​အခွင့် ဖြစ်စေ​လိမ့်မည်။

ခရစ်တော်​အတုအယောင်များ​နှင့် ပရောဖက်​အတုအယောင်များ ပေါ်လာ​လိမ့်မည်။ ထို​သူတို့​သည် ဖြစ်နိုင်​ပါက ဘုရားသခင်​ရွေးချယ်ထားသော​သူများ​ကိုပင် လှည့်ဖြား​ရန် နိမိတ်​လက္ခဏာများ​နှင့် အံ့ဖွယ်​ဖြစ်ရပ်များ​ကို ပြုကြ​လိမ့်မည်။

ဆင်းရဲဒုက္ခ​ခံရမည့် ထို​နေ့ရက်များ ကုန်ဆုံး​ပြီးနောက် နေမင်း​သည် မှောင်မိုက်​၍ လ​သည် အလင်းရောင်​ကို မပေးဘဲ​နေ​လိမ့်မည်။ ကြယ်တို့​သည်လည်း ကောင်းကင်​မှ ကြွေကျ​၍ ကောင်းကင်​တန်ခိုးတို့​သည် တုန်လှုပ်ကြ​လိမ့်မည်။