Populære bibelvers fra မဿဲ 22

Del

ယေရှု​က “ ‘သင်​၏​ဘုရားသခင် ထာဝရဘုရား​ကို စိတ်နှလုံး​အကြွင်းမဲ့၊ စိတ်ဝိညာဉ်​တစ်ခုလုံး၊ ဉာဏ်​ရှိသမျှ​နှင့် ချစ်လော့’ ဟူသော​ပညတ်တော်​သည် ပထမဆုံး​နှင့် အကြီးမြတ်ဆုံး​ဖြစ်၏။ ဒုတိယ​ပညတ်တော်​သည်လည်း ထို​နည်းတူ​ဖြစ်​၍ ‘ကိုယ်​နှင့်​သက်ဆိုင်သော​သူ​ကို ကိုယ်​နှင့်​အမျှ ချစ်လော့’ ဟူ၍ ဖြစ်၏။

ပညတ်ကျမ်း​နှင့် ပရောဖက်ကျမ်း​ရှိသမျှတို့​သည် ထို​ပညတ်တော်​နှစ်ချက်​အပေါ်တွင် အခြေခံသည်” ဟု မိန့်တော်မူ၏။

အဘယ်ကြောင့်ဆိုသော် ဖိတ်ခေါ်ခံရသူ​များစွာ ရှိ​သော်လည်း ရွေးကောက်ခံရသူ​မှာ အနည်းငယ်​သာ ရှိသောကြောင့်​ဖြစ်သည်” ဟု မိန့်တော်မူ၏။

သေရာ​မှ​ရှင်ပြန်ထမြောက်မည့်​ကာလ​တွင် လူတို့​သည် လက်ထပ်ယူခြင်း​နှင့် လက်ထပ်​ပေးစားခြင်း​ကို ပြုကြမည်​မဟုတ်။ ထို​သူတို့​သည် ကောင်းကင်ဘုံ​ရှိ ကောင်းကင်တမန်များ​ကဲ့သို့​ဖြစ်ကြ​လိမ့်မည်။

အခွန်ဆောင်ရာ​တွင်​သုံးသည့် ဒင်္ဂါးပြား​တစ်ပြား​ကို ပြလော့” ဟု မိန့်တော်မူ​လျှင် သူတို့​သည် ဒင်္ဂါးပြား​တစ်ပြား​ကို ယူခဲ့ကြ၏။ ထိုအခါ ယေရှု​က “ဤ​ဒင်္ဂါးပြား​ပေါ်၌ မည်သူ့​ပုံ​နှင့် မည်သူ့​အမည် ပါရှိသနည်း” ဟု မေးတော်မူ၏။ သူတို့​က “ဆီဇာဘုရင်​၏ ပုံ​နှင့်​အမည် ပါရှိသည်” ဟု လျှောက်ကြ၏။ ထိုအခါ ယေရှု​က “သို့ဖြစ်လျှင် ဆီဇာဘုရင်​နှင့်​ဆိုင်သော​အရာများ​ကို ဆီဇာဘုရင်​အား ပေးဆောင်ကြလော့။ ဘုရားသခင်​နှင့်​ဆိုင်သော​အရာများ​ကို ဘုရားသခင်​အား ပေးဆောင်ကြလော့” ဟု ထို​သူတို့​အား မိန့်တော်မူ၏။